Números 13:22 - Bible in Tzotzil de Chamula

²² Ochic batel ta Néguev, c'otic c'alal to Hebrón. Taje, tey nacalic snitilultac ti Anaque, ja'ic ti Ahimane, ti Sesaie, xchi'uc ti Talmaie. Ti Hebrón taje, syucubal xa jabil yich'oj sva'anel ti c'alal laj yich' va'anel ti Zoán ti oy ta Egiptoe.

Bible in Tzotzil de Chenalhó with Deuterocanon

²² Te i'ochic batel ta Néguev, ic'otic c'alal to ta Hebrón. Ja' te nacajtic li Ahimán, Sesai, xchi'uc Talmai smomnich'nabtac Anaque. Li Hebrone svucubal xa'ox jabil smeltsajel c'alal laj yich' pasel li Zoán te ta Egiptoe.

Números 13:22 Iomraidhean Croise

Génesis 13:18

Ja' yu'un un, ti Abrame laj stsob batel ti yaxibalnae, bat nacluc ta tulantic yu'un jun vinic Mamre sbi, nopol xa ta sts'el jteclum Hebron. Ti bu taje, laj sva'an jun altar ta sventa yich'obil ta muc' ti Diose.

Génesis 23:2

Cham ta Quiriat-arba ti ja' no'ox jteclum Hebrón oy ta Canaán banomile. Ti Abrahame ta xoq'uita ti jech cham ti Sarae. Mu x'ech' ta xa'i ti me'inale.

2 Samuel 2:1

C'alal laj taj une, lic sjac' sba ta stojol Dios ti Davide, ti xi laj yalbee: —¿Mi ta xibat ta junuc jteclumetic yu'un ti Judae? —Tana —xi tac'bat yu'un ti Diose. —¿Bu jotucal ta xibat un? —xi laj stac' ti David une. —Batan ta Hebrón —xi tac'bat yu'un ti Diose.

2 Samuel 2:11

Ti David une, vucub jabil xchi'uc vaquib u sjalil, och ta ajvalilal ta Judae, ti bu chotol ta spas mantal ti ta Hebrón ti muc' ta jteclum yu'une.

2 Samuel 21:16

Le' une, jutuc xa mu mile yu'un jun inate' vinic ti sbiinoj Isbi-benobe. X'ech' ta lajuneb xcha'vinic (30) kilo yalal ti slanza yich'oje, xchi'uc xchuquinoj jun ach' espada.

Salmos 78:12

Xi s'elan ac'bat yilic ti stot sme'ic ti ch'ayal ta xc'ot o'ntonal yu'un Dios c'alal oyic ta stuq'uil Zoán ti oy ta Egiptoe:

Salmos 78:43

C'alal oyic ta yosilal Zoan ta Egiptoe, muc'tic no'ox c'usi c'ot ta pasel ti ch'ayal ta xc'ot o'ntonal yu'une.

Isaías 19:11

¡Bolibemoxuc ta j'ech'el, banquilaletic yu'un Zoan! Ti banquilal jbijubtasvanejoxuc yu'un ti lum Egiptoe, bol jtojobtasvanejoxuc ta j'ech'el. ¿C'u xa ono'ox xi vul ta ajolic ti xi laj avalbeic ti faraone: “Ma' ti vu'uncutique, snitiluluncutic bijil viniquetic ti laj ech'icuc ta ajvaliletic ta vo'nee”?

Isaías 19:13

Ti banquilaletic yu'un ti Zoane, bolic ta j'ech'el. Sq'ueloj sbaic lajic ta lo'lael ti banquilaletic yu'un ti Menfise. Yan o be laj yiq'uic batel ti lum Egipto ti banquilaletic yu'un ti bic'tal jteclume.

Isaías 30:4

Ac'o mi laj xa ataquic ech'el ti j'al-mantal j'ich'-c'op ta jteclumetic yu'un ti Zoane xchi'uc ti Hanese,

Números 13:17

Ti Moisese xi laj yalbe ti viniquetic ti c'alal laj stac ech'el ta smucul xchajel ta q'uelel yosilal ti Canaáne: —Ta Néguev xatamic ochel, muyanic batel ta toyol vitstic.

Números 13:28

Ja' no'ox un, ti buch'utic nacalic teye, toj tsotsic. Muc'tic ta j'ech'el ti jteclumetic yu'unique, oy lec smocaltac. Ma'uc no'ox taje, yu'un laj quilcutic ti nacalic snitilultac ti inate' vinic Anaque.

Números 13:33

Laj quilcutic xtoc ti inate' viniquetique, ti ja' snitilultac ti Anaque. Co'ol s'elan jcotuc c'ulub ta xca'i jbatic ta stojolic. Ja' jech ta xijyilotic ti stuquic eque.

Deuteronomio 9:2

Ti jnaclejetic yu'une, muc'tic ta j'ech'el, natiquil viniquetic ti co'ol s'elan jech c'u cha'al snitilultac ti inate' vinic Anaque, ti xana'ic lec ti xi ta x'albat ti sc'oplalique: ‘¿Buch'u ono'ox la xu' yu'un ta stic' sba ta stsalel snitilultac ti inate' vinic Anaque?’

Josué 10:36

Loq'uic batel ta jteclum Eglón. Laj stam batel sbeic ta jteclum Hebrón ti laj stsaquic ta letoe.

Josué 21:13

Ma'uc no'ox ac'batic Hebrón ti c'otem ta pojobbail jteclum yu'unic ti buch'u milvanique, xi s'elan xcholet ac'bat yich'ic snitilultac ti pale Aarón jech c'u cha'al li'e: ti Libnae, ti Jatire, ti Estemoae, ti Holone, ti Debire, ti Aine, ti Jutae, xchi'uc ti Bet-semese. Yu'un ti balunchop (9) jteclumetic taje, oy lec jamal yaxaltic yu'un sventa sve'eb ti chon bolometique.

Jueces 1:10

Bat stsaquic ta leto xtoc ti cananeoetic ti oyic ta jteclum Hebrone, ti ja' Quiriat-arba sbi to ox ta ba'yele. Tey laj stsalic ti Sesaie, ti Ahimane, xchi'uc ti Talmaie.

1 Samuel 30:31

ti oyic ta Hebrone, xchi'uc ta scotol ti bu laj ech'uc xchi'uc ti svinictaque.