Números 16:41 - Bible in Tzotzil de Chamula

⁴¹ Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!

Bible in Tzotzil de Chenalhó with Deuterocanon

⁴¹ Ta yoc'omal lic chopolc'opojicuc ta stojol Moisés xchi'uc Aarón scotol li israeletique. Jech laj yalbeic: —Vo'oxuc laj amilic li xnich'nabtac Muc'ul Diose —xiic.

Números 16:41 Iomraidhean Croise

1 Reyes 18:17

C'alal jech laj yile, xi laj yalbee: —¿Mi vo'ot xcaltic ti yacal ta xasoquesbe yo'nton ti Israele?

Salmos 106:13

Le' une, ta jech yepal laj xch'ay ta yo'ntonic yabteltac ti Dios laj spas ta stojolic une, mi ja'uc laj smalaic c'usi snopoj ta spase.

Salmos 106:23

Laj yal ti Diose ti j'ech'el ta stsutsesbe ti sc'oplale. Ti Moisés ti t'ujbil yu'une, laj to spac sutel ti c'ope, lamaj sc'ac'al yo'nton ti Diose, laj spajes sba, mu'yuc stsutses.

Isaías 26:11

Cajval, chapal xa avu'un ti tsitsele, mi ja'uc sc'an xaq'uic ta venta un. C'alal ta xilic ti mu albajuc ti syail xc'uxul avo'nton ta sventa ti ateclumale, q'uexlaltasbil ti sba satic ta xc'ote. Oyuc la ta alel ti lajicuc ta chiq'uel yu'un ti sc'ac'al avo'ntone.

Jeremías 38:4

Va'i un, ti j'opisialetique xi laj yalbeic ya'i ti ajvalile: “Sc'an milel ti vinic le'e. Ti c'usi ta xloc' ta yee, ta stsiq'uesbe yo'nton ti c'u to yepal oy ti soldadoetic li' ta jteclume, xchi'uc scotol ti jnaclejetique. Ti vinic le'e, ma'uc ta sa'be slequilal ti jnaclejetique. C'ajomal no'ox ta xac'be ti svocole.”

Jeremías 43:3

Yu'un ti va'i s'elan ava'yej taje, ja' spayben ti Baruc xnich'on ti Neriase yo' ta xi'ochcutic ta yoc ta sc'ob ti caldeoetique, xchi'uc ti ta xismiluncutique, mi ja' ti ta xisbec'cutic batel c'alal to Babiloniae.”

Amós 7:10

Ti Amasíase, pale yu'un ti jteclum Betele, xi laj stac batel mantal ta yalel ta stojol ti Jeroboam ajvalil yu'un ti Israele: “Ti Amose xvolet jmoj xchi'uc ti jnaclejetic yu'un Israel ta xchapel ti ta spaybot ac'oplal ti Jcuch abtelote. Jech ti jteclume mu xa ts'icbaj ta xa'iic ti xvulvune.

Números 14:2

Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

San Mateo 5:11

“Yan avutsilic ti ilbajinbiloxuque, ti chopol coptabiloxuque, ti c'usiuc no'ox ta sa' amulic ta jventae.

Hechos 21:28

ti xi ta x'avanique: “Jchi'iltac, la' tic'o abaic ta scoltaeluncutic. Ti vinic li'e, ja' ti buch'u ta xanav ta scotol banomil ta xchanubtasvan ta soquesbel sc'oplal ti jlumaltique, ta soquesbel sc'oplal ti oy c'usi jbel tsots sc'oplal yaloj ti Moisese, xchi'uc ta soquesbel sc'oplal ti ch'ulnae. Avi li' xtoc une, laj stic' ochel jyanlumetic ta soquesbel sc'oplal ti Cuxul ch'ul ch'ulnae.”

Hechos 5:28

—J'ech'el, jbel sc'oplal laj calboxuc ava'iic ti vu'uncutique, mu xa xavalbe sc'oplal ti vinic taje. ¿Bu bat avu'unic ti mantal une? Yu'un xpuquet no'ox avu'unic ta sjunul Jerusalén ti chanubtasele. Ma'uc no'ox taje, yu'un ta xacajan ta jbacutic ti cham ti vinique.

1 Corintios 10:10

Mi ja'uc xabic'tal c'opojic ta scontrainel Dios jech c'u cha'al bic'tal c'opojic ti jlom ta vo'nee, ti lajic ta milel yu'un ti jmilvanej ánjele.

2 Corintios 6:8

Oy bu baq'uintic ich'biluncutic ta muc'. Oy bu baq'uintic soquem jc'oplalcutic. Oy bu baq'uintic lec jc'oplalcutic yu'unic. Oy bu baq'uintic chopol ta xc'opoj ta jtojolcutic. Oy bu xtoc bisbiluncutic ta jutc'op c'alal naca melel c'usi ta xcalcutique.

Judas 1:16

Ti viniquetic taje, xcapet xti'et no'ox sjolic, xbic'tal c'opojic no'ox, mu'yuc c'usi lec ta staic. C'ajomal yacalic ta sa'el ti c'usi lec ta xa'iique. Stoy sbaic xchi'uc ti sc'opique. Jun xa yutsil ye sti'ic yilel ta stojol ti jnaclejetique.