Números 14:9 - Bible in Tzotzil de Chamula

⁹ Ti c'usi no'ox ta sc'ane, mu xatoy abaic ta stojol ti Diose. Ja' jech xtoc mu xaxi'ic yu'un ti jnaclejetic ta jteclum taje. Yu'un ti stuquique, co'ol s'elan jbej pan ti ta jxumel no'ox ta stsuts cu'untic ta ve'ele, yu'un mu'yuc yajpojelic. Ja'uc ti vo'otique, yac'oj sba ta jpojeltic ti Diose. ¡Mu xaxi'ic!

Bible in Tzotzil de Chenalhó with Deuterocanon

⁹ Pero ja' tsc'an ti mu xatoy abaic ta stojol li Muc'ul Diose, xchi'uc tsc'an ti mu xaxi'ic yu'un li cristianoetic te nacajtique. Ja' no'ox jech xu' ta jlajestic jech chac c'u cha'al ta jlajestic pane. Li stuquique mu'yuc boch'o xu' chcoltaatic. Yan li vu'utique li' oy ta jtojoltic li Muc'ul Diose. Ja' lec mu xaxi'ic —xiic.

Números 14:9 Iomraidhean Croise

Génesis 48:21

Ts'acal to un, xi albat ti Josee: —A'yio ava'i, yu'un ta xa xicham. Ja' no'ox un, ti Diose ta xchi'inoxuc. Ja' jech xtoc ta xac' sutanic batel bu oy sbanomilic ti amolmuc'totic ta vo'nee.

2 Crónicas 13:12

Mu xch'ay xava'i ti vo'oxuque, jba'be ech'el cu'uncutic ti Diose xchi'uc ti yajpaletaque, ti chapalic xa ta yoq'uisanel ti oq'uese, svinajeb ti licuc ti letovajel ta atojolique. Le' une, israeletic, mu stsal avu'unic ta scontrainel ti Ajvalil Dios yu'unic ti amolmuc'totic ta vo'nee. Laj to sc'oplal ma' ti xu' xatsalvanic une.”

2 Crónicas 15:2

loc' batel ta sa'el ti Asae yo' jech xi ta xalbe ya'ie: “¡A'yio ava'i, Asa, ts'etanbun achiquin xchi'uc acotolic ti vo'oxuque, Judá, Benjamín! Oy ta atojolic ti Diose mi nabaloxuc ta stojole. Mi ta xasa'ique, ta xataic. Mi ta xaq'uej abaic ta stojole, ta xastenoxuc comel.

2 Crónicas 20:17

Ma'uc vo'oxuc ta xabainic ta yaq'uel ti letoe. Sa'o no'ox avavilic un. Ts'ijlanic no'ox un, ta xavil ta aba ta asatic c'u s'elan ta xaspojoxuc ti Diose. ¡Jnaclejetic yu'un Jerusalén xchi'uc scotol Judá, mu xatsiq'ues avo'ntonic, mi ja'uc xaxi'ic yu'un, vol chianic batel oc'om ta scontrainel, nabal ta atojolic ma' ti Diose!’ ”

2 Crónicas 32:8

Ti stuque, ja' yip yo'nton xchi'uc ti viniquetic xchi'inojan talele. Ja'uc ti vo'otique, ja' yipal cu'untic ti Ajvalil Dios ta scoltaelotic ta letovajele.” C'alal laj ya'iic ti va'i s'elan laj yal ti ajvalil Ezequiase, ti jteclume laj yich' yip ti yo'ntonic xchi'uque.

Nehemías 4:14

C'alal laj quil ti ta xi'ique, lic jva'an jba ti xichi laj cal ta stojol ti buch'utic ich'bil ye sti'ique, ti j'opisialetique, xchi'uc c'u yepal ti jteclume: “Mu xaxi'ic yu'un. Vuleso ta ajolic ti xi'bal sba jelavem smuc'ul stsatsal ti Diose. Va'ano abaic ta spojel ti avinquilelique, ti aquerem atsebique, ti avantsilelique, ti anaique.”

