Números 17:10 - Bible in Tzotzil de Chamula

¹⁰ Va'i un, ti Moisese xi albat yu'un ti Diose: “Bat ac'o yan velta ta xcaxail yu'un trate snamte' ti Aarone. Q'uejo ti bu taje, ti ja' ta xtun ta sventa sbijubtaselic ti toyobba jteclume. Ti jech taj une, ja' to ta xicta sbaic ta xchopol c'optaelun, mi ja'uc ta xchamic.”

Bible in Tzotzil de Chenalhó with Deuterocanon

¹⁰ Li Muc'ul Diose jech laj yalbe li Moisese: “Bat ac'o yan velta te ta stuq'uil xcaxail jmantal li snamte' Aarone; te xaq'uej lec comel. Ja' chtun sventa cht'ab ta yo'ntonic c'usi ic'ot ta pasel li jtoyba cristianoetic li'i. Jech chpajic o ta yalel c'usi chopol ta jtojol, xchi'uc jech mu xchamic”, x'utat li Moisese.

Números 17:10 Iomraidhean Croise

Salmos 57:4

Bitsilun xa ta banomil, c'otemun jech c'u cha'al ti buch'u ta xti'e ta jti'oval león ti volibil xae, co'ol s'elan mi sni' lanza, mi sni' yolob ti stanal yeique, ti co'ol s'elan juxbil espada ta bet'bunel ti yeique.

Éxodo 16:32

Ts'acal to un, xi laj yal ti Moisese: —Ti va'i s'elan taje, xi s'elan ma' ti laj yal mantal ti Diose: “Nojesic ta maná jun sbisol ti x'och yu'un cha'boche. Q'uejic yo' jech ta xilic ti anitilulic ti c'u s'elan laj cac'boxuc ave'elic ta sbajtical banomil ti c'alal laj jloq'uesoxuc talel ta Egiptoe.”

Éxodo 16:34

Jech laj yich' pasel ti va'i s'elan laj yich' albel mantal yu'un Dios ti Moisese. Jech ti Aarone bat yac' ti moch ta xcaxail tratee yo' jech ta xich' q'uejel tey.

Isaías 1:2

Ch'ul vinajel, banomil, a'yio ava'iic ti xi ta xal ti Diose: “Ch'i c'opojic cu'un ti alab nich'nabiletique, c'u stu un, lic stoy sbaic ta jtojol.

Oseas 10:9

Ti Diose xi ta xale: “Ti Israele mu xquechan sba ta sa'el ti smule, lic talel yu'un c'alal oy ta Gabaa. Stsacoj lec yip ti mulil ta stojolique. Jech o xal un, ti buch'utic toj chopolic taje, ta xc'ot ti leto ta stojolic tey ta Gabaae.

Números 14:5

Ti Moisese xchi'uc ti Aarone snupilan xa banomil laj spatan sbaic ta lum ta sba ta sat scotol ti jteclume.

Números 16:21

—¡Q'uejo abaic loq'uel ta stojol ti jteclum li'e, yu'un ta jliquel no'ox ta jtsutsesbeic sc'oplalic!

Números 16:38

Yu'un ti yav yac'alic ti viniquetic ti buch'utic chamic ta scoj ti laj sta ti smulique, yu'un c'otem ta tunel ta sventa ti tun ta yac'obil pom ta jtojole. Ja' yu'un cha'e, joybinic ta jun pech-pech taq'uin taje yo' jech ta xc'ot ta xcha'lam smac ti altare, ti ta xc'ot ta scaj-sbijubtaselic ti israeletique.”

Números 16:40

Ti va'i s'elan taje, ja' c'ot ta scaj-sbijubtaselic ti israeletic ti mu'yuc buch'u junucal xu' ta xnopajic ta yaq'uel pom ta altar ta stojol ti Dios ti mi ma'uc snitilultac ti Aarone. Yan mi mo'oje, jech ta xc'ot ta stojolic jech c'u cha'al ti Coree xchi'uc ti xchi'iltaque. Scotol jech c'ot ta pasel jech c'u cha'al albat mantal ti Eleazar yu'un ti Dios ta sventa ti Moisese.

Números 17:11

Ti Moisese jech laj spas scotol jech c'u cha'al albat mantal yu'un ti Diose.

Números 17:4

Ta xatic' ochel ta Axibalna ti bu nupel ta be ta yeloval xcaxail ti tratee, ja' ti bu ta xcac' jba iluc ta atojolique.

Números 17:9

Va'i un, ti Moisese laj stam loq'uel talel ta sba ta sat Dios scotol ti namte'iletique. Laj yac'be yil ti israeletique. C'alal laj sq'uelique, ta jujun laj stamic ech'el ti snamte'ique.

Números 20:9

Jech ti Moisese laj stam ti vaxton ti oy ta stojol ti Diose jech c'u cha'al albat mantal yu'une.

Números 4:18

“Mu xavac' ave ati' ti ta xtub sts'unubalic jujuchop snitilultac ti Coat ta stojol ti levitaetique.

1 Corintios 10:10

Mi ja'uc xabic'tal c'opojic ta scontrainel Dios jech c'u cha'al bic'tal c'opojic ti jlom ta vo'nee, ti lajic ta milel yu'un ti jmilvanej ánjele.

Efesios 5:6

Mu aq'uelojuc xavac' abaic ta lo'lael yu'un mi junuc ti buch'utic naca yesomal sjolic ti c'usitic ta xalique. Ta scoj ti jech taje, q'uelel xa talel ta stojol ti tsots tsitsel yu'un ti Diose.

Deuteronomio 9:24

¡Yu'un toyobbaoxuc ono'ox ta stojol ti Ajvalil Dios ti c'uxi lic cojtiquinoxuc talele!

Deuteronomio 9:7

“Ta j'ech'el mi ja'uc sc'an xch'ay ta avo'ntonic ti laj acontrainic ti Ajvalil Dios avu'unic ta sbajtical banomile. Yu'un mi ja'uc ono'ox xava'ibeic xchiquinal ti c'alal laloq'uic talel ta Egiptoe, ti c'alal lavulic ta loq'uel li'e.

Hebreos 9:4

Ti bu taje, oy jun altar meltsanbil ta oro sventa xchic'obil ti pome, xchi'uc xcaxail ti trate bonbil ta oro sbejele. Ta yut ti caxae, oy jun jarru meltsanbil ta oro ti bu tiq'uil ti manae. Tey tiq'uil xtoc ta yut caxa snabte' ti Aarón ti q'uelomaje, xchi'uc ti cha'pech ton ti bu ts'ibabil ti tratee.

1 Samuel 2:12

Ti xnich'nab ti Elie toj chopol ti stalelique. Mu ja'uc xaq'uic ta venta ti Diose.

1 Samuel 30:22

Ja'uc le' une, oy jlom svinictac ti mu'yuc xch'ulelique, ti chopol yo'ntonique, lic sva'an sbaic ta yalel ti mu'yuc la ta xich'ic spuculalic ti c'usitic laj staic talel ti buch'utic mu'yuc x'ay chi'invanicuque, ti ja' no'ox la ac'o yiq'uic sutel ti yajnilic ti xnich'nabtac ti jech pojbatic talele.