Números 16:5 - Bible in Tzotzil de Chamula

⁵ Va'i un, xi laj yalbe ya'i ti Coree xchi'uc ti c'u yepal vololic batel ti xchi'iltaque: —Sob oc'om, ta xac' ta na'el ti Dios buch'u ti yu'untaque, ti buch'u ti t'ujbil yu'une, ti xu' ta xac'beic ti matanale. Ja' no'ox xu' ta xaq'uic matanal ti buch'u t'ujbilic ta xc'ot yu'une.

Bible in Tzotzil de Chenalhó with Deuterocanon

⁵ Jech laj yalbe li Coré xchi'uc xchi'iltaque: —Li Muc'ul Diose sob oc'om chac' ta ilel li boch'o ja' yu'une xchi'uc li boch'o t'ujbil yu'un sventa chchic'be smotone. Ja' no'ox xu' chchic'be smoton Dios li boch'o t'ujbil yu'un stuque.

Números 16:5 Iomraidhean Croise

Salmos 105:26

Va'i un, ti Diose laj stac batel ti Moisés ti c'otem ta yajtunele, xchi'uc ti Aarón ti t'ujbilic yu'une.

Salmos 115:10

Pato avo'ntonic ta stojol ti Diose, paleetic. Ja' ta xiscoltaotic, ta xispojotic.

Salmos 65:4

Xmuyubaj no'ox ti buch'u laj at'uje, ti buch'u nopol ta xavac' nacluc ta ats'el ta jujunaetic ta ach'ulnae. Yepaluc jtacutic ti lecuc oyuncutic ta ana ta sventa ti yutsilal slequilal ti ach'ulnae.

Éxodo 28:1

“Ti ta scotol ti israeletique, ja' nabano ta atojol ti achi'il ta voq'uel Aarone xchi'uc ti xnich'nabe, ja' ti Nadabe, ti Abiue, ti Eleazare, xchi'uc ti Itamare yo' jech ta xc'otic ta cajpaletac.

Éxodo 28:41

“Ja' jech ta xavac'be slap sc'u' ti achi'il ta voq'uel Aarone, ti xnich'nabe, xchi'uc ta xamalbe aceite ta sjol ti ta xavac'be yich' tsots yabtel ti t'ujbil ta xc'ot ta cajpaletaque.

Éxodo 28:43

Va'i un, ti Aarone xchi'uc ti xnich'nabe, ac'o slapic batel ti c'alal ta x'ochic batel ta Axibalna, mi ja' ti ta xnopajic batel ta sts'el ti altare. Ac'o slapic ti c'alal ta xtunic ta paleal tey ti bu nupel ta be xchi'uc ti Diose yo' jech mu jset'uc oy c'usi chopol ta xc'ot ta pasel, yo' jech mu xchamic. Li'e, ta me xc'ot ta jbel ti oy c'usi tsots albil ti j'ech'el ch'unbil ta xcom o yu'un ti stuque xchi'uc ti snitilultaque.

Jeremías 30:21

Ta stojol no'ox stuquic xtoc xi s'elan ta xloc' ti jventainvanej yu'unique: Ta stojol no'ox stuquic ta xloc' ti ajvalil yu'unique. Ta xcac' que jti' ti xu' ta xnopaj ta jtojole. ¿Mi yu'un la buch'uuc no'ox xu' ta xnopaj ta jtojol?

Jeremías 49:19

Nax to ti jap xichi talel jech c'u cha'al junuc león ti ta xloc' talel ta pimilal pujtic yu'un ti uc'um Jordane, ti xbitet batel ta anil ta uninal ve'ebal yaxaltique, ti xbitic no'ox loq'uel ta jatobal cu'un ti jnaclejetic yu'un ti Edome. Ta xcac' ochuc ta pas mantal ti buch'u ta jt'uje. Ja' yu'un un cha'e, ¿Buch'u xco'olaj xu' yu'un jech c'u cha'al ti vu'une? ¿Mi oy buch'u xu' yu'un ta stsalelun? ¿Mi oy jun jq'uel-chij xu' yu'un xch'amelun ta be?

