Números 14:6 - Bible in Tzotzil de Chamula

⁶ Jech xtoc ti Josuee, ti Calebe, ti ja'ic ti buch'utic ay smucul xchajic ta q'uelel ti jteclume, laj xch'i'ic ta jatel ti sc'u'ique, svinajeb ti c'ux ta xa'i ti svocolique.

Bible in Tzotzil de Chenalhó with Deuterocanon

⁶ Li Josué xchi'uc Caleb ti ja' ay sq'uelic tal c'u x'elan li osile, la sli' sc'u'ic, ja' senyail ti mu xa xnel li at-o'nton laj ya'yique.

Números 14:6 Iomraidhean Croise

Génesis 37:29

C'alal sut batel ti Rubén ti bu oy ti joq'ue, ch'abal xa tiq'uil ti José laj sta ti bu taje. Lic xch'i' ta jatel ti sc'u'e, svinajeb mu xa xnel ta xa'i ti vul o'ntone.

Génesis 37:34

Va'i un, ti Jacobe laj xch'i' ta jatel ti sc'u'e. Lic slap at o'ntonal c'u'il. Ep c'ac'al laj yoq'uita. Mu xch'ay ta yo'nton cham ti xnich'one.

Génesis 44:13

Jech ti stuquique lic xch'i' ta jatel ti sc'u'ique, ja' senyail mu x'ech' ta xa'iic ti svocolique. Ts'acal to un, lic scajtsan yicats sburroic ta jujune. Sutic batel ta jteclum.

2 Samuel 3:31

Ts'acal to un, ti Davide xi laj yalbe ti Joabe xchi'uc ti c'u yepal ti xchi'iltac svoloje: “Ch'i'ic ta jatel ti ac'u'ique. Jatantic xa ac'u'ic lapic liquel. Oyucoxuc ta vul o'ntonal yu'un sme'inalil ti jlajel jtubel Abnere.” Tijil batel ti ajvalil David ta spat ti bu poybil batel ti animae.

2 Reyes 18:37

Va'i ti Eliaquim une, ti ja' sbainoj ti chapanobbaile, ti Sebna ti ta xac' ta na'el ti c'usitic ta xc'ot ta pasele, xchi'uc ti Joa yajts'ibajom ti ajvalile, mu xa x'ech' laj ya'iic. Lic xch'i' ta jatel ti sc'u'ique. Batic ta stojol ti Ezequiase yo' jech ta xalbeic ya'i scotol ti c'usi laj yal comel ti banquilal j'opisial yu'un ti Asiriae.

Job 1:20

Ti Job une lic va'iuc. Xtuch'et yo'nton laj ya'i. Mu'yuc xa c'usi x'ech' o ta xa'i ti lic xch'i' ta jatel ti sc'u'e. Laj xch'ul loq'uel ti tsotsil sjole ti snupilan xa banomil laj spatan sba ta lumtique.

Números 13:30

Va'i un, ti Calebe ts'ijil ic'ot yu'un ti jteclum ti c'u yepal volol ta stojol Moisés ti xi laj yale: —¡Ja' yu'un un cha'e, ba jvol jbatic ta yu'ninel ti banomil taje! ¡Ta ono'ox xu' cu'untic ta yu'ninel!

Números 13:6

Ta sventa ti jvoc' snitilul ti Judae, ja' ti Caleb xnich'on ti Jefone.

Números 13:8

Ta sventa ti jvoc' snitilul ti Efraine, ja' ti Oseas xnich'on ti Nune.

Números 14:24

Ja' no'ox ta xil ti cajtunel Calebe. Yu'un yan o ti c'u s'elan ti xcuxlejal ta stojole, yu'un jbel yo'nton xch'unojbun ti jmantale. Jech o xal ti stuque, ta xcac' ochuc ech'el ti ta jteclum ti ay smucul xchaj ta q'uelele, xchi'uc j'ech'el ta xcom nacliicuc ti snitilultac ti bu taje.

Números 14:30

Mi junuc ta xa'ochic batel ta banomil ti laj calboxuc ta jamal ti ta xacac'beique. Ja' no'ox ta x'ochic batel ti Calebe xchi'uc ti Josuee.

Números 14:38

Ti ta scotolic taje, ja' xa no'ox cuxul com ti Josuee xchi'uc ti Calebe.

Números 14:5

Ti Moisese xchi'uc ti Aarone snupilan xa banomil laj spatan sbaic ta lum ta sba ta sat scotol ti jteclume.

Números 14:7

Xi laj yalbeic xtoc scotol ti israeletique: —¡Ti banomil ti ay jmucul jchajcutic ta q'uelele, spajebal yutsil ta j'ech'el!

San Mateo 26:65

Va'i un, ti banquilal palee lic xch'i' ta jatel ti sc'u'e, svinajeb ti toj chopol laj ya'ie, xi laj yale: —Ti vinic li'e, laj xa xchopol-c'opta ti Diose. Mu xa tsotsuc sc'oplal ta jc'antic yan rextico. Laj xa ava'iic ti toj chopol ta xc'opoje.

Marcos 14:63

Va'i un, ti banquilal palee lic xch'i' ta jatel ti sc'u'e, svinajeb ti ech'em chopol laj ya'i ti va'i s'elan laj yal ti Jesuse. Jech ti stuque xi lic yale: —Mu xa tsotsuc sc'oplal ta jc'antic yan rextico.

Hechos 14:14

Ja'uc ti c'alal laj yilic ti Pabloe, ti Bernabee, laj xch'i' ta jatel ti sc'u'ique, ti xi x'avetic xa laj stic' sbaic ochel ta stojol ti jnaclejetique:

Josué 14:6

Ti snitilultac ti Judae batic c'alal ta Gilgal yo' ta sc'oponic ti Josuee, xchi'uc ti Caleb ti quenezitae, xnich'on ti Jefone, ti xi laj yalbeic ti Josuee: “Vuleso ta avo'nton ti c'u s'elan lij'albat jc'oplaltic ta Cades-barneae, ti laj yal ti Dios ta stojol ti Moisés ti ja' yajtunele.

Josué 7:6

Ti Josuee xchi'uc ti moletic yu'un ti Israele laj xch'i'ic ta jatel ti sc'u'ique. Laj svijbe sbaic pucuc ta sjolic, svinajeb ti mu x'ech' mu xnel ta xa'iic ti vocole. Laj taj une, snupilan xa banomil c'ot spatan sbaic ta sts'el xcaxa ti Diose, ti jech yich'ojic o ic'ube,

Jueces 11:35

Ti c'alal laj yile, laj xch'i' ta jatel ti sc'u'e, svinajeb ti mu xa c'usi x'ech' o ta xa'i ti svocole, ti xi laj yalbee: —¡Mu xa ono'ox cha'bel un, cantsil nich'on! ¡Mu x'ech' ti jvocol ta xca'i avu'une, ti c'alal vo'ot lamal c'ot ta jtojol ti jvocol avu'une! Yu'un laj xa jtic' jba ta yalel jtrate ta stojol ti Diose, ti tsots sc'oplal ta xc'ot ta pasel cu'un avi tana une.