Números 15:21 - Bible in Tzotzil de Chamula

²¹ Ti matanal taje, tsots sc'oplal ti mu xch'ay ta be avu'unic ta yaq'uele.

Bible in Tzotzil de Chenalhó with Deuterocanon

²¹ Li matanaletic laj calboxuc sc'oplale, tsc'an me chavaq'uilanic o.

Números 15:21 Iomraidhean Croise

Nehemías 10:38

C'alal ta xbat ti levitaetic ta stsobel talel ti jch'ac ta jujun lajlajunebe, chi'inbil ta xbatic yu'un jun pale snitilul ti Aarone. Ta jech yepal un, ti levitaetique xba yaq'uic ta sq'uejlebtac ti oy ta xch'ulna ti Dios cu'uncutique, ti jujuch'ac ta jujun lajlajuneb ti c'u yepal laj stsobique.

Éxodo 23:19

“Ti slequilal sba sat ti c'usitic ch'i ta abanomile, tsots sc'oplal ta xavich' batel ta xch'ulna ti Ajvalil ti ja' Dios avu'une. “Mu me capaluc ta ya'lel xchu' sme' ta xalacan ti ch'in tentsune.

Éxodo 29:28

Ti matanaletic ti ta xich'ic talel ti israeletique, na'bil ta xcom o yu'unic ti c'ot ta jbel mantal ti ja' yu'unic ti paleetic ti xpechel sti' yo'ntone, ti sbec'tal yo'tac ti laj yich' aq'uel ta sventa ti lajesobil o'ntonale.

Ezequiel 44:30

Ti paleetique oy ta sventaic ta yich'el ti lequil sba sat ts'unubale, xchi'uc scotol ti yan matanaletique. C'alal ta xachapanic ta svots'el ti pane, ta xich' avu'unic ti bu lec t'ujbile. Ti c'uxubinel yu'un ti jlequil cutsilale, snojel no'ox oy ta ana ac'ulebic.

Levítico 23:14

Ti c'u sjalil ti sc'ac'alil ti ta xavich'beic batel smoton ti Diose, mu me xave'ic ti pane, ti bacubtasbil trigoe, mi ja'uc ti yox toe. Taje, ta xc'ot ta jbel ti c'usi tsots albil ti na'bil ta xcom ti ta x'ech' ta stojol ti totil me'iletique, xchi'uc ti alab nich'nabiletic ti buyuc no'ox nacaloxuque.

Números 15:20

Jech c'u cha'al ta xachic'beicun jopuc ti sba sat majbil trigoe, ja' jech ta xapasic xtoc ti sba svots'elal ti ninal harinae, meltsanbeicun ta jbejuc pan yo' ta xc'ot ta matanal.

Números 15:22

“C'alal mu yolobajuc laj apajes abaic ta spasel jtosuc mantal ti laj calbe ya'i ti Moisese,

Números 18:26

“Albo ya'i ti levitaetic ti c'alal ta xich'ic ti jun ta jujun lajlajuneb ti ta x'ac'batic yu'un ti israeletic ti c'usi ta xloc' yu'unic ti ja' ta xc'ot ta xrextoique, tsots sc'oplal ac'o xch'aquic loq'uel jbusuc ti ta lajunch'ac yo' ta xiyac'beicune.