Números 17:13 - Bible in Tzotzil de Chamula

¹³ Yu'un scotolic ti buch'u ta xnopajic ech'el ta xch'ulna ti Diose, ta xchamic. ¿Mi yu'un ta xc'ot ta pasel ti ta xijchamotic jcotoltique?”

Bible in Tzotzil de Chenalhó with Deuterocanon

¹³ Scotol li boch'otic chnopajic batel ta ch'ulna yu'un Muc'ul Diose, ta xchamic. ¿Me yu'un jcotoltic li' chijchamutic o ti jechuque?”, xiic.

Números 17:13 Iomraidhean Croise

Génesis 3:3

Ja' no'ox un, mu xu' jlo'becutic sat ti jpets ti teq'uel ta o'lol ts'unubale. Yu'un laj yalbuncutic ti Diose, mi ja'uc xu' ta jtul jlo'becutic sat ti te' le'e. Yu'un ti mi jech ta jpascutique, ta xichamcutic.

2 Samuel 24:25

Ti bu taje, laj sva'anbe yaltar ti Diose. Laj yac' ti chic'bil matanale xchi'uc ti c'usitic ta xich' svocol ta sventa ti lajesobil o'ntonale. Va'i un, ti Diose laj xchiquinta ti ta xc'anbat vocol sventa ti lume. Ti chamel lajel ta xmilatic o xchi'uc ti Israele, loc' batel.

1 Crónicas 15:13

Ti sba veltae, mu jech laj apasic. Jech o xal ti Ajvalil Dios cu'untique laj yac' jvocoltic ti laj xtuch'be xcuxlejal jchi'iltic ta scoj ti mu'yuc laj quich'betic ye sti' ti c'usi lec ta pasele.”

Salmos 90:7

Melel un, j'ech'el ta stsutsesuncutic ti sc'ac'al avo'ntone, ti ch'abal xa jch'ulelcutic ta xiyictacutic comel une.

Isaías 28:22

Ja' yu'un un cha'e, lajuc sc'oplal avu'unic ti labanvaneje. naca me stsin sba ta j'ech'el ti acarinailique. Yu'un laj ca'ibe sc'oplal ti Dios ti scotol xu' yu'une, laj yal mantal ti ta stsutses ta j'ech'el ti lume.

Números 16:26

Ja' yu'un un, xi laj yalbe ya'i ti jteclume: —Q'uejo abaic loq'uel ti bu lamalic ta naclej ti chopol viniquetic le'e. Mi ja'uc xatsacbeic ti c'usi x'ayan yu'unique, naca mi chamanic ta scoj ti smulique.

Números 18:1

Ti Diose xi laj yalbe ti Aarone: “Ti vo'ot xchi'uc ti anich'nabe, jmoj xchi'uc ti jvoc' nitilulil yu'un ti Levi ti ja' ats'unubaltaque, mi oy c'usi mu lecuc ta xc'ot ta ch'ulnae, cajal me ta xc'ot ta abaic. Yu'un ja' no'ox vo'ot xchi'uc ti anich'nabe, cajal ta xc'ot ta aba mi oy c'usi mu lecuc ta xc'ot ta pasel yu'un ti avabtelic ti jech ochemoxuc ta paleale.

Números 25:8

Stij-patioj ech'el c'alal to sna ti israelal vinic taje, ti tey no'ox laj spajbe ti lanza ta xch'ut ti israelal vinique xchi'uc ti antse. Taj une, ja' to jech paj ti ta xchamic ti israeletic ta scoj ti va'i s'elan toj chopol ta xc'ot ta pasele,

Números 32:13

Ti Diose soc sjol ta stojol ti israeletique. Yu'un cha'vinic (40) jabil xjoyetic yu'un ta sbajtical banomil ja' to ti c'uxi laj scotolic ti buch'utic laj soquesbeic yo'nton ti Dios ta scoj ti c'usitic chopol laj spasique.

Hechos 5:5

C'alal jech laj ya'i ti Ananiase, ta jech yepal toj yalel ta lum, toj chamel c'ot. Xi'ic ta j'ech'el ti buch'utic laj ya'iique.

Efesios 2:13

Avi tana une, ti jech oyoxuc ta stojol ti Cristo Jesuse, lanopajic xa talel ta stojol Dios ta sventa laj smal xch'ich'el ti Cristoe, ac'o mi nom to ox laxanavic.

Deuteronomio 2:16

“C'alal mu'yuc cuxulic mi junuc ti j'ac'-leto viniquetic taje,