Números 14:8 - Bible in Tzotzil de Chamula

⁸ Mi ta spas ti cajal ta xc'ot jc'oplaltic yu'un ti Diose, ta xiscoltaotic c'u s'elan xu' ta xij'och batel ta banomil ti bu ta xijyac'botique. Ti bu taje, ja' jun jteclum ti co'ol s'elan vo' ta xbein ti chu' vacaxe, ti ajapome.

Bible in Tzotzil de Chenalhó with Deuterocanon

⁸ Me ta melel lec chijyilutic li Diose, ja' chijyic'utic ochel yo' bu li banamile, xchi'uc chijyac'butic quich'tic o. Yu'un ja' jun banamil ti bu ta xloc' ep ya'lel xchu' vacax xchi'uc pom jech chac c'u cha'al ta xloc' vo'e.

Números 14:8 Iomraidhean Croise

2 Samuel 22:20

Lic'ot ta pojel colel yu'un; mu tuch'bajun ta yo'nton ti laj scoltaune.

1 Reyes 10:9

¡Lequil-c'optabiluc ta j'ech'el ti Dios avu'une, ti lec laj yilot ta sba ta sate, ti laj stic'ot ta ajvalil yu'un ti Israele! ¡Ti jech ayanem ti syail xc'uxul yo'nton ti Dios ta sventa ti Israele, la'och ta ajvalil yu'un yo' jech lec ta xaventain, yo' jech oy stuq'uil ta xachapanvan!”

2 Reyes 18:32

Ts'acal to un, ta xayic'oxuc batel ta jun lum ti mu yanuc jech c'u cha'al ti alumalique, ta jun jteclum xch'ieb ti trigoe, xch'ieb ti uvae, yo' jech ta xameltsanic ti pane, ti vinoe, ti ja' jun yavilal ti aceite olivoe, xchi'uc ti ajapom ta jteclum taje. Ja' to jech jun avo'ntonic ta xacuxiic. Mi ja'uc ta xachamic. Mu xa xavich'beic ta muc' sc'op ti Ezequiase. C'ajomal no'ox ta xaslo'laoxuc ti ta xal ti ta stic' sba ta apojelic ti Diose.

Salmos 22:8

ti xi ta xalique: “Le'e, spatoj yo'nton ta stojol ti Diose, coltaatuc yu'un ti Dios un cha'e. Ti jech mu tenbaj ta xa'ie, ac'o scolta quic un.”

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Isaías 62:4

Mi ja'uc xa ta xa'albat “Ti tenbil bajbilote.” Mi ja'uc xa ta x'albat ti ateclumale “Lilinbil ma' le' une.” Ti ac'oplal ta x'albate, “Jun yutsil ta xquil ma' le' une.” Ti sc'oplal avosil abanomile, “Jnup jchi'il xa ma' le' une.” Yu'un ti vo'ote, sc'upilot ta xayil ti Diose, ti co'ol s'elan c'otem ta malalil yu'un ti avosil abanomile.

Jeremías 32:41

Ximuyubaj no'ox ta spasbelic ti c'usi lec ta stojolique. Melel, sjunul co'nton ta xcac' naquiicuc li' ta muc' ta lume.”

Sofonías 3:17

Ti Ajvalil ti ja' Dios avu'une, tey oy ta atojol, jelavem ti smuc'ul stsatsale, ta stic' sba ta apojel. Xmuyubaj no'ox ta atojol ti Diose. Ti jech mu xa xtuch'ot ta yo'ntone, ta xac'bot ach' acuxlejal. Ti jech xmuyubaje, ta xlic q'uejinuc

Números 13:27

Xi laj yalbeic ti Moisese: —Li'aycutic ta banomil ti bu laj atacuncutic batele. Ta melel, ja' jun banomil ti bu co'ol s'elan vo' ta xbein ti chu' vacaxe, ti ajapome. Q'uelo avil ti sat te'etic ti ta xac' ti banomil li'e.

Números 16:14

Yu'un ti vo'ote ma'uc ta xavic'uncutic ech'el ta jun lum ti bu co'ol s'elan vo' ta xbein ti ch'u vacaxe, ti ajapome. Yu'un mi ja'uc ta xavac'buncutic ti osile, ti sts'unubal uvae. ¿Mi yu'un avac'touc xa ti co'oluc s'elan junuc ma'sat ti scotolic xvoletic batel ta apate? Mo'oj un, mu to jc'an jq'uelcutic ma' ti asat une.

Romanos 8:31

¿C'usi xu' ta xcaltic un cha'e? Mi jech sva'anoj stec'anoj sba ti Dios ta jtojoltique, mu'yuc buch'u xu' ta xismacotic ta be.

Deuteronomio 10:15

Manchuc mi jech un, ti Diose tsots sc'oplal laj ya'i ti laj xc'uxubinan ti amolmuc'totic ti laj ech'icuc ta vo'nee. Ts'acal to un, lic st'uj ti snitilultac yu'unic ta scotol ti lumetique, ja' ti vo'oxuc avi tana li' une.

Josué 14:12

Jech o xal un, avocoluc, ac'o avac'bun yosilal ti muc'tiquil vitstique jech c'u cha'al albilun yu'un ti Diose. Yu'un ana'oj lec ti nacalic to ox snitilultac ti inate' vinic Anaque, ti muc'tic no'ox ti jteclumetic yu'unique, ti lec meltsanbil ti smocalique. C'otem ta jol ta co'nton ta xiscoltaun ta sva'an sba ti Diose, ti ta sten loq'uel jech c'u cha'al yalojbun ono'oxe.”