Números 16:13 - Bible in Tzotzil de Chamula

¹³ ¿Mi yu'un ch'am xi no'ox la sc'oplal avaloj ti laj aloq'uesuncutic talel ta jun jteclum ti bu co'ol s'elan vo' ta xbein ti chu' vacaxe, ti ajapome, ti c'alal c'ajomal no'ox tal avac' chamcuncutic ta sbajtical banomile? Ma'uc no'ox taj xtoque, yu'un ta xabis aba ava'i ta jun banquilal ajvalil ta jtojolcutique.

Bible in Tzotzil de Chenalhó with Deuterocanon

¹³ ¿Me yu'un mu'yuc tsots sc'oplal ta avo'nton ti laj aloq'uesuncutic tal ta jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e? ¿Me yu'un chac'an li' chavac' chamcuncutic ta xocol banamil? Xchi'uc ¿me yu'un chac'an ti vo'ot no'ox banquilal jpasmantalot cu'uncutique?

Números 16:13 Iomraidhean Croise

Éxodo 1:11

Jech o xal ti egipcioetique lic sva'anic jq'uelvanejetic yo' ta stsitsic ta tsots abtel ti israeletique. Ac'bat sbainic ta smeltsanel ti jteclumetic yu'un ti Pitone xchi'uc ti Ramsese. Ti faraón ajvalil yu'un ti Egiptoe, ja' ta stunes ta sq'uejobil ti c'usiuc no'ox ve'lilal sat ts'unubaletic ti xloc' x'ayane.

Éxodo 1:22

Yan ti faraone xi laj yalbe ya'i mantal ti steclumale: “Jipic batel ta uc'um ti jvoq'uel hebreo queremetique. Yan ti mi ja' tsebetique, ch'an utic.”

Éxodo 16:3

ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

Éxodo 17:3

Yu'un ta xlajic xa ta uch' vo' ti jteclume, ja' yu'un un, xi laj yalic ta scontrainel ti Moisese: —¿C'u cha'al laj aloq'uesuncutic talel ta Egipto? ¿C'u cha'al tal amiluncutic ta taqui ti'il jmoj xchi'uc ti calab jnich'nabcutique, xchi'uc scotol ti jchon jbolomcutique?

Éxodo 2:14

Ti hebreo vinic taje xi laj staq'ue: —¿Buch'u laj sva'anot ta totil jpojvanej, ta banquilal jchapanvanej cu'uncutic? ¿Mi yu'un ta xamilun ava'i jech c'u cha'al laj amil ti egipcioe? C'alal jech laj ya'i ti Moisés ti va'i s'elan taje, xi', yu'un laj ya'i ti vinaj xa sc'oplal cham ti egipcioe.

Éxodo 2:23

Ech' batel ti c'ac'ale, cham ti ajvalil yu'un jteclum Egiptoe. Ac'o mi jech un, ja' no'ox un, ti israeletique staoj yav x'ijetic to ta jic' o'nton yu'un ti oyic ta mosovile. Ja' yu'un un, ti Diose laj yil ti x'ijetic yu'un ti vocole.

Ezequiel 34:18

¿Mi mu nacauc sju'el comel ta teq'uel avu'unic scomelal ti c'usitic lec ta lajesel ti x'ech' xa avo'nton yu'une? Ti yaxjipan vo' ta xavuch'e, ti c'u yepal oye, naca statubtasel ta tec'olanel avu'unic.

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 11:4

Ta stojolic ti israeletique, ep xa scapoj sbaic ti yantic o ti c'u s'elan ti stalelic yich'ojic talele, ti ve'lil no'ox snopoltaojique. Jech ti israeletique laj xchanbeic yo'ntonic ti x'oc'oletic xa liquel ti xi lic yalique: “¡Ti oc no'ox la c'uxi ta utel ti yacal xa ta xijve' ta beq'uet une!

Números 11:5

Teque' un, bu la jech tana ti mu manbiluc xe'el no'ox ti choy laj jti'tic ta Egiptoe, xchi'uc ti x'ech' no'ox ta que ta jti'tic ti pepinoe, ti melone, ti lequil itajetique, ti tuixe, ti axuxe.

Números 13:27

Xi laj yalbeic ti Moisese: —Li'aycutic ta banomil ti bu laj atacuncutic batele. Ta melel, ja' jun banomil ti bu co'ol s'elan vo' ta xbein ti chu' vacaxe, ti ajapome. Q'uelo avil ti sat te'etic ti ta xac' ti banomil li'e.

Números 14:2

Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Números 14:3

¿C'u cha'al ya'yel laj yic'otic talel ti Dios ta jteclum li'e? ¿Mi yu'un naca tal yac' lajcutic ta leto yo' ta x'och ta c'abal yu'un cajcontratic ti cantsiltique, ti jnich'nabtique? ¡Ja' xloc' venta ti sutcutic batel ta Egiptoe!”

Números 16:12

Laj taj une, ti Moisese laj stac ta iq'uel ti Datane, xchi'uc ti Abiram ti ja' xnich'nab ti Eliabe. C'u stu un, ti stuquique xi laj staq'uique: —Laj to c'op ma' ti ta xibatcutic une.

San Lucas 19:14

Ti jnaclejetic ta muc' ta lum yu'une, xti'et sjolic ta stojol. Laj staquic batel jun chib j'al-mantal yo' xi ta xc'ot yalique: ‘Mu jc'ancutic ta x'och ta ajvalil ta jlumalcutic ti vinic taje.’

Hechos 7:35

“Ac'o mi laj sbajic laj stenic ti Moisés ti xi laj yalbeique: ‘¿Buch'u laj sva'anot ta banquilal xchi'uc ta jchapanvanej cu'uncutic?’, taque batel yu'un Dios yo' ta xc'ot ta banquilal, xchi'uc ta jcoltavanej, ta sventa ti ánjel ti laj yac' sba iluc ta jpets ch'ix te' ti ta xa xc'ac' yilele.