Números 14:4 - Bible in Tzotzil de Chamula

⁴ Xi lic yalanbe sbaic ta jujun tale: “¡Jva'antic junuc banquilal cu'untic, sutcutic ech'el ta Egipto!”

Bible in Tzotzil de Chenalhó with Deuterocanon

⁴ Jech lic yalbe sbaic: “Jsa'tic junuc banquilal cu'untic yu'un ja' ac'o yic'utic sutel ta Egipto”, xiic.

Números 14:4 Iomraidhean Croise

Jeremías 42:14

ti xi ta xlic avalique: ‘Ja' xi smuc'ul ti bat naquicutic ta Egipto ti bu ch'abal letoe, ti bu mu junuc xava'i ta xbac' ti oq'uese, ti mu vi'naluc xca'i xijchamotique’,

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 14:5

Ti Moisese xchi'uc ti Aarone snupilan xa banomil laj spatan sbaic ta lum ta sba ta sat scotol ti jteclume.

San Lucas 17:32

Vuleso ta avo'ntonic c'u s'elan c'ot ta stojol yajnil ti Lote.

Hechos 7:39

“Ja'uc ti jmolmuc'totic ta vo'nee, mu'yuc laj yich'ic ta muc'. Laj sbajic ti Moisese. C'ajomal no'ox oy ta yo'ntonic ta sutic batel ya'iic ta Egipto banomil.

Deuteronomio 17:16

Ja'uc ti ajvalil taj une, ja' ta sc'an ti ma'ucuc batem ta yo'nton ta smanel ti epal ca'etique, mi ja'uc ta staquel batel svinictac ta Egipto ta smanel ca'etic yo' ta x'epaj yu'un. Yu'un ti Diose xi ono'ox laj yalboxuque: ‘Ta j'ech'el mi ja'uc xa ta xtal axaniic ti be li'e.’

Deuteronomio 28:68

Ac'o mi laj yalbot ti Dios ti mu xa x'ech' axani yan velta sbelel ti Egiptoe, ja'uc le' une, ta barco ta xasutic batel yan velta. Yu'un ta xac'an ti xachon aba ta mosovil ta yoc ta sc'ob ti avajcontrataque, mi ja'uc junuc oy buch'u ta smanot.

Hebreos 11:15

Ati yu'unuc ja'uc mu jipbaj mu tenbaj ta yo'ntonic ti sbanomilic bu loq'uic talele, mu ta vocoluc sutic batel ti jechuque.