Números 16:2 - Bible in Tzotzil de Chamula

² Jmoj lic spay sc'opic ta scontrainel ti Moisés xchi'uc ti lajuneb yoxlajunvinic (250) ta vo' israeletic ti yich'ojic yabtelic yu'un ti jteclume, ti ja' jvolvanejetic ta ya'ibel ye sti'ic ti c'usi sc'an pasele, xchi'uc ti ojtiquinbilic leque.

Bible in Tzotzil de Chenalhó with Deuterocanon

² Li viniquetic le'e ja' lic scontrainic li Moisese. La stsob yan o'lol yoxibal ciento (250) xchi'ilic; ja' puru israeletic, xchi'uc puru oy yabtelic ta stojol xchi'iltaquic. Ja' lec otquinbilic, xchi'uc oy ta sventaic tstojobtasic li xchi'iltaquique.

Números 16:2 Iomraidhean Croise

Génesis 6:4

C'alal ti yaj'ánjeltac Dios laj yic'beic yantsil nich'nabic ti viniquetic yo' ta xilic ti xnich'nabic xchi'uque, ja' o lic ayanuc talel ti inate' viniquetic ta ba'yel une, xchi'uc ti ta ts'acal to une. Ti stuquic taj une, puc sc'oplalic ta vo'ne ti jelavem xu' yu'unique.

1 Crónicas 12:30

Ta snitilultac ti Efraine, jtob ta mil xchi'uc vaxaquib ciento (20,800) ta vo' j'ac'-letoetic ti mu sna' xi'ique, ti vinajem sc'oplalic ti xchapalul sbaique.

1 Crónicas 5:24

Ti banquilal jtsobvanej yu'unic ti jujuchope, ja' ti Efere, ti Isie, ti Eliele, ti Azriele, ti Jeremiase, ti Hodaviase, xchi'uc ti Jahdiele. Scotolic banquilal soldadoetic, mu sna' xi'ic, viniquetic ti cajal sc'oplalique, jtsobvanejetic yu'un ti jujuchope.

Ezequiel 16:14

Puc batel ta jujun muc'tiquil lum ti xatixet no'ox xchi'uc ti avutsile. Ch'ayal c'ot ch'ulelal yu'un ti jun avutsil laj jtixanote. Ti vu'un Ajvalilune, mu lo'iluc no'ox ta xcal.

Ezequiel 23:10

Laj soquesbeic sc'oplal un. Ta jech yepal laj spojbeic squerem stsebtac. Laj smilic ta espada. Lamal c'ot ta stojol un ti jbel yich' oe. Laj yich' o yo'nton yu'un yan antsetic ti jech c'ot ta stojole.

Números 1:16

Ti va'i yepalic taje, ja' c'otic ta banquilaletic ti laj yich'ic t'ujel loq'uel ta stojol ti israeletique yo' jech ta sva'an sbaic ta stsobel ti jujuchop ti snitilulique.

Números 12:1

Ti Mariae xchi'uc ti Aarone chopol ti c'usi ta xalolanic ta stojol ti Moisese, yu'un ti stuque laj yic' jun etiope ants.

Números 16:35

Ma'uc no'ox taje, yu'un ti Diose tal yu'un c'oc' ti laj smil ta j'ech'el ti lajuneb yoxlajunvinic (250) ta vo' viniquetic ti laj yaq'uic ti pome.

Números 26:9

Xnich'nab ti Eliabe, ja'ic ti Nemuele, ti Datane, xchi'uc ti Abirame. Ti Datane xchi'uc ti Abirame, ja'ic ti buch'utic jmoj yo'ntonic xchi'uc ti jvoc' jtojobtasvanej totiletic ti buch'utic jmoj yo'ntonic xchi'uc ti Coree, ti laj stoy sbaic ta stojolic ti Moisese xchi'uc ti Aarone, ti c'alal laj stoy sbaic ta stojol ti Diose.

Números 27:3

“Ti jtotcutique cham ta sbajtical banomil. Ma'uc svoloj sbaic xchi'uc ti Coré ti laj stoy sba ta stojol ti Diose. Ti jech chame, ta scoj no'ox smul stuc. Ja' no'ox un, ch'abal squerem nich'nab laj yicta comel.