Jeremías 50:44

“Nax to ti xibitet loq'uel jech c'u cha'al jcot león ti ta xloc' talel ta pujtic yu'un ti uc'um Jordane, Xivelet batel ta anil ta pulem yaxaltic, ti xbit no'ox loq'uel ta jatobal cu'un ti babiloniaetique. Ta xcac' ochuc ta pas mantal ti buch'u ta jc'an ta jt'uje. ¿Mi oy la buch'u xu' ta sco'oltasicun ya'iic xchi'uc? ¿Mi oy la bu mu xu' cu'un spaquel jc'oplal ti yaloje? ¿Mi oy la junuc jq'uel-chij xu' ta xismac ta bee?

Ezequiel 40:46

Ti jbej na sq'ueloj batel sti' ta yolon ti yolon xocon sloq'ueb c'ac'ale, ta stunesic paleetic ti buch'utic sbainojic ta sq'uelel ti altare. Naca snitilultac Sadoc ma' taje, ja' no'ox levitaetic xu' xnopajic ta tunel yu'un ti Diose.”

Ezequiel 43:19

Ti pale levita snitilultac ti Sadoque, ti ja' no'ox xu' xnopajic ta jtojol yo' ta xtunique, ta xavac'be jcot ch'iom tot vacax ta yaq'uel ta matanal ta yich'el svocol ta scoj ti mulile. Laj cal mantal ti vu'un Ajvalilune.

Ezequiel 45:4

Ti banomil taje, ta xc'ot ta sventaic ti paleetic ti buch'u ta xtunic ta xch'ulna ti Diose, ti stac' xnopajic ta tunel ta stojole. Ti bu taje, ta xc'ot ta yavil snaic. Ac'bil ta ventainel sventa ti ch'ulnae.

Levítico 10:3

Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Levítico 8:2

“Ti Aarón xchi'uc ti xnich'nabe, ic'o talel. Ich'o talel xtoc ti c'u'iletic sventa paleale, ti jtunel aceite sventa nupob abtelale, ti ch'iom tot vacax ti ta xich' svocol ta scoj ti mulile, ti cha'cot tot chije, ti jun moch pan ti mu'yuc ac'bil spajubtasobile.

Malaquías 3:18

Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”

Números 16:3

Scotolic ti va'i yepal taje laj svol sbaic batel ta stsaquel ta c'op ti Moisese xchi'uc ti Aarone, ti xi laj yalbeique: —¡Li' xa no'ox c'alaluc lajuc sc'oplal ti ich'biloxuc ta muq'ue! Yu'un scotol jteclum t'ujbil ono'ox yu'un ti Diose. Oy ta jtojol jcotoltic ti Diose. ¿C'u cha'al ya'yel un cha'e ti co'ol to s'elan banquilal ajvalil xava'i abaic ta stojol ti xnich'nab Diose?

Números 16:6

Xi s'elan ti xcholet sc'an xapasique: Ich'beic talel yavil xchic'obil spom ti Coree xchi'uc ti xchi'iltaque.

Números 17:5

Yu'un ta xc'ot ta pasel cu'un ti ta xcac' q'uelomajuc snamte' ti buch'u t'ujbil cu'une. Ja' to jech ta xicta sbaic ta chopol c'opojel ta atojol ti israeletique.”

Números 17:8

Ta yoc'omal un, c'alal bat ta ch'ulnae, laj yil ti q'uelomajem xa snamte' ti Aarone, ti ja' c'otem ta yu'unic ti jvoc' snitilul ti levitaetique, yu'un q'uelomaj xa. Yac'oj xa xnich. Toc'onic xa sat ti almendroe.

