Números 17:5 - Bible in Tzotzil de Chamula

⁵ Yu'un ta xc'ot ta pasel cu'un ti ta xcac' q'uelomajuc snamte' ti buch'u t'ujbil cu'une. Ja' to jech ta xicta sbaic ta chopol c'opojel ta atojol ti israeletique.”

Bible in Tzotzil de Chenalhó with Deuterocanon

⁵ Li boch'o t'ujbil cu'une ja' ta xcac' q'uelumajuc li snamte'e. Jech xu' ta xpajic o ta yalel c'usi chopol li achi'iltac ta israelale”, x'utat.

Números 17:5 Iomraidhean Croise

2 Crónicas 26:16

Ja'uc le' une, c'alal stsacoj xa lec yipal yu'un ta j'ech'ele, lic stoy sba, ti c'ot ta tsutsel xchi'uque. Laj syanijes sba ta stojol ti Dios yu'une, yu'un och batel ta xch'ulna Dios ta xchiq'uel pom ti bu oy yaltaril ti chic'obil pome.

Esdras 2:62

Taj une, laj yich' sa'bel sbiic ta svunal ti bu tsacal sbiic ta jujuchope. Mu'yuc xtabat ti sbiique. Ch'acal c'ot ti oy sc'oplal ta x'ochic ta paleale.

Salmos 105:26

Va'i un, ti Diose laj stac batel ti Moisés ti c'otem ta yajtunele, xchi'uc ti Aarón ti t'ujbilic yu'une.

Éxodo 16:7

Yu'un ti sob oc'ome, ta xavilic slequilal yutsilal ti Diose. Yu'un laj xa ya'i ti xabic'tal c'opojic ta scontrainele. Mu smeloluc, ¿buch'u laj sva'anuncutic un cha'e ti xabic'tal c'opojic xa ta jtojolcutique?

Isaías 11:1

Ti ta xchumanil te' taje, ti ja' sc'oplal ti Isaie, ta xvul ta loq'uel sq'uelom, jun sq'uelom ti ta yi'bel to ta xpul talele.

Isaías 13:11

Ti Diose xi ta xale: “Ta xlic jtsits ta j'ech'el ti jnaclejetic ta scoj ti smulique, ti buch'utic toj chopolic ta scoj ti smilvanejalique. Ta jtsutses ya'iic ta j'ech'el ti cajal xa'i sbaic yu'un ti stoyobbailique. Ta xcac' ta lo'il maxil ti buch'utic mu xa'i sbaique, ti pimunebic xchi'uc ti xpochanilique.

Isaías 27:6

Le' batele, ti slumal Jacobe ta xlic yac' ep yi'bel. Ti Israele ta xlic puluc sq'uelom. Ta xlic nichimajuc. Ta xlic snojesic banomil ta sventa ti sate.

Isaías 5:24

Jech o xal un, jech c'u cha'al ti c'oq'ue ti naca xchic' no'ox batel ti jobele, ti slebe ti naca xchic' no'ox batel ti taquin yanal te'e, jech ta xavich' ti avocolique jech c'u cha'al ti te' taquin xa xchi'uc ti yibel ta xc'aq'ue, ti xvajet no'ox batel ti xnich jech c'u cha'al ti pucuque. Yu'un laj abajic, laj atenic ti chanubtasel yu'un Dios ti scotol xu' yu'une, ti ch'ul Dios yu'un ti Israele.

Ezequiel 16:41

Ta sjumbeic sc'ac'al ti anataque. Ta sba ta sat scotol ti yan antsetique, ta xchapaj ti amule. Ta jtsutsesbe sc'oplal ti jech ta xabolomalinel abae, ta xch'ay stojel avu'un ti xch'ayobil ajole.

Ezequiel 23:27

Ta jtsutsesbot ti sc'upijel avo'nton ta sbolomalinel aba ti laj avac' aba ta Egiptoe. J'ech'el ta xch'ay ta asat ti egipcioetique, mi ja'uc xa ta xvul ta ajol.

Oseas 14:5

Co'ol s'elan sts'ujulal job ac'ubal ta xic'ot ta stojol ti Israele. Jech ti stuque, ts'o'ol no'ox liquel ta nich jech c'u cha'al ti te'tical nichime. Jech ti yibeltaque, j'ech'el ts'unul lec jech c'u cha'al yibel ti te'etic ta vits Libanoe.

Números 1:51

Va'i un, c'alal mi ta sc'an cuchel batele, ja' ta slilinic, ja' ta sva'anic ta ach' xtoc ti bu ta xc'ot alaman abaic ta nacleje. Scotol ti buch'uuc no'ox ta xnopaj batel ta sts'el ti Axibalna ti ma'uc sventainojique, mil xi ya'i yajval.

Números 11:1

Oy jun c'ac'al, lic coscoj c'opojicuc ti israeletic ta stojol ti Dios ta scoj ti vocol ta x'ech' yu'unique. C'alal jech laj ya'i ti Diose, ep soc sjol. Tey laj stacbe talel c'oc' ta stojolic ti laj xchic' ta joyob ti bu lamalic ta nacleje.

Números 16:11

¿Buch'u la avalojic ta melel ti chopol ta xac'opojic ta stojol ti Aarone? Yu'un ti vo'ote xchi'uc ti achi'iltaque ta xatoy abaic ta stojol ti Diose.

Números 16:5

Va'i un, xi laj yalbe ya'i ti Coree xchi'uc ti c'u yepal vololic batel ti xchi'iltaque: —Sob oc'om, ta xac' ta na'el ti Dios buch'u ti yu'untaque, ti buch'u ti t'ujbil yu'une, ti xu' ta xac'beic ti matanale. Ja' no'ox xu' ta xaq'uic matanal ti buch'u t'ujbilic ta xc'ot yu'une.

Números 17:10

Va'i un, ti Moisese xi albat yu'un ti Diose: “Bat ac'o yan velta ta xcaxail yu'un trate snamte' ti Aarone. Q'uejo ti bu taje, ti ja' ta xtun ta sventa sbijubtaselic ti toyobba jteclume. Ti jech taj une, ja' to ta xicta sbaic ta xchopol c'optaelun, mi ja'uc ta xchamic.”

Números 17:6

Ti va'i s'elan taje, jech ono'ox laj yal ti Moisés ta stojol ti israeletique. Jech laj yac'be jujun snamte'ic ti banquilaletic yu'unic ti jujuvoq'ue, ti c'ot ta tsobel ta lajcheb (12) namte'il ta scotole. Ta scotol ti va'i yepal taje, tey oy xtoc snamte' ti Aarone.

Números 17:8

Ta yoc'omal un, c'alal bat ta ch'ulnae, laj yil ti q'uelomajem xa snamte' ti Aarone, ti ja' c'otem ta yu'unic ti jvoc' snitilul ti levitaetique, yu'un q'uelomaj xa. Yac'oj xa xnich. Toc'onic xa sat ti almendroe.

1 Corintios 10:10

Mi ja'uc xabic'tal c'opojic ta scontrainel Dios jech c'u cha'al bic'tal c'opojic ti jlom ta vo'nee, ti lajic ta milel yu'un ti jmilvanej ánjele.

Josué 4:7

va'i un, xachi ta xatac'beique: ‘C'alal ech' xtuch' jelavel uc'um xcaxail strate ti Diose, ti uc'ume pas ta cha'ch'ac yoc ti bu oy ti caxae. Va'i un, ti tonetic le' une, ja' sventa svulesobil ta yo'ntonic ti israeletic ti oy c'usi c'ot ta pasel li'e.” ”