Números 13:26 - Bible in Tzotzil de Chamula

²⁶ Batic ta Cades ti oy ta sbajtical banomil yu'un ti Parane. Ti bu taje, tey oy ti Moisese, ti Aarone, xchi'uc scotol ti israeletique. Va'i un, xchapet lic yalic ti c'usitic laj staic talel ta ilele, xchi'uc lic yaq'uic ta ilel ti sat sts'unubalil ti jteclume.

Bible in Tzotzil de Chenalhó with Deuterocanon

²⁶ Te ivulic yan velta ta Cades ta xocol banamil ta Parán. Te ivul staic li Moisés, li Aarón, xchi'uc scotol li israeletique. Te vul yalic scotol li c'usi laj yilic tale, xchi'uc vul yaq'uic ta ilel li sat c'usitic yich'ojic tale.

Números 13:26 Iomraidhean Croise

Génesis 14:7

C'alal sutic talel ti Quedorlaomere xchi'uc ti c'u yepal xchi'uque, c'otic ta En-mispat ti ja' Cades sbi xtoque. Mu'yuc smelolic ta soquesanel comel scotol ti c'usi ta staanic batel ti oy ta yosilalic ti amalecitaetique. Jech laj spasbeic xtoc ti amorreoetic nacalic ta yosilal ti Hasesón-tamare.

Salmos 29:8

sc'opojel ti Diose, ta xnic ti sbajtical banomil yu'une; ti sbajtical banomil ti oy ta Cadese, ta sniques ti Dios une.

Números 13:25

Ts'acal to un, sutic batel ti c'alal ech' xa ox cha'vinic c'ac'al yochelic ta smucul chajel ta q'uelel ti banomile.

Números 13:3

Va'i un, ti Moisés, ta sbajtical to banomil yu'un Parán, laj stac batel viniquetic jech c'u cha'al albat yu'un ti Diose. Scotolic ja' viniquetic ti yich'oj yabtelic ta stojol ti israeletique.

Números 20:1

Ti sliquebal u yu'un ti jabile, ti israeletique c'otic ta sbajtical banomil yu'un Zin, comic c'uc sjaliluc ta Cades. Ti bu taje, cham ti Mariae. Laj yich' muquel ti bu taje.

Números 20:14

Ta Cades to, ti Moisese laj stac jelavel j'al-mantal j'ich'-c'opetic ta stojol ti ajvalil yu'un ti jteclum Edome, ti xi ta xalbeique: “Ti avinquileltac israeletique xi ta xalbot ava'i ti laj stac talel ti mantale: ‘Ti vo'ote xana' lec ti c'u s'elan laj quich' talel ti jvocolcutique.

Números 20:16

Va'i un, laj jc'anbecutic coltael yu'un ti Diose. Laj ya'i ti jc'opojel jti'inelcutique. Yu'un laj stac talel yaj'ánjel ti laj sloq'uesuncutic talel ta Egiptoe. Avi tana li' une, li' xa oyuncutic ta sbanomil Cades ti sts'aquinoj sbaic xchi'uc ti avosilale.

Números 32:8

Ti va'i s'elan ta xapasique, ja' ono'ox jech laj spasic ti atotic ame'ic ti c'alal laj jtac jelavel ta smucul xchajel ta sq'uelel ti banomil ti c'alal oyic to ox ta Cades-barneae.

Números 32:9

Yu'un c'otic c'alal to ta uc'um Escol ti laj smucul xchajel ta sq'uelel scotol taje. Ts'acal to un, lic xchibajesbeic yo'nton ti israeletique yo' jech mu x'ochic batel ta banomil ti bu ac'bilic yu'un ti Diose.

Números 33:36

Loq'uic ech'el ta Ezión-geber, c'ot slaman sbaic ta sbajtical banomil yu'un Zin, ti lec xcaltique, ja' Cades.

Deuteronomio 1:19

“C'alal lijloc'otic ech'el ta Horebe, tuc' lijbat ta vitstic yu'un ti amorreoetique, ja' jch'unojtic smantal ti Ajvalil Dios cu'untique. Laj jxanitic ech'el scotol ti muc'tiquil sbajtical banomil ti xi'bal sba laj avilique, ja' to ti c'uxi lijvul ta Cades-barneae.

Deuteronomio 1:2

Ti ta xlic batel ta vits yu'un Horeb ti ta xc'ot c'alal to Cades-barneae, ja' yich'oj buluchib c'ac'al sjalil ti sbelel mi ja' ta xich' tamel ech'el sbelel ti vitstic Seire.

Josué 14:6

Ti snitilultac ti Judae batic c'alal ta Gilgal yo' ta sc'oponic ti Josuee, xchi'uc ti Caleb ti quenezitae, xnich'on ti Jefone, ti xi laj yalbeic ti Josuee: “Vuleso ta avo'nton ti c'u s'elan lij'albat jc'oplaltic ta Cades-barneae, ti laj yal ti Dios ta stojol ti Moisés ti ja' yajtunele.

Josué 14:7

C'alal laj stacun batel ta xchajel ta q'uelel banomil ti Moisés ti liloc' ta Cades-barneae, quich'oj xa cha'vinic (40) jabil. C'alal lisut talele, jamal que jti' vul cal ti c'u s'elan laj quil ti banomile.