Números 13:3 - Bible in Tzotzil de Chamula

³ Va'i un, ti Moisés, ta sbajtical to banomil yu'un Parán, laj stac batel viniquetic jech c'u cha'al albat yu'un ti Diose. Scotolic ja' viniquetic ti yich'oj yabtelic ta stojol ti israeletique.

Bible in Tzotzil de Chenalhó with Deuterocanon

³ Li Moisese la spas jech chac c'u cha'al i'albat yu'un li Diose. La stac batel li viniquetique, te iliquic ta xocol banamil ta Parán. Scotolic oy yabtelic ta stojol li xchi'iltaquique.

Números 13:3 Iomraidhean Croise

Números 10:12

Jech ti israeletique loq'uic batel ti ta sbajtical banomil yu'un ti Sinaie. Laj stam batel sbeic. Ti toque xbolet ta xbat, c'ot pajuc ta sbajtical banomil yu'un Parán.

Números 12:16

C'alal sut xa talel ti María ta stojolique, laj stam loq'uel sbeic ti jech oyic ta Hazerote. C'ot slaman sbaic ta naclej ta sbajtical banomil yu'un Parán.

Números 13:2

“Taco batel jun chibuc viniquetic ta smucul xchajel ta q'uelel yosilal ti Canaane, ti ta xcac'be yu'ninic ti israeletique. Ti ta jujuvoc' nitilulile, taco batel jujunuc vinic yu'unic ti yich'oj yabtelique.”

Números 13:26

Batic ta Cades ti oy ta sbajtical banomil yu'un ti Parane. Ti bu taje, tey oy ti Moisese, ti Aarone, xchi'uc scotol ti israeletique. Va'i un, xchapet lic yalic ti c'usitic laj staic talel ta ilele, xchi'uc lic yaq'uic ta ilel ti sat sts'unubalil ti jteclume.

Números 13:4

Yu'un xi s'elan ti chaplujic batele: Ta sventa ti jvoc' snitilul ti Rubene, ja' ti Samuae, xnich'on ti Zacure.

Números 32:8

Ti va'i s'elan ta xapasique, ja' ono'ox jech laj spasic ti atotic ame'ic ti c'alal laj jtac jelavel ta smucul xchajel ta sq'uelel ti banomil ti c'alal oyic to ox ta Cades-barneae.

Números 34:17

“Ti ta xc'ot ta jch'ac-banomil avu'unique, ja' ti pale Eleazare, xchi'uc ti Josuee, xnich'on ti Nune.

Deuteronomio 1:19

“C'alal lijloc'otic ech'el ta Horebe, tuc' lijbat ta vitstic yu'un ti amorreoetique, ja' jch'unojtic smantal ti Ajvalil Dios cu'untique. Laj jxanitic ech'el scotol ti muc'tiquil sbajtical banomil ti xi'bal sba laj avilique, ja' to ti c'uxi lijvul ta Cades-barneae.

Deuteronomio 1:23

“Ti va'i s'elan c'ot ta nopel avu'unique, lec laj ca'i ec. Va'i un, lic jt'uj lajcha'vo' viniquetic ta atojolic ti laj jloq'ues jujun ti ta jujuvoc' nitilulile,

Deuteronomio 9:23

C'alal laj yalboxuc mantal ti Dios ta Cades-barneae, ti loc'anic ech'el ta yu'ninel ti lum ti bu yaloj ta xayac'boxuque, laj ono'ox abajbeic ti smantale. Mi ja'uc laj apat avo'ntonic ta stojol. Mi ja'uc laj ach'unic.

1 Samuel 25:1

Cham ti Samuele. Scotol ti israeletique laj stsob sbaic ta yoq'uitael ti jech chame. Laj smuquic ta Rama ti bu oy ti snae. Laj taj une, ti Davide bat ta sbajtical banomil yu'un Parán.