Números 16:22 - Bible in Tzotzil de Chamula

²² Ja'uc ti stuquic une snupilanic xa banomil laj spatan sbaic ta lumtic ti xi laj yalique: —Ti vo'ote avac'ojbe xcuxlejal scotol ti jnaclejetique, Ch'ul Dios, ¿mi ta xavilta scotol ti jteclum ta scoj no'ox smul ti jun vinique?

Bible in Tzotzil de Chenalhó with Deuterocanon

²² Pero li stuquique la squejan spatan sbaic ta banamil. Jech laj yalic: —Dios, vo'ot ti avac'ojbe yorailic li cristianoetique, ¿me cha'ilin ta stojol scotol jchi'iltac ta scoj smul li jun vinique? —xutic li Muc'ul Diose.

Números 16:22 Iomraidhean Croise

Génesis 18:32

Ti Abrahame xi xvulvun liquele: —Avocoluc, Cajval, mu xa'ilin ta jtojol. Yu'un slajeb xa velta ti xi s'elan ta jc'oponote, mi ja'uc xa liquel cajal ti jc'ope: ¿C'usi ta xapas mi ja' no'ox lajunvo' (10) ta xata ti ch'abal smulique? Xi albat yu'un ti Diose: —Ta sventa ti lajunvo' taje, mu'yuc ta jtub ti jteclume.

2 Samuel 24:1

Ti Diose lic sc'ac'al yo'nton ta stojol ti israeletique, ti laj stijbe yo'nton ti Davide yo' jech ta xcontrainatic yu'une, ti lic yal mantal ti licuc tsacob-biil ta stojol ti Israele xchi'uc ta stojol ti Judae.

2 Samuel 24:17

C'alal laj yil ti David ti ta slilin ta milel jteclum ti ánjele, xi laj yalbe ti Diose: —¡Vu'un ta jcoj le'e! ¡Vu'un ta jmul jcolo'! ¿Mi yu'un la oy c'usi chopol laj spasic ti uni chijetic le'e? ¡Ti tsitsel ta xavac'bee, cajano ta jba xchi'uc ti c'u yepal oy ta jnae!

Job 12:10

Scotol ti c'usi cuxule, oy ta yoc ta sc'ob ti xcuxlejale.

Salmos 99:6

C'otic ta yajpaletac ti Moisese xchi'uc ti Aarone. Ti c'u yepal ta xlequil-c'opojic ta stojole, oy ta venta ec ti Samuele. C'alal ta sc'anic ti coltaele, ta xtac'batic talel yu'un ti Diose.

Eclesiastés 12:7

Mi laj taj une, ti lum ach'ele ta xlic joybijuc ta lum jech c'u cha'al ta ba'yele. Ti ch'ulelil une ta sut batel ta stojol Dios, yu'un ja' ono'ox laj yac' talel.

Isaías 57:16

Mi ja'uc ta xcalilanbe smul ti jteclumale. Mi ja'uc ti capem jol sbatel osil ta stojolique. Mi mu jechuc ta jpase, ti jnaclejetic ti laj cac'be xch'ulel yanimaique, ta xlic yanijuc yo'nton ta jtojol unbi.

Jeremías 32:27

“Vu'un Ajvalilun, Diosun yu'un scotol ti c'usi cuxulique. Mu'yuc ma' ti c'usi mu xc'ot ta pasel cu'une.

Jeremías 38:16

Ti ajvalil Sedequiase, ta mucul, xi laj sva'an sba ta yalel ta stojol ti Jeremiase: “Ta jva'an ta rextico ti Dios ti ja' laj yac' ti jcuxlejaltique, mi ja'uc ta xcal mantal ti avich'uc milele. Mi ja'uc ta xcac'ot batel ta yoc ta sc'ob ti buch'utic oy ta yo'nton ta smilot ya'ie.”

Ezequiel 18:4

Scotol jnaclej oy ta coc ta jc'ob jech c'u cha'al ti totiletique, ti nich'nabiletique. Ti buch'u ta sa' ti smule ta xcham.

Levítico 10:6

Va'i un, ti Moisese xi laj yalbe ti Aarone xchi'uc ti xnich'nabe, ja'ic ti Eleazare xchi'uc ti Itamare: —Mu me xapasic ti xch'ebuj ajolic yu'une, ti xach'i'ic xa ta jatel ac'u'ic ta yaq'uel ta ilel ti oyoxuc ta me'unale, naca mi xachamic ec, xu' me ta sloq'ues sc'ac'al yo'nton ti Dios ta stojol ti jteclume. Ja'uc no'ox ti avinquilelique xchi'uc scotol ti israeletique, oyicuc ta vul o'nton yu'un ta scoj ti laj stiles c'oc' ta sc'ac'al yo'nton ti Diose.

Levítico 4:3

“Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Zacarías 12:1

Ti li'e, ja' sc'oplal Israel ti scaj'aloj ti Diose. Ti Dios ti Buch'u laj yac' ayanuc ti vinajele, ti laj yac'be yictac ti banomile, ti yac'ojbe xcuxlej ti jnaclejetique, xi ta xale:

Números 14:5

Ti Moisese xchi'uc ti Aarone snupilan xa banomil laj spatan sbaic ta lum ta sba ta sat scotol ti jteclume.

Números 16:23

Xi tac'bat ti Moisés yu'un ti Diose:

Números 16:4

C'alal jech laj ya'i ti Moisés ti va'i s'elan taje, snupilan xa banomil laj spatan sba ta lum.

Números 16:45

—¡Q'uejo abaic loq'uel ta stojol ti jnaclejetic li'e, yu'un ta jliquel no'ox ta jtsutsesbe sc'oplalic! Jech ti Moisese xchi'uc ti Aarone snupilan xa banomil laj spatan sbaic ta lumtic.

Números 27:16

—Ch'ul Dios, ti vo'ot ti ta xavac'be xcuxlejal scotol ti viniquetique, va'ano junuc banquilal yu'unic ti lum li'e,

Romanos 5:18

Laj staic ti ta stoj smulic scotol ti jnaclejetic ta banomil ta scoj smul ti vinic Adane. Ta sventa ti jun yutsil ti c'u s'elan laj spas ti Jesucristoe, jcotoltic mu'yuc ta jtatic ti chapanele, mi ja'uc ta jtoj ti jmultique.

1 Corintios 13:7

Ti buch'u oy syail xc'uxul yo'ntone ta xch'ay ta yo'nton ti oy c'usi chopol ta xc'ot ta pasele, x'ech' jelav no'ox yu'un scotol, smala no'ox ya'i ora, oy smuc'ul yo'nton ta sts'iquel scotol.

Hebreos 12:9

Yu'un ti c'alal biq'uitotic to oxe, laj quich'tic tsitsel yu'un ti jtotic li' ta banomile, ja'uc le'e, laj quich'tic ta muc'. ¿Mi ja' xa mu stac' jts'ictic ti tsitsel yu'un ti Ch'ul Diose yo' jech ta jtatic ti jcuxlejaltique?

Josué 22:18

¿Mi yu'un mu xavich' o avo'ntonic yu'un ti staoj yav ta xach'ac abaic ta stojol ti Diose? Mi laj xa ach'ac abaic ta stojol ti Dios avi tana li'e, ilinem ta sacub oc'om ta stojol scotol ti israeletique.