Números 14:3 - Bible in Tzotzil de Chamula

³ ¿C'u cha'al ya'yel laj yic'otic talel ti Dios ta jteclum li'e? ¿Mi yu'un naca tal yac' lajcutic ta leto yo' ta x'och ta c'abal yu'un cajcontratic ti cantsiltique, ti jnich'nabtique? ¡Ja' xloc' venta ti sutcutic batel ta Egiptoe!”

Bible in Tzotzil de Chenalhó with Deuterocanon

³ ¿C'usi stu cu'untic ti laj yic'utic tal li' ta banamil li Diose? Yu'un ja' no'ox tal cac' jbatic ta milel ta pleito. Li cajnil jnich'nabtique ch-ochic ta sc'ob li cajcontratique. Ja' lec sutcutic batel ta Egipto”, xiic.

Números 14:3 Iomraidhean Croise

Nehemías 9:17

Mi ja'uc sc'an xch'unic. Mi ja'uc laj svules ta sjolic ti c'usitic muc'tic laj apas ti laj avac' ta ilel ta stojolique. Mu xa'ibeic xchiquinal ti pimunebic ta j'ech'ele. C'ajomal no'ox laj sva'anic jun banquilal yu'unic yo' jech ta xcha'ic'atic sutel ta Egipto, yo' ta x'ochic ta mosovil. Ja'uc le' une, jch'ay mulil Dios, jun Diosot ti jun yutsil avo'ntone, ti oy sts'iquemal xcuchemal avu'une. Mu xana' xatenvan. Oy smuc'ul avo'nton. Oy syail xc'uxul avo'nton.

Salmos 78:40

Yepal no'ox laj sbaj laj stenic ti Diose; laj soquesbeic yo'nton ti ta sbajtical banomile.

Éxodo 16:3

ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

Éxodo 5:21

Ja' yu'un un, xi albatique: —Ac'o yich' ta venta Dios ti c'usi laj apasique. Ac'o xastsitsoxuc. Ti vo'oxuc ta amulic ti chopol ta xiyilcutic ti faraone xchi'uc ti yaj'abteltaque. Vo'oxuc laj avac'beic ta sc'ob ti espadae yo' jech ta xismiluncutic.

Jeremías 42:14

ti xi ta xlic avalique: ‘Ja' xi smuc'ul ti bat naquicutic ta Egipto ti bu ch'abal letoe, ti bu mu junuc xava'i ta xbac' ti oq'uese, ti mu vi'naluc xca'i xijchamotique’,

Jeremías 42:19

“Ti c'u to yepal cuxul lacomic ta Judae, ti Diose ta xalboxuc ti ta xabatic ta Egiptoe. Na'ic ava'iic lec un, ipaluc ti laj jcaj-t'amboxuque.

Jeremías 9:3

Yu'un chapalic ta ye ta sti'ic ti jutbil c'ope, jech c'u cha'al chapalic ta xach'el sni' syolobic ta yalcuale. Me'inem xa ma' ti jut c'op li' ta jteclume. Laj to sc'oplal ma' ti melel ta xalique. Soquel soquel sq'ueloj batel ma' ti bu stamojique. Xi ta xal stuc ti Diose: “Laj to sc'oplal ma' ti ta sc'an xiyojtiquinique.”

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 16:13

¿Mi yu'un ch'am xi no'ox la sc'oplal avaloj ti laj aloq'uesuncutic talel ta jun jteclum ti bu co'ol s'elan vo' ta xbein ti chu' vacaxe, ti ajapome, ti c'alal c'ajomal no'ox tal avac' chamcuncutic ta sbajtical banomile? Ma'uc no'ox taj xtoque, yu'un ta xabis aba ava'i ta jun banquilal ajvalil ta jtojolcutique.

Números 20:3

Va'i un, xi laj yalbeic: —¿C'u xa ono'ox cha'al ti mu jmojuc capal lichamcutic xchi'uc ti israeletic ti c'alal chamesatic yu'un ti Diose?

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!

Hechos 7:39

“Ja'uc ti jmolmuc'totic ta vo'nee, mu'yuc laj yich'ic ta muc'. Laj sbajic ti Moisese. C'ajomal no'ox oy ta yo'ntonic ta sutic batel ya'iic ta Egipto banomil.

Deuteronomio 1:39

Ac'o mi laj ach'unic un cha'e ti ta xchuquic ech'el avantsilelic anich'nabic ti avajcontraique, ti ololetic ti mu'yuc to vulem ti xch'ulelic ta snopel avi tanae, ja'ic ti ta x'ochic batel ta muc' ta lume. Yu'un ta xcac'beic ti ta xc'ot ta xrextoic cu'une.