Salmos 106:24

Ta ts'acal to un, mu c'usi bal o laj ya'i ti jun yutsil muc' ta lume; mu'yuc xc'ot ta yo'ntonic c'usitic yaloj no'ox ti Dios ta spase.

Salmos 121:5

Ti Diose sva'anoj sba ta achabiel; ti Diose sva'anoj sba ta apojel, ti nopol oy ta atojol ta scoltaelote.

Salmos 14:4

Mi jutebuc xa'ibeic sni' xchiquinal ti buch'u mu'yuc xch'ulel xa'i sbaique. Ta xcuxul-ti'ic ti jteclumale jech c'u cha'al junuc pan ti jxumel no'ox ta xac'beique. Laj ta alel yu'unic ti xvocoletic ta stojol ti Diose.

Salmos 46:11

Li' oy ta jtojoltic ma' ti Dios ti scotol xu' yu'une. Dios yu'un ti Jacobe c'otem ta jnac'obbailtic.

Salmos 46:7

Li' oy ta jtojoltic ma' ti Dios ti scotol xu' yu'une; ti Dios yu'un ti Jacobe c'otem ta jnac'obbailtic.

Salmos 46:8

La' q'uelo avil ti xi s'elan labal sba c'ot ta pasel yu'un Dios ti li' ta banomile:

Salmos 74:14

Laj apech'be ta teq'uel sjol ti j'ac'-xi'el muc' ta chon Leviatán sbie, ti sti'ic avu'un ti chonetic xcotlajan ta sbajtical banomile.

Salmos 91:1

Ti buch'u yac'oj sba ta chabiel ta yolon squeoval yaxinal ti Buch'u oy ta toyol cajale, ti scotol xu' yu'une,

Éxodo 14:13

Ti Moisese xi laj staq'ue: —Mu xaxi'ic. Tsots xavac' abaic. Q'uelic c'u s'elan ta stic' sba ta apojelic ti Dios avie. Yu'un ti egipcioetic ti ta xavilique, mi ja'uc xa ti ta to xtal avilbeic sat yelov yan veltae.

Éxodo 33:16

Va'i un, mi yu'un mu xachi'inuncutic batele, ¿c'usi xa xut ta xa'iic ti yan jteclum ti ta jchapbecutic ya'i ti lec xaviluncutic xchi'uc ti avalab anich'nabe? Yu'un ja' to jech ta xvinaj ti mu co'olucuncutic xchi'uc scotol ti jteclumetic ti oyic ta scotol banomile.

Isaías 1:2

Ch'ul vinajel, banomil, a'yio ava'iic ti xi ta xal ti Diose: “Ch'i c'opojic cu'un ti alab nich'nabiletique, c'u stu un, lic stoy sbaic ta jtojol.

Isaías 32:2

Ti jujunique, ta xc'ot ta macobbail yu'unic ti c'alal tsots xjumet ti iq'ue, ta pojobbail c'alal xchajet ti vo' xchi'uc ti yic'ale, co'ol s'elan polbil talel yoc be vo' ta smaltael ti taquin banomile, co'ol s'elan ta squeoval jun muc' ta ton ti oy ta sbajtical banomile.

Isaías 41:10

Mu xaxi', yu'un li' jchi'inojote, mi ja'uc xatsiq'ues avo'nton, yu'un Diosun avu'un. Ta xcac'bot avip, ta jcoltaot. Ta sventa ti jelavem xu' cu'une, icbil japbilot cu'un.

Isaías 41:14

Ti Diose j'ech'el ti xi ta xale: “Israel, steclumal Jacob, manchuc mi xi avuni muc'ul ta xa'ilee, ti mu'yuc xa yipal avu'un xtoque, mu xaxi', vu'un ta xajcoltaot. Vu'un ti ch'ul Diosun yu'un ti Israele, jpojvanejun avu'un.

Isaías 63:10

Ja'uc le' une, lic stoy sbaic ta stojol ti Diose. Laj scontrainbeic ti xch'ul lequilale. Joybij ta scontraic. Lic tsacaticuc ta leto yu'un un.