San Juan 15:16

Ma'uc vo'oxuc laj at'ujicun, yu'un vu'un laj jt'ujoxuc yo' ta xcac' abainic ta spasel ti c'usi leque, ti staojuc oy yav ta atojolic ta spasel ti c'usi leque, ti mu xlaj sc'oplale. Jech ti Jtote ta xayac'boxuc ti c'usi ta xac'anic ta jventae.

Hechos 1:2

xchi'uc ti c'alal laj sta sc'ac'alil muy batel ta vinajele. C'alal mu'yuc to ta xmuy batel ta vinajele, ta sventa ti Ch'ul Espiritue laj yalbe ya'iic c'u s'elan stac' ta spasic ti yajcholc'optac ti st'ujoj xa ono'oxe.

Hechos 1:24

Xi c'opoj ti'inique: —Cajval, xavojtiquinanbe yo'nton scotol. Ac'bun quilcutic buch'u junucal laj at'uj ti cha'vo'ic li'e

Hechos 13:2

Oy jun c'ac'al c'alal scomtsanoj yotic ta sventa yalbel vocol ti Diose, xi albatic yu'un ti Ch'ul Espiritue: —T'ujbun loq'uel ti Bernabee, ti Sauloe, ta yich'el ti yabtelic ti laj jtaic ta iq'uele.

Hechos 15:7

C'alal jal xvulajetic ta scomon nopele, va'i ti Pedro ti xi laj yale: —Jchi'iltac, ana'ojic lec ti vo'oxuque, vo'ne xa laj st'ujun loq'uel ti Dios li' ta atojolic yo' ta xcal ti lequil ach' c'op ta stojol ti jyanlumetic yo' ta xc'ot ta yo'ntonic ta xch'unele.

Hechos 22:14

Xi laj yalbune: ‘Dios yu'un ti jmolmuc'totique laj st'ujot talel yo' ta xana' c'usi ta sc'an, yo' ta xavilbe sat, yo' ta xava'ibe sc'opojel ti Buch'u stalel ti oy yutsil slequil yo'ntone.

Efesios 2:13

Avi tana une, ti jech oyoxuc ta stojol ti Cristo Jesuse, lanopajic xa talel ta stojol Dios ta sventa laj smal xch'ich'el ti Cristoe, ac'o mi nom to ox laxanavic.

2 Timoteo 2:19

Ac'o mi jech ta xc'ot ta pasel un, ti Diose jbel sc'oplal xi laj sbejan ta alele: “Ti Cajvaltique ta xojtiquin ti buch'utic ja' yu'untaque. Scotol ti buch'utic xvocoletic ta stojol ti Cristoe, tsots sc'oplal ta sjip ta stenic comel ti mulile.”

Hebreos 12:14

Ac'beic yipal ta spasel ti lamajemuc avo'ntonic yu'un scotole, ti lecuc ta q'uelel ti acuxlejalique. Yu'un ti buch'u mu'yuc slequilalique, mu xilbeic sat ti Cajvaltique.

Apocalipsis 1:6

Yu'un ta sventa Cristo, lijc'ot ta ajvalil, ta pale yo' jech ta xijtun ta stojol ti Diose, Stot ti Cajvaltic Jesucristoe. Jechuc o sbatel osil, ich'biluc ta muc' ti slequil yutsile, ti smuc'ul stsatsale. Jechuc.

1 Samuel 2:28

Ti ta scotol ti jaychop snitilultac ti Israele, laj jt'ujoxuc loq'uel yo' ta xacomic ta cajpaletac, yo' jech ta xavac'beicun chic'bil matanal ta caltar xchi'uc ta xachic'beicun pom, ti alapojic ochel ti luchbil jayal saquil c'u'il ta jtojole. Ma'uc no'ox taje, laj cac' que ta stunesel ti amolmuc'totic scotol ti matanaletic ta xchiq'uic ti israeletic sventa quich'el ta muc' ti vu'un Diosune.