Números 15:25 - Bible in Tzotzil de Chamula

²⁵ Ts'acal to un, ti palee ta sliques ti c'u s'elan ta pasele yo' ta xich' tael ti ch'aybil ta xc'ot smul scotol ti jteclum Israele. Jech ti vu'une ta jtubbe ti smulique, ja' ti mu yolobajuc laj spasic ti bu mu lecuc bat yu'unique. Yu'un laj yac'beicun ti matanale xchi'uc stojol ti mulile.

Bible in Tzotzil de Chenalhó with Deuterocanon

²⁵ Li palee ac'o yac'bun li jmoton sventa xch'ayubil amulic acotolique. Jech li vu'une ta jch'aybe ta co'nton smulic, yu'un muc ta yutsiluc yo'ntonic muc spasic li c'usi caloje, xchi'uc laj yac'bicun li jmoton sventa smulique.

Números 15:25 Iomraidhean Croise

Eclesiastés 5:6

Mu aq'uelojuc aba ta xata amul ta bet'bunel avee, ti xaval xa liquel ta ts'acal to ta stojol ti yajtunel Diose, ti mu'yuc stuq'uil laj anope. ¿C'u cha'al ta xavac' ilinuc Dios ti jech laj avale, xchi'uc ta soquesel ti c'usi ta xapas oxe?

Levítico 15:15

Va'i un, ti palee ta xac'be yich' svocol jcotuc ta scoj ti mulile. Ja'uc ti jcote, ta xich' chiq'uel. Ta sliques yabtel ta spoquel stusel ta stojol Dios ta sventa ti vinic ti buch'u ta xich' svocol yu'un ti c'usi ta xjelave.

Levítico 4:20

Ti xcaltique, jbel sc'oplal jech ta xich' pasbel ti ch'iom tot vacax jech c'u cha'al ti jcot tot vacax ti laj yich' milel ta scoj ti mulile. Jech ti pale une ta sta ti ta xch'ay ti smul scolo'ique. Tub ti mulil colo'ile.

Levítico 4:26

Va'i un, ta xchic' scotol ti xepu'al ta sba ti altare jech c'u cha'al laj yich' pasbel xepu'al ti laj yich' milel ta matanal ta sventa ti lajesobil o'ntonale. Jech ti pale une ta sta ti ta xch'ay smul scolo' ti banquilale. Tub ti mulil colo'ile.

Levítico 4:31

Ja' jech xtoc tsots sc'oplal ta sloq'uesbe scotol ti xepu'ale jech c'u cha'al laj yich' pasbel ti jcot chon bolom ti laj yich' aq'uel ta matanal ti laj yich' milel ta sventa ti lajesobil o'ntonale. Ta xchic' ta altar ti jun yutsil smuil ta xich' ac'bel ti Diose. Jech ti pale une ta sta ti ta xch'ay smul scolo' ti buch'u taje. Tub ti mulil colo'ile.

Levítico 4:35

Mi laj taj une, ta sloq'uesbe xtoc scotol ti xepu'ale jech c'u cha'al laj yich' pasbel ti chij ti laj yich' aq'uel ta milel ta sventa ti lajesobil o'ntonale. Ta xchic'be ti xepu'al ta altare co'ol xchi'uc ti yan matanaletic ti ta xchiq'uic ta sventa yich'el ta muc' ti Diose. Jech ti pale xtoc une ta sta ti ta xch'ay ti c'u s'elan staoj smul scolo' ti buch'u taje. Tub ti mulil colo'ile.

San Lucas 23:34

Xi laj yal ti Jesús ti c'alal jipil ta curus yu'unique: —Tot, ch'aybo smul scolo', yu'un mu sna'ic ti c'usi ta spasique. Ti soldadoetique lic sq'uelic yorail yu'unic yo' ta xvinaj buch'u junucal ta xich'beic sc'u' ti Jesuse.

Hechos 13:39

Yu'un ti vo'oxuque mu'yuc xch'ay amulic ta sventa ti oy c'usi tsots albil sc'oplal yu'un ti Moisese. Ja' no'ox ta sventa Jesús ta tael ti ch'aybil ta xc'ot smul ti buch'u ta xc'ot ta yo'nton ta xch'unele.

Romanos 3:25

Ja' yu'un un, ti Diose laj yac' ta milel ti Cristo ti laj smal ti xch'ich'ele sventa yo' ch'aybil ta xc'ot ti mulile. Ta stael ti ch'aybil ta xc'ot ti mulile, ja' no'ox ta sventa ti ta xc'ot ta o'ntonale. Jech laj spas ti Diose yo' ta svinajes ti oy slequilal yutsilale, ti laj xch'aybe smulic ti jnaclejetic ti vo'ne sts'icojbe talel ti c'u s'elan laj c'otuc ta pasele.

Deuteronomio 21:21

Va'i un, scotol ti viniquetic ta jteclume ta spujbeic ton ti quereme. Ja' to jech ta xtub sc'oplal ti c'usitic ta soquesvan ta alumalique. C'alal jech ta xa'iic ti israeletique, ta xlic ochuc xi'el yu'unic.

Hebreos 2:17

Yo' jech xc'ot ta pasel, tsots sc'oplal co'ol s'elan c'ot jech c'u cha'al ti xchi'iltac ta voq'uele, yo' jech c'ot ta banquilal pale ti oy syail xc'uxul yo'nton ti oy ta tunel ta stojol ti Diose, yo' jech ta xch'aybe smul scolo' ti jnaclejetic ta banomil ta sventa ti laj yac' sba ta milele.

Hebreos 9:7

Ti ta xcha'c'olale, ja' no'ox ta x'och batel jcoj ta jabil ti banquilal palee. C'alal ta x'och batele, tsots sc'oplal ta xich' ochel xch'ich'el chon bolometic ti ta xac' ta sventa stojol smul ti stuque, xchi'uc stojol smulic ti jteclum ti bu mu'yuc laj ya'iic laj sta ti smulique.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.