Números 14:11 - Bible in Tzotzil de Chamula

¹¹ Jech o xal ti Diose xi laj yalbe ti Moisese: —¿C'usi to ora ta spajes sbaic ta sbajelun ti jnaclejetic li'e? ¿C'usi to ora ta spajes sbaic ti xna'etic ta jtojole, manchuc mi laj xa yilic ti jlequilal cutsilal ta stojolique?

Bible in Tzotzil de Chenalhó with Deuterocanon

¹¹ Li Muc'ul Diose jech laj yalbe li Moisese: —¿Baq'uin to chlic lecubuc yo'ntonic ta jtojol li cristianoetic li'i? ¿Baq'uin to chlic xch'unic lec?, yu'un ep xa sq'uelubil jtsatsal la jpas ta stojolic.

Números 14:11 Iomraidhean Croise

Salmos 106:24

Ta ts'acal to un, mu c'usi bal o laj ya'i ti jun yutsil muc' ta lume; mu'yuc xc'ot ta yo'ntonic c'usitic yaloj no'ox ti Dios ta spase.

Salmos 78:22

Mu'yuc laj spat yo'ntonic ta stojol ti Diose, mi ja'uc laj xch'unic ti ta xcoltavane.

Salmos 78:32

Manchuc mi jech scotol taj une, lic sa'ilan smulic xtoc; mu'yuc xaq'uic ta venta ti ch'ayal ta xc'ot o'ntonal yu'un ti c'usitic ta spas ti Diose.

Salmos 95:8

“Mu xavac' yijubuc avo'ntonic jech c'u cha'al laj spasic ta Meribae, jech c'u cha'al yorail oyoxuc ta Masá ta sbajtical banomile.

Éxodo 10:3

Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie: —Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'.

Éxodo 16:28

Va'i un, ti Diose xi laj yalbe ya'i ti Moisese: —¿C'usi to ora ta xabic'tajes abaic ti mu xavaq'uic ta venta ti jmantaltaque xchi'uc ti chanubtaseletic cu'une?

Éxodo 23:21

Mu xach'ac aba ta stojol. Ch'uno ti bu ta xic'ot batele. Mu xatoy aba ta stojol, yu'un ti ánjel taje yich'oj yabtel cu'un, mi ja'uc xataic ti ch'an no'ox xayutic yu'un ti amulique.

Éxodo 32:9

Ma'uc no'ox taje, yu'un ti Diose xi to laj yalbe ti Moisese: —Laj xa jtuc'ulan lec ti jteclum li'e. Laj xa cojtiquin lec ti pucujibemic xa xchi'uc ti xpochanilique.

Proverbios 1:22

“Querem viniquetic ti yan avuni jolique, xchi'uc ti xach'i o xava'iic ti labanvaneje xchi'uc ti avuni pimubelique, ¿bu to ora ta xavictaic ti me'inem ta xava'iic ti labanvanej ti yac'oj ajolic yu'une, ti mu'yuc stu avu'unic ti c'usi lec ta na'ele?

Jeremías 13:10

Ti jteclum ti mu'yuc xch'ulel xa'i sba le'e, ta svalopatinic ta xch'unel ti c'u s'elan ta xcalbeique. Pucujineb ta spasel c'usi xal ti yo'ntonique. Bat xa snaban sbaic ta sts'acliel yan diosetic, ta yaq'uel sbaic ta tunel ta yich'el ta muc' un. Mu xa xtunic xa un jech c'u cha'al ti chuquil ti mu xtune.

Jeremías 4:14

Jteclum Jerusalén, tuch'o loq'uel ta avo'nton ti c'usi chopole, ja' to jech ta xapoj aba. ¿C'usi to ora ta xajel ajol ta yictael ta snopilanel ti c'usi chopole?

Ezequiel 20:13

Ti oyic ta sbajtical banomil une, lic scontrainicun, mu xa xaq'uic ta venta ti oy c'usi jbel tsots albil sc'oplale. J'ech'el laj svalopatinic comel ti jmantaltac ti c'ot ta sventaic ti ta xch'i xc'opojic yu'un mi ta xc'ot ta pasel yu'unique. Laj soquesbeic sc'oplal ta j'ech'el sc'ac'alil ti cuxob o'ntonal cu'une. Laj jnop un ta jbusanbe ta sbaic ti sti'emal jol ti j'ech'el ch'ayuc sts'unubalic ta sbajtical banomile.

