Números 13:21 - Bible in Tzotzil de Chamula

²¹ Ti viniquetique batic, lic smucul chajic ta q'uelel ti jteclume. Ech'ic ta sbajtical banomil yu'un Zin ti oy ta yolon ti yac'ol xocon sloq'ueb c'ac'ale, c'ot c'alal to ta Rehob ti oy ta yolon ti yolon xocon sloq'ueb c'ac'ale, ti snitoj sba xchi'uc ti ochebal yu'un ti Hamate.

Bible in Tzotzil de Chenalhó with Deuterocanon

²¹ Jech ibatic li viniquetique, la sq'uelic lec c'u x'elan li osile. Lic sq'uelic te ta xocol banamil ta Zin ta stuq'uil sur, c'alal to ta Rehob ta stuq'uil norte ti nopol yiloj sba xchi'uc bu x'och sbelal Hamate.

Números 13:21 Iomraidhean Croise

2 Samuel 8:9

Ja'uc ti Toi ti ja' ajvalil yu'un ti lum Hamate, ti c'alal ya'ibe sc'oplal ti David ti laj xa stsalbe yajsoldadotac ti Hadad-ezere,

Jeremías 49:23

Xi ta x'albat sc'oplal ti Damascoe: “Ti jnaclejetic ta Hamate xchi'uc ta Arfade, nijilic c'otic ta ic'al q'uexlal, yu'un xi'el yaloj ti lo'il a'yej c'ot ta stojolique. Bat xch'ulelic yu'un ti xi'ele. Nom c'ot ti mu'yuc c'usi sna'ique.

Jeremías 52:9

C'alal laj staic ta stsaquel ti ajvalile, ti caldeoetique laj yiq'uic batel ta stojol ti ajvalil yu'un ti jteclum Babilonia ti oy ta jteclum Riblae, ta yosilal ti Hamate. Ti bu taje, chapbat sc'oplal ti Sedequías yu'un ti Nabucodonosore.

Ezequiel 47:16

ta Berotá, ta Sibraim, (ti sts'aquinoj sbaic xchi'uc sti'il yosil ti Damascoe, xchi'uc ti Hamate). Ta x'ech' ta jteclum Hasar-haticón (ti sts'aquinoj sba xchi'uc yosilal ti Haurane).

Amós 6:2

Batan avilic ta jteclum Calnee, q'uelic ti c'u s'elan ta xc'ot ta pasel ti bu taje. Ech'anic avilic ti bu ti muc' ta jteclum Hamate. Yalanic ech'el xtoc ta Gat ti oy ta yosilal filisteoetique. ¿Mi yu'un ta xanopic xana' ti toj lec oyoxuc ti vo'oxuque, ti ja' mu sta slequilic ti jteclumetic taje? ¿Mi yu'un ja' x'ech' to yutsil ti ateclumalique, ti ja' mu sta ti jteclumetic taje?

Números 20:1

Ti sliquebal u yu'un ti jabile, ti israeletique c'otic ta sbajtical banomil yu'un Zin, comic c'uc sjaliluc ta Cades. Ti bu taje, cham ti Mariae. Laj yich' muquel ti bu taje.

Números 27:14

Yu'un achibalic ti vo'oxuque laj abajic ti jmantal ta sbajtical banomil yu'un Zin ti c'alal laj stsaquicun ta c'op ti jteclume. Mu'yuc xavaq'uicun ta ich'el ta muc' ti c'alal laj sc'anic ti vo'e. (Ti va'i s'elan taje, ja' sc'oplal ti sat vo' Meriba sbie ti oy ta Cades ta sbajtical banomil yu'un ti Zine.)

Números 33:36

Loq'uic ech'el ta Ezión-geber, c'ot slaman sbaic ta sbajtical banomil yu'un Zin, ti lec xcaltique, ja' Cades.

Números 34:8

Ti ta xlic batel ta vits yu'un ti Hore, ta xc'ot c'alal to ochebal yu'un ti Hamate. Ta x'ech' c'alal to ta Zedade.

Deuteronomio 1:24

ti laj stam batel sbeic ta stuq'uil ti muc' ta vitstique. C'otic c'alal to ta stenlejal yu'un Escol. Laj xaniic scotol ti banomil taje.

Deuteronomio 32:51

Yu'un ti vo'oxuc achibalique mu'yuc lec laj apas abaic ta jtojol ti laj yil ta sba ta sat