Números 14:5 - Bible in Tzotzil de Chamula

⁵ Ti Moisese xchi'uc ti Aarone snupilan xa banomil laj spatan sbaic ta lum ta sba ta sat scotol ti jteclume.

Bible in Tzotzil de Chenalhó with Deuterocanon

⁵ Li Moisés xchi'uc Aarone la spatan sbaic ta banamil ta stojol scotol li xchi'iltaquique.

Números 14:5 Iomraidhean Croise

Génesis 17:3

Jech ti Abrame snupilan xa banomil laj spatan sba ta lum c'alal yacal xi xvulvun ta c'opojel ti Diose:

1 Reyes 18:39

Ti jech laj yilic scotol ti jnaclejetique, snupilanic xa banomil laj spatan sbaic ta lumtic ti xi laj yalique: “¡Ti Ajvalile, ja' Dios, ti Ajvalile, ja' Dios!”

1 Crónicas 21:16

C'alal laj stoy batel sat ti Davide, laj yil ti yaj'ánjel Dios xtuchoj ta sc'ob ti yespada ti sloq'uesoj ta snae. Sye'oj batel ta stuq'uil ti Jerusalene, ti liquem talel ta vinajele, ti c'otem to c'alal banomile. Va'i ti David une, xchi'uc ti moletique, jatantic xa sc'u'ic slapojic, snupilanic xa banomil laj spatan sbaic ta lumtic.

Ezequiel 9:8

C'alal jech xyaquetic ta spasele, jtuc xa no'ox licom. Va'i un, laj jquejan jba jnupilan xa ti banomil ti xi lic avancun ti c'alal mu xa x'ech' xjelav ta xca'ie: “Dios, ¿mi yu'un ta xabusanbe ta sba Jerusalén ti sc'ac'al avo'ntone, ti ta xatubbe sc'oplal ta j'ech'el ti c'u xa yepal cuxulic scomelal ti Israele?”

Daniel 10:9

Va'i un, c'alal laj ca'i ti c'opoj talele, toj batelun yu'un. Jeche' xa telel licom ta lum.

Levítico 9:24

Yu'un loc' talel c'oc' ta stojol ti Diose. Mu'yuc xvinaj c'uxi bat ti chon bolom ti ta xich' chiq'uele xchi'uc ti xepu'etic ti oy ta sba ti altare. Ti jech laj yilic taj une, scotol ti israeletique xmuyubajic xa lic avanicuc, xchi'uc snupilanic xa banomil laj spatan sbaic ta lum.

Números 14:6

Jech xtoc ti Josuee, ti Calebe, ti ja'ic ti buch'utic ay smucul xchajic ta q'uelel ti jteclume, laj xch'i'ic ta jatel ti sc'u'ique, svinajeb ti c'ux ta xa'i ti svocolique.

Números 16:22

Ja'uc ti stuquic une snupilanic xa banomil laj spatan sbaic ta lumtic ti xi laj yalique: —Ti vo'ote avac'ojbe xcuxlejal scotol ti jnaclejetique, Ch'ul Dios, ¿mi ta xavilta scotol ti jteclum ta scoj no'ox smul ti jun vinique?

Números 16:4

C'alal jech laj ya'i ti Moisés ti va'i s'elan taje, snupilan xa banomil laj spatan sba ta lum.

Números 16:45

—¡Q'uejo abaic loq'uel ta stojol ti jnaclejetic li'e, yu'un ta jliquel no'ox ta jtsutsesbe sc'oplalic! Jech ti Moisese xchi'uc ti Aarone snupilan xa banomil laj spatan sbaic ta lumtic.

Números 17:10

Va'i un, ti Moisese xi albat yu'un ti Diose: “Bat ac'o yan velta ta xcaxail yu'un trate snamte' ti Aarone. Q'uejo ti bu taje, ti ja' ta xtun ta sventa sbijubtaselic ti toyobba jteclume. Ti jech taj une, ja' to ta xicta sbaic ta xchopol c'optaelun, mi ja'uc ta xchamic.”

Números 20:6

Jech ti Moisese xchi'uc ti Aarone laj yictaic comel ti jteclume, batic ta ochebal sti' ti Axibalna ti bu nupel ta bee. Snupilanic xa banomil c'ot spatan sbaic ta lumtic ti bu taje. Va'i un, laj svinajes yutsilal slequilal ti Dios ta stojolique.

San Mateo 26:39

Ti Jesuse bat c'uc yuni natiluc, snupilan xa banomil laj spatan sba ta lumtic ti xi lic c'opoj ti'inuque: —Jch'ul Tot, ti xu'uc to la mu xquich' ti mu xa no'ox c'usi jech o ti jvocole, ja' no'ox ti ma'ucuc xc'ot ta pasel ti c'usi ta jc'an vu'une, ja'uc c'otuc ta pasel ti c'usi ta xac'an ti vo'ote.

Josué 5:14

—Mi junuc ta jujujot —xi la stac' ti vinique—. Talemun ta sventa jun banquilal yajtunel Dios ti scotol xu' yu'une. Va'i un, ti Josuee snupilan xa banomil laj spatan sba c'alal to lum, ti xi laj sjaq'ue: —¿C'usi mantalil stacoj talel ti Dios ta stojol ti yajtunel li'e?

Josué 7:10

Xi tac'bat yu'un ti Diose: —¿C'usi ta xapas ti li' patalot ta lumtique? Lican.

Apocalipsis 4:10

jech ti chanib xcha'vinic (24) ta vo' moletique, ta squejan sbaic ta stojol ta yich'el ta muc' ti Buch'u stalel cuxul sbatel osile, xchi'uc xi ta xalic c'alal ta sye'ic batel sronail sjolic ta stojol ti Buch'u chotol ta muc' ta chotlebale:

Apocalipsis 5:14

Ti chanib c'usi cuxajtique xi laj staq'uic eque: “¡Jechuc!” Ti chanib xcha'vinic (24) ta vo' moletique laj squejan sbaic ta yich'el ta muc' ti Buch'u stalel cuxul sbatel osile.

Apocalipsis 7:11

Scotol ti anjeletic va'ajtic ta sts'el ti muc' ta chotlebale, ta sts'el ti moletique, ta sts'el ti chanib c'usi cuxajtique, snupilanic xa banomil laj spatan sbaic ta lumtic ta sts'el ti muc' ta chotlebal ta yich'el ta muc' ti Dios