Oseas 8:5

Ta xac'bun ib-o'nton ti sloc'ol ch'in vacax ti vo'ot ta xavich' ta muq'ue, jteclum Samaria. Lic xa tiluc ti sc'ac'al co'nton ta stojole. ¿C'u to sjalil sc'an ti ta xavac' abaic ta mesel ta tusele, Israel?

Zacarías 8:14

Ti Dios ti scotol xu' yu'une, xi s'elan ta xale: “C'alal laj soquesbeicun co'nton ti amolmuc'totic ta vo'nee, ta jbel sc'oplal laj ono'ox jtsitsic ta j'ech'el, mi ja'uc jutebuc laj jel.

Números 14:23

mi junicuc ta xilic ti banomil ti calojbe ya'i ta xcac'beic ti smolmuc'totique. Ti buch'u laj xa sbajicune, mi junuc ta xilic.

Números 14:27

—¿C'u to sjalil ta jts'ic ti xvulajetic ti jsoquesvanej israeletic li'e? Ca'binoj xa ti ta xischopol-c'optaique.

Números 32:10

Ilin ti Dios ti jech c'ac'al taje, ti xi laj yal ti laj sva'an sba ta rextico ti c'opoje:

San Mateo 17:17

—Mu'yuc c'usi c'otem ta ch'unel avu'unic ti mu'yuc atuq'uilique. ¿C'u sjalil sc'an li' oyun ta atojolique? ¿C'u sjalil ta jts'icboxuc? Ic'bun talel ti anich'one —xi tac'bat yu'un ti Jesuse.

Marcos 9:19

Xi laj stac' ti Jesuse: —¡Jeche'oxuc ta j'ech'el ti mu'yuc c'usi c'otem ta avo'ntonic ta xch'unele! ¿C'u to ono'ox sjalil ta xac'anic li' oyun ta atojolique? ¿C'u to no'ox sjalil ta jts'icboxuc? Ic'bun tal ti quereme.

San Juan 10:38

Yan mi xco'olaj yabtel ti Jtot ti c'usi ta jpase, manchuc mi mu xavich'icun ta muq'ue, ja' tsots sc'oplal sc'an xavich'ic ta muc' yabtel ti Jtot ti c'usi ta jpase yo' jech j'ech'el ta xava'iic ti oy ta jtojol ti Jtote xchi'uc ti oyun ta stojol eque.

San Juan 12:37

Manchuc mi laj yac' ta ilel ti Jesús ti oy c'usi ch'ayal ta xc'ot o'ntonal yu'un ta sba ta sat ti israeletique, mi ja'uc c'ot ta yo'ntonic ta xch'unel.

San Juan 15:24

Ti manchucuc laj staic ta ilel ti jtuc xa no'ox oy c'usi laj jpas ta stojolique, mu'yuc smulic ti jechuque. Le'e laj xa yilic un. Manchuc mi jech laj yilic ti c'usi laj jpase, xti'et sjolic ta jtojol, xchi'uc xti'et sjolic ta stojol ti Jtote.

Deuteronomio 1:32

Manchuc mi ja' jech s'elan un, mu'yuc teq'uel xc'ot ta avo'ntonic ti ta scoltaoxuc ti Ajvalil Dios avu'unique,

Hebreos 3:16

¿Buch'utic xcaltic taje ti laj ya'iic sc'opojel Dios ti ts'acal to lic stoy sbaic ta stojole? Ja'ic ti buch'utic loq'uesatic talel yu'un Moisés ta Egipto banomile.

Hebreos 3:18

¿Buch'u sc'oplalic albatic yu'un Dios ti j'ech'el mu x'ochic batel ti bu ta xcux yo'ntone? Ja'ic ti buch'utic laj stoy sbaic ta stojole.

Hebreos 3:8

mu xayijubtas avo'ntonic jech c'u cha'al laj spasic ti amolmuc'totique, ti ja' no'ox lic sc'ac'al yo'ntonic ti laj slajeltsabeic yo'nton ti Dios ta xocol banomile.