Números 14:2 - Bible in Tzotzil de Chamula

² Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Bible in Tzotzil de Chenalhó with Deuterocanon

² Scotolic lic chopol c'opojicuc ta stojol li Moisés xchi'uc Aarone. Jech laj yalic: “Ja' lec ti teuc ono'ox chamcutic ta Egiptoe, xchi'uc ti li'uc chamcutic ta xocol banamile.

Números 14:2 Iomraidhean Croise

1 Reyes 19:4

Ti stuque bat ta sbajtical banomil ta tsacal to un, ti sjunul c'ac'al xanav ja' to ti c'uxi lubtsaj ti laj xchotan sba ta yolon pets limil te' ti retama sbie. Ti juteb xa ta yo'nton chamuc ya'ie, xi laj yale: “¡Li' xa no'ox c'alale, Dios, tuch'bun xa ti jcuxlejale! ¡Mu'cun xa lec ta xc'ot ta jtojol jech c'u cha'al ech' ti jtot jme'taque!”

Job 3:11

¿C'u no'ox cha'al mu licham ta xch'ut ti jme'e, mi ja' o ti c'alal livul ta bajele?

Salmos 106:24

Ta ts'acal to un, mu c'usi bal o laj ya'i ti jun yutsil muc' ta lume; mu'yuc xc'ot ta yo'ntonic c'usitic yaloj no'ox ti Dios ta spase.

Salmos 106:25

Sbiseluc no'ox ta cotol chaval ti Dios ta yut yaxibalnaique; mu'yuc laj yaq'uic ta venta ti oy c'usi yaloje.

Salmos 106:45

laj svules ta sjol ti strate spasoj ta stojolique. Laj sjel ti c'u s'elan snopoj oxe, yu'un xi s'elan yepal ta j'ech'el ti syail xc'uxul yo'ntone:

Éxodo 14:11

Xi laj yalbeic ti Moisese: —¿Mi yu'un mu'yuc mucobbail ta Egipto ya'yel ti laj aloq'uesuncutic talel tey yo' xtal avac' chamcuncutic li' ta sbajtical banomile? ¿C'u cha'al jech laj apasbuncutic? ¿C'u cha'al laj aloq'uesuncutic talel ta Egipto?

Éxodo 15:24

Ti c'u yepal svoloj sbaic batele lic chopol c'opojicuc ta stojol ti Moisese, ti xi lic sjac'beique: “¿C'usi ta xcuch'tic?”

Éxodo 17:3

Yu'un ta xlajic xa ta uch' vo' ti jteclume, ja' yu'un un, xi laj yalic ta scontrainel ti Moisese: —¿C'u cha'al laj aloq'uesuncutic talel ta Egipto? ¿C'u cha'al tal amiluncutic ta taqui ti'il jmoj xchi'uc ti calab jnich'nabcutique, xchi'uc scotol ti jchon jbolomcutique?

Jonás 4:3

Jech o xal un, Cajval, avocoluc, tuch'bun ti jch'iel jc'opojele, ja' to jech xlaet ta xca'i ti ta xicham xilaje. Toj altic ti li' to cuxulune.”

Jonás 4:8

C'alal xchijlajan xa vulel ti c'ac'ale, jech ti Diose laj yac' taluc jun ic' ti q'uixin ta j'ech'ele, ti lic talel ta stuq'uil ti sloq'ueb c'ac'ale. Ti jech va'al lec ti c'ac'al ta xc'ot ta sjol ti Jonase, laj ya'i ti ta xa xyal ta lume, sc'an xa chamuc. “Ja' xu' ta j'ech'el ti chamcune. Jeche' xa no'ox ta j'ech'el ti li' to cuxulune”, xut sba.

Números 11:1

Oy jun c'ac'al, lic coscoj c'opojicuc ti israeletic ta stojol ti Dios ta scoj ti vocol ta x'ech' yu'unique. C'alal jech laj ya'i ti Diose, ep soc sjol. Tey laj stacbe talel c'oc' ta stojolic ti laj xchic' ta joyob ti bu lamalic ta nacleje.

Números 11:15

Ti mi ja' jech ta xapasbun batel le'e, ja' lec tuch'o ti jcuxleje, mi ta melel ti c'ux ta xava'iune. Va'i unbi, mu xa xquil ta jba ta jsat ti vocoletique.

Números 11:5

Teque' un, bu la jech tana ti mu manbiluc xe'el no'ox ti choy laj jti'tic ta Egiptoe, xchi'uc ti x'ech' no'ox ta que ta jti'tic ti pepinoe, ti melone, ti lequil itajetique, ti tuixe, ti axuxe.

Números 14:1

Va'i un, ti israeletique xvochetic liquel, ti x'oc'lajetic ech' yu'unic ti ac'ubaltic taje.

Números 14:22

ti buch'utic laj yilic ti jlequil cutsilale, xchi'uc ti jchop o ti laj yilic ti c'u s'elan laj jpas ta Egiptoe xchi'uc ti ta sbajtical banomile, ti ja' no'ox oy ta yo'ntonic ti jayib velta ta sq'uelic ya'iic ti co'nton ta sbajtical banomil ti mu sc'an xch'unic ti jmantale, ti buch'utic jech taje,

Números 16:13

¿Mi yu'un ch'am xi no'ox la sc'oplal avaloj ti laj aloq'uesuncutic talel ta jun jteclum ti bu co'ol s'elan vo' ta xbein ti chu' vacaxe, ti ajapome, ti c'alal c'ajomal no'ox tal avac' chamcuncutic ta sbajtical banomile? Ma'uc no'ox taj xtoque, yu'un ta xabis aba ava'i ta jun banquilal ajvalil ta jtojolcutique.

Números 16:41

Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!

Números 17:6

Ti va'i s'elan taje, jech ono'ox laj yal ti Moisés ta stojol ti israeletique. Jech laj yac'be jujun snamte'ic ti banquilaletic yu'unic ti jujuvoq'ue, ti c'ot ta tsobel ta lajcheb (12) namte'il ta scotole. Ta scotol ti va'i yepal taje, tey oy xtoc snamte' ti Aarone.

Números 20:2

Ti jech ch'abal vo' yo' ta xuch'ic ti c'u yepal svoloj sbaic batele, xvoletic no'ox batel laj stsob sbaic yo' ta svulic ya'i ti Moisese xchi'uc ti Aarone.

Números 20:3

Va'i un, xi laj yalbeic: —¿C'u xa ono'ox cha'al ti mu jmojuc capal lichamcutic xchi'uc ti israeletic ti c'alal chamesatic yu'un ti Diose?

Números 20:4

¿C'u xa ono'ox cha'al ti vo'oxuc laj aviq'uic talel ti xnich'nab Dios ti li' ta sbajtical banomile? ¿Mi yu'un oy ta o'ntonal avu'unic ta xichamcutic jmoj xchi'uc ti jchon jbolomcutique?

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!

1 Corintios 10:10

Mi ja'uc xabic'tal c'opojic ta scontrainel Dios jech c'u cha'al bic'tal c'opojic ti jlom ta vo'nee, ti lajic ta milel yu'un ti jmilvanej ánjele.

Deuteronomio 1:27

Yu'un ti ta anaique, xavulajetic xa liquel ti xachiique: ‘Tenbil jipbilotic yu'un ti Diose. Yu'un ti jech laj sloq'uesotic talel ta Egiptoe, c'ajomal no'ox tal yac'otic ta yoc ta sc'ob ti amorreoetique yo' jech ts'ij xi ti jc'oplaltic yu'une.

Deuteronomio 9:23

C'alal laj yalboxuc mantal ti Dios ta Cades-barneae, ti loc'anic ech'el ta yu'ninel ti lum ti bu yaloj ta xayac'boxuque, laj ono'ox abajbeic ti smantale. Mi ja'uc laj apat avo'ntonic ta stojol. Mi ja'uc laj ach'unic.

Hebreos 3:16

¿Buch'utic xcaltic taje ti laj ya'iic sc'opojel Dios ti ts'acal to lic stoy sbaic ta stojole? Ja'ic ti buch'utic loq'uesatic talel yu'un Moisés ta Egipto banomile.

Judas 1:16

Ti viniquetic taje, xcapet xti'et no'ox sjolic, xbic'tal c'opojic no'ox, mu'yuc c'usi lec ta staic. C'ajomal yacalic ta sa'el ti c'usi lec ta xa'iique. Stoy sbaic xchi'uc ti sc'opique. Jun xa yutsil ye sti'ic yilel ta stojol ti jnaclejetique.