Jeremías 1:19

Ta xastsaquic ta c'op ma' ti stuquic une, mu xastsalot, yu'un ta jtic' jba ta apojel un. Ti vu'un Diosune mu stselbuj ti jc'ope.”

Jeremías 42:11

Mu xatsiq'ues avo'ntonic ta stojol ti ajvalil yu'un ti Babilonia ti toj ep xi'bil ta j'ech'ele. Mu xatsiq'ues avo'ntonic ta stojol, yu'un ta jtic' jba ta scoltaeloxuc ta yoc ta sc'ob. Ti vu'un Ajvalilune, mu lo'iluc no'ox ta xcal.

Jeremías 48:45

“Oy jlomuc naca xa stamoj sbaic ta jatvil, ta xba sa' snaq'uel ta yolon squeoval yaxinal ti Hesbone. Le' une, ti Hesbón steclumal ti ajvalil Sehón une, natic no'ox ta tilel sleb. Ti c'oq'ue ta xtanij batel ta stsutsesel ti vitsetic yu'un ti Moabe, ti toyobba jteclumetic taje.

Daniel 9:5

“Laj xa jta jmulcutic ta atojol. Chopol xa ti vi s'elan libatcutique. Yu'un pas xa cu'uncutic ti c'usitic toj chopole. Yu'un oy bu mu xa xacac'cutic ta venta ti c'u s'elan cuxuluncutic talele. Yu'un oy bu laj xa jvalopatincutic comel ti amantaltaque xchi'uc ti c'usitic nopbil avu'une.

Daniel 9:9

Ja'uc ti vo'ot une, Diosot cu'uncutic, oy ta atojolal ti syail xc'uxul avo'ntone, ta ora no'ox xana' xach'ay ti mulile. Yu'un ti vu'uncutique, c'ajomal no'ox jelavem ti jtoyobbailcutic ta atojolale.

Números 13:30

Va'i un, ti Calebe ts'ijil ic'ot yu'un ti jteclum ti c'u yepal volol ta stojol Moisés ti xi laj yale: —¡Ja' yu'un un cha'e, ba jvol jbatic ta yu'ninel ti banomil taje! ¡Ta ono'ox xu' cu'untic ta yu'ninel!

Números 17:6

Ti va'i s'elan taje, jech ono'ox laj yal ti Moisés ta stojol ti israeletique. Jech laj yac'be jujun snamte'ic ti banquilaletic yu'unic ti jujuvoq'ue, ti c'ot ta tsobel ta lajcheb (12) namte'il ta scotole. Ta scotol ti va'i yepal taje, tey oy xtoc snamte' ti Aarone.

Números 20:2

Ti jech ch'abal vo' yo' ta xuch'ic ti c'u yepal svoloj sbaic batele, xvoletic no'ox batel laj stsob sbaic yo' ta svulic ya'i ti Moisese xchi'uc ti Aarone.

Números 24:8

Yu'un ti Dios ti laj sloq'ues talel ta Egiptoe, ja' c'otem ta jpojvanej yu'unic ta xa'iic jech c'u cha'al ta spoj sba xchi'uc xulub ti te'tical vacaxe, ja' ti bufalo sbie. Yu'un ti israeletique ta stsalic ti muc'tiquil lum ti ja' scontraique, ta sc'asbeic ti sbaquile, ta syayijesic ta syolobic xtoc.

San Mateo 1:23

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

Romanos 8:31

¿C'usi xu' ta xcaltic un cha'e? Mi jech sva'anoj stec'anoj sba ti Dios ta jtojoltique, mu'yuc buch'u xu' ta xismacotic ta be.

Deuteronomio 1:21

Ti Ajvalile, ti ja' Dios avu'unique, laj xa yac'boxuc ta avoc ta ac'obic ti banomil li'e. Ochanic batel ta yu'ninel un cha'e jech c'u cha'al yaloj ono'ox ti Ajvalil ti Dios yu'unic ti amolmuc'totic ti laj ech'icuc ta vo'nee. Mi ja'uc xaxi'ic. Mi ja'uc xatsiq'ues avo'ntonic.’

Deuteronomio 1:26

Ja' no'ox ti vo'oxuc une, mi jset'uc och ta avo'ntonic ta xa'ochic batel. Yu'un smantal ti Ajvalil Dios cu'untic ti laj yalboxuque, c'ajomal no'ox laj abajic.

Deuteronomio 1:29

“Va'i un, xichi laj jtac'boxuque: ‘Mu xatsiq'ues avo'ntonic yu'un. Mi ja'uc xaxi'ic yu'un.

Deuteronomio 31:6

Tsotsanic, ac'beic yipal, mi ja'uc xatsiq'ues avo'ntonic. Mi ja'uc xaxi'ic yu'un ti c'alal ta sta yorail ta xatsaquic ta leto ti avajcontraique. Yu'un xchi'inojoxuc ti Ajvalil Dios avu'unique. Mi ja'uc ta xayictaoxuc comel, mi ja'uc ta xastenoxuc comel.”

Deuteronomio 31:8

Ja' stuc jba'be ech'el ti Dios avu'une, ta xaschi'inot. Mi ja'uc xayictaot comel. Mi ja'uc ta stenot comel. Ja' yu'un un cha'e, mu xavicta aba, mi ja'uc xaxi'.”

Deuteronomio 32:42

Ta jbon ta ch'ich' ti sni' jyolobtaque, ta xve' ta sbec'talic ti quespadae, ta jmalbe xch'ich'eltac ti buch'utic yayijemique, ti buch'utic tsacbilic ta chuquele, ti banquilaletic yu'un ti cajcontratac ti co'ol s'elan stsotsil león ti sjolique.’

Deuteronomio 7:18

¡Mi ja'uc xasibtas abaic yu'un ta j'ech'el! Mu me xch'ay xava'iic ti c'usi laj spas ti Ajvalil Dios avu'unic ta stojol ti faraone, xchi'uc ta stojol scotol ti egipcioetique.

Deuteronomio 7:21

Ja' yu'un un cha'e, altic no'ox ta xaniquic ta xi'el yu'un. Yu'un ti Ajvalil ti ja' Dios avu'unique, ja' jun Dios ti xi'bal sbae, ti jelavem ti smuc'ul stsatsale.

Deuteronomio 9:7

“Ta j'ech'el mi ja'uc sc'an xch'ay ta avo'ntonic ti laj acontrainic ti Ajvalil Dios avu'unic ta sbajtical banomile. Yu'un mi ja'uc ono'ox xava'ibeic xchiquinal ti c'alal laloq'uic talel ta Egiptoe, ti c'alal lavulic ta loq'uel li'e.

Filipenses 1:27

Xi ta xcalboxuc ava'iic xtoque: cuxianic ta yac'bel yipal ta spasel co'ol xchi'uc jech c'u cha'al ta xal ti lequil ach' c'op yu'un ti Cristoe. Mi bat jq'ueloxuc, mi mu'yuc, ja' no'ox ta jc'an ta xca'i ac'oplalic mi jmoj vololoxuc avac'ojbeic yipal ta xch'unel ti colebal lequil ach' c'ope.

Josué 1:5

Ti c'u sjalil ti ach'iel ac'opojele, mu'yuc buch'u ta xastsalot. Yu'un j'ech'el jva'anoj jba ta atojol jech c'u cha'al laj jva'an jba ta stojol ti Moisese. Mi ja'uc ta xaquictaot comel. Mi ja'uc ta xajtenot comel.

Josué 14:12

Jech o xal un, avocoluc, ac'o avac'bun yosilal ti muc'tiquil vitstique jech c'u cha'al albilun yu'un ti Diose. Yu'un ana'oj lec ti nacalic to ox snitilultac ti inate' vinic Anaque, ti muc'tic no'ox ti jteclumetic yu'unique, ti lec meltsanbil ti smocalique. C'otem ta jol ta co'nton ta xiscoltaun ta sva'an sba ti Diose, ti ta sten loq'uel jech c'u cha'al yalojbun ono'oxe.”

Jueces 1:22

Snitilultac ti Josee c'ot ta nopel yu'unic ta stsaquic ta leto ti Betele, ti ja' jteclum Luz sbi ta ba'yel to oxe.