Números 16:15 - Bible in Tzotzil de Chamula

¹⁵ Va'i un, ti Moisese ep cap sjol ti xi laj yalbe ti Diose: —¡Mu xatsac xavich'be ti matanal ta xaq'uique! Yu'un mi ja'uc jcotuc burro ti laj xa jpojbeique. Mi ja'uc oy c'usi chopol jpasojbeic xtoc ti jujunique.

Bible in Tzotzil de Chenalhó with Deuterocanon

¹⁵ Li Moisese tsots lic ilinuc. Jech laj yalbe li Muc'ul Diose: —Mu me xatsacbe li amoton chayac'boxuque. Li vu'une mu'yuc c'usi la jpojbeic, me jcotuc sburoic mu'yuc jpojojbeic. Xchi'uc me jutuc mu'yuc c'usi chopol jpasojbeic —xut.

Números 16:15 Iomraidhean Croise

2 Samuel 22:22

Jtamoj ti c'usi sc'an ti Diose; ta j'ech'el mu'yuc laj jtuch' ta co'nton ti Diose.

Éxodo 32:19

Va'i un, c'alal nopaj batel ti Moisés ti bu lamalic ta nacleje, jech ti cha'pech tone, laj sjip ta lum ta sc'ac'al yo'nton, stuc slilijemal busul com yu'un ta yoc vits ta scoj ti laj yil sloc'obbail ti ch'in tot vacaxe, xchi'uc ti xnic no'ox ti ac'ote.

Proverbios 21:27

Ti matanal ta xaq'uic ti buch'u mu'yuc xch'ulel xa'i sbaique, mu lecuc ta xil ti Diose, yu'un ma'uc ta yutsil yo'nton ta xaq'uic.

Números 12:3

Ta melel ti Moisese, ja' stuc no'ox jun vinic ti peq'uel yac'oj sba ti li' ta banomile.

Números 16:16

Ts'acal to un, ti Moisese xi laj yalbe ti Coree: —Ti oc'ome, ti vo'ote xchi'uc ti achi'iltaque ta xtal ava'an abaic ta stojol ti Diose. Ta xtal sva'an sba ti Aarón xtoc eque.

San Mateo 5:22

Ta xcalboxuc ava'iic ti vu'une, buch'uuc no'ox ti xti'et sjol yu'un ti xchi'ile, ta stoj. Ti buch'u ta sa' ta c'op ti xchi'ile, ta xich' chapanel ta stojol ti banquilal jchapanvanejetique. Ti buch'u ta sbis ta cotol chaval ti xchi'ile, xi'bal sba, yu'un xu' ta xbat ta lajebal bu oy ti c'oq'ue.

Marcos 3:5

Va'i un ti Jesuse, ta il, ta at-o'nton laj sq'uelbe batel sat ti c'u yepal joyolic ta stojole ta scoj ti mu xa'ibeic ti xchiquinale. Xi laj yalbe ti vinique: —Xach'o tal ti ac'obe. C'alal laj xach' ti sc'obe, lec com.

1 Corintios 9:15

Taje, mi ja'uc laj jtij ta alel ta atojolic. Mi ja'uc ta xcalboxuc ava'iic yo' ta xavac'beicun ti c'usi ta xtun cu'une. Chamcun xcha' mi jech ta jpase, mi junuc oy buch'u xtal smac ta be ti xlaet no'ox ti banomil ta xca'ie.

2 Corintios 1:12

Oy jun ti ximuyubajcutic xa yu'une, ja' ti ta xac' ta na'el ti jol co'ntoncutic ti laj jchabi jbacutique, ti laj jtuc'ulan jbacutic ti bu li'abtejcutique, xchi'uc ti tsots sc'oplal laj jq'uel jbacutic li' ta atojolique. Ti jech li'abtejcutic taje, ma'uc ta jbijil jtuccutic, yu'un coltabiluncutic ta sventa xc'uxul yo'nton ti Diose.

2 Corintios 7:2

Mu xyanij avo'ntonic ta jtojolcutic. Mu'yuc c'usi chopol laj jpasboxuc. Mu'yuc bu laj jsoquesoxuc. Mu'yuc bu laj jlo'laoxuc.

Efesios 4:26

Ma'ucuc me xata o amul yu'un mi oy bu la'ilinique. Ma'ucuc me ti sjunul c'ac'al xa'ilete.

1 Tesalonicenses 2:10

Vo'oxuc rexticooxuc, rextico xtoc ti Diose ti laj jtuc'ulan jbacutic lec ta atojolic ti vo'oxuc jch'unolajeloxuque yo' jech mu'yuc buch'u xisa'bun ti jmulcutique.