Números 15:3 - Bible in Tzotzil de Chamula

³ xu' ta xac'beicun jcotuc tot vacax, mi ja' jcotuc chij ti ta xich' svocol ta chiq'uel sventa quich'el ta muq'ue, ti jun yutsil smuil ta xich' chiq'uele, mi ja' ic'ot ta pasel ti oy c'usi yaloj ta xaq'ue, mi ja' ti c'usi loq'uem ayanem ta o'ntonal ta xich' aq'uel ta matanale, mi ja' ta sventa ti ta xtun ta jujun q'uine.

Bible in Tzotzil de Chenalhó with Deuterocanon

^3-4 C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 15:3 Iomraidhean Croise

Génesis 8:21

C'alal jun yutsil smuil c'ot ti matanal ta stojol ti Diose, xi laj yale: “J'ech'el xa, mu'yuc c'usi ta xcal ta soquesel ti banomil ta scoj smul ti vinique. Yu'un ta xch'iebal no'ox talel ti vinique, ja' no'ox ta snopilan ta spasel ti c'usi chopole. Ja' jech xtoc mi ja'uc xa ta jtubbe sts'unubal scotol ti chon bolometic jech c'u cha'al laj jpas avie.

Esdras 7:17

Ta sventa ti taq'uin taje, xu' xaman o ti ch'in tot vacaxetique, ti chijetique, ti ch'iom tot chijetique, ti jmoj ta xatunes xchi'uc ti sat ts'unubale, xchi'uc ti vinoe, yo' jech ta xavac' ta altar ta xch'ulna Dios avu'unic ta Jerusalene.

Salmos 54:6

Ta yutsil co'nton ta xcac'bot milbil matanaletic; ta jlequil-c'optaot un, yu'un oy alequil avutsil.

Éxodo 29:18

Ja' jech xtoc ti chije, ac'o ta sba ti altare yo' jech ta xich' chiq'uel ta stojol ti Diose, ti jun yutsil ti smuile.

Éxodo 29:25

Mi laj taj une, tsacbo sutel ti oy ta sc'obique, chic'o ta altar, ti ja' jun muil matanal ti lec ta xa'i ti Diose. Yu'un ja' jun matanal ti ta xich' chiq'uel ta sventa yich'el ta muc' ti Diose.

Éxodo 29:41

Ja' no'ox jech ta xapas xtoc xchi'uc ti jcot chij ti ta xavac' ta smalil c'ac'ale, xchi'uc ti harinae, xchi'uc ti vino ti ja' matanale, ti ja' jun matanal ti jun yutsil smuil ta xa'i ti Diose.

Levítico 10:13

Ve'anic tey ti bu tuc'ulanbil leque, yu'un ja' c'ot ta apuculalic xchi'uc ti anich'nab ti matanal ti laj yich' chiq'uel sventa yich'el ta muc' ti Diose. Ti va'i s'elan taje, yu'un ja' jech albilun talel.

Levítico 27:2

“Xi xcholet xavalbe ya'i ti israeletic jech c'u cha'al li'e: C'alal mi oy buch'u ta sman loq'uel ti c'usi loc' ayan ta yo'nton ti laj yac'be ti Diose, tsots sc'oplal ta stoj ti c'u yepal ta xtojolin o ti c'otem ta yu'un ti Diose:

Levítico 7:16

Yan ti mi ja' chon bolom ta xac' ta matanal ti c'usi loc' ta ye ta sti' ti ta ono'ox xaq'ue, mi ja' xtoc ti c'usiuc no'ox xloc' x'ayan ta o'ntonale, ta yorail no'ox, ac'o yich' ti'el c'alal mi laj yich' aq'uele. Xu' xtoc ta xich' ti'el ta yoc'omal ti c'u to yepal ta xcom ti scomelale.

Números 28:27

Ta xavaq'uic ta stojol ti Dios ta sventa ti ta xc'ot ta jun yutsil smuil chic'bil matanale, ja' cha'cot ch'iom tot vacax, jcot tot chij, xchi'uc vucub ch'iom tot chij ti yich'oj jun jabile.

Números 29:8

Ta sventa ti chic'bil muil matanal ta xich' ac'bel ti Diose, ja' jcot ch'iom tot vacax, jcot tot chij, xchi'uc vucub ch'iom tot chij ti yich'oj jun jabil ti mu'yuc jutebuc xchopolile.

Números 6:15

Ja' jech xtoc ta xac' junuc biq'uit moch pan ti pasbil ta lequil t'ujbil harina ti vots'bil ta aceitee, ti mu'yuc ac'bil ti spajubtasobile. Ta xac' xtoc ti bacubtasbil jayal harina ti vijbil aceite ta sbae. Ti jujune, ta xich' ac'bel ti matanal sat ts'unubale xchi'uc ti vinoe.

San Mateo 3:17

Ja' o vinaj talel ti oy Buch'u c'opoj ta vinajel ti xi laj yale: —Le'e, ja' Jnich'on ti c'ux ta xca'ie, ximuyubaj yu'un.

2 Corintios 2:15

Ti vu'uncutique, co'ol j'elancutic jech c'u cha'al smuil pom ta xac' ti Cristo Jesús ta stojol ti Diose, ti xpaq'uet smuil ta xtanij batel ta stojol ti buch'u ta xcolique xchi'uc ti buch'u ch'ayel ta xbatique.

2 Corintios 2:16

Ta sventa ti buch'u ch'ayel ta xbatique, jun to jmilvanej ta xa'iic smuil ti pom ta xc'ot ta stojolique. Yan ti buch'u oy sc'oplal ta xcolique, jun to j'ac'-cuxlejal ta xa'iic ti smuile. ¿Buch'u xu' yu'un ti jech ta spas taje?

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Deuteronomio 12:11

Va'i un, ti bu ta xlic st'uj ti Ajvalil Dios avu'unic ti ta xc'ot ta sna stuc sventa ti yich'obil ta muq'ue, yu'un ta xtal avac'beic scotol ti xi xa ono'ox s'elan laj xa calboxuc ava'iique: ti milbil chon bolometic ti ta xich' chiq'uel ta sventae, ti jun ta jujun lajlajunebe, ti matanal ti ta xich' ye'el muyel ta stojole, xchi'uc scotol ti c'usitic lec t'ujbil ti ta xaval ti ta xavaq'uic ta stojol ti Diose.

Deuteronomio 12:17

“Mi ja'uc xatun ta xalajesic ta alumalic jset'uc ti jun ta jujun lajlajuneb ti atrigoique, ti avinoique, ti avaceiteique, ti sba yoltac avacaxique, ti achijique, ti c'usitic avalojic ti ta xavac'beic ti Diose, xchi'uc ti matanal ti loq'uem ayanem ta o'ntonale.

Deuteronomio 12:6

Ti bu taje, ja' ti bu xu' ta xamilic ta xachiq'uic ti chon bolometic sventa yich'obil ta muq'ue. Ti bu taje, ja' me ta xavich'ic batel ti jun ta jujun lajlajunebe, ti matanal ti ta xich' ye'el ta toyole, ti c'usi ta xloc' ta alel ti ta xich' aq'uele, xchi'uc ti c'usi loq'uem ayanem ta o'ntonal ti ta xich' aq'uele, jech c'u cha'al ti sba yoltac ti vacaxetique xchi'uc ti chijetique.

Filipenses 4:18

Yu'un laj xa quich' scotol. Mu'yuc xa c'usi xal co'nton. Ti c'u yepal laj atacbeicun talel ta stojol ti Epafroditoe, xiloc' o lec xchi'uc, oy to com scomilal. Ti c'u yepal laj atacbeicun talele, co'ol smuil pom ta xich' chiq'uel ta stojol Dios ti lec ta xile.