Números 16:3 - Bible in Tzotzil de Chamula

³ Scotolic ti va'i yepal taje laj svol sbaic batel ta stsaquel ta c'op ti Moisese xchi'uc ti Aarone, ti xi laj yalbeique: —¡Li' xa no'ox c'alaluc lajuc sc'oplal ti ich'biloxuc ta muq'ue! Yu'un scotol jteclum t'ujbil ono'ox yu'un ti Diose. Oy ta jtojol jcotoltic ti Diose. ¿C'u cha'al ya'yel un cha'e ti co'ol to s'elan banquilal ajvalil xava'i abaic ta stojol ti xnich'nab Diose?

Bible in Tzotzil de Chenalhó with Deuterocanon

³ Scotolic la stsob sbaic batel ta stojol li Moisés xchi'uc Aarone. Jech c'ot yalbeic: —Li' no'ox c'alal avabtelic li vo'oxuque. Scotol jchi'iltactic t'ujbilic yu'un Dios xu' chtunic yu'un, xchi'uc jcotoltic li' oy ta jtojoltic li Muc'ul Diose. ¿C'u yu'un ti toj muc' chavac' abaic xchi'uc avabtelic ta stojol li steclumal Diose? —xutic.

Números 16:3 Iomraidhean Croise

Esdras 9:2

Ti yalab xnich'nabique laj yic' sbaic xchi'uc yalab xnich'nabic ti yan jteclum taje. Ti steclumal Dios une laj scap sba sts'unubalic xchi'uc ti jnaclej yan jteclumetique. Ti buch'utic ba'yel laj sliquesic ti mulil colo'ile, ja' ti banquilal jtsobvanejetique, ti its'inal ajvaliletique.”

Salmos 106:16

Ti bu vololique, lic sc'a'epal satiic ti Moisese, xchi'uc ti Aarone, ti t'ujbilic yu'un ti Diose.

Salmos 68:17

Ti Diose, ep ta mil no'ox oy yu'un ti scarreta ta sventa ac'ob-letoe; lic talel ta vits Sinaí, vul ta ch'ulna yu'un un.

Éxodo 19:6

Va'i unbi, ta xac'otic ta paleetic, ta t'ujbil calab jnich'nab.” Albo ya'i scotol ti israeletic ti va'i s'elan taje.

Números 14:14

ta slo'iltabeic ya'i ti jnaclejetic ti oy ta jteclum Canaane. Yu'un ti stuquique ya'binojic ac'oplal ti vo'ote, Dios, ti oyot ta o'lol yu'un ti jteclum li'e, ti ta xavac' aba ta ilel ta stojolic ti volol ta sbaic ti toc avu'une, ti jba'beot batel yu'unic ta jun voletel toc ti ta c'ac'altique. Ja'uc ti ta ac'ubaltique, oyot ta jun muc' ta voletel leb c'oc'.

Números 16:11

¿Buch'u la avalojic ta melel ti chopol ta xac'opojic ta stojol ti Aarone? Yu'un ti vo'ote xchi'uc ti achi'iltaque ta xatoy abaic ta stojol ti Diose.

Números 16:41

Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!

Números 16:7

Va'i un, tic'beic yac'alil. Ac'beic pom. Aq'uic ta stojol Dios ti sob oc'ome. Ti buch'u t'ujbil ta xc'ot yu'un ti Diose, ja' ti buch'u ta stunesate. ¡Ts'ij chianic ca'itic, levitaetic!

Números 23:21

Yu'un mu'yuc ta xvinaj ti oy c'usi chopol ta snope, mi ja'uc ta xlo'lavanic ti israeletic ti ja' steclumal ti Jacobe. Yu'un chi'inbilic yu'un ti Ajvalile, ti ja' sDiosique, yu'un ta xalbeic sc'oplal ti ja' c'otem ta Ajvalil yu'unique.

Números 35:34

“Mu xasoquesbeic sc'oplal ti banomil ti bu ta xanaquiique, ti bu ta xinaqui eque. Yu'un ti vu'un Ajvalilune nacalun xchi'uc ti israeletique.”

Números 5:3

Yu'un mu'yuc ta alel c'usiuc no'ox yabtel mi vinic mi ants, ac'o sloq'uesic batel c'alal to sti'il jteclum. Ja' to jech mu'yuc buch'u ta soques ti jteclum ti bu ta xinaqui ta stojolique.”

Hechos 7:39

“Ja'uc ti jmolmuc'totic ta vo'nee, mu'yuc laj yich'ic ta muc'. Laj sbajic ti Moisese. C'ajomal no'ox oy ta yo'ntonic ta sutic batel ya'iic ta Egipto banomil.

Hechos 7:51

Xi to laj yalilan ti Estebane: —Ja'uc ti vo'oxuque staoj yav mu'yuc ach'ulelic, mu xava'ibeic xchiquinal, pucujineb ti avo'ntonique. Avac'ojbeic yipal ta scontrainel ti Ch'ul Espíritu jech c'u cha'al laj spasic ti jmolmuc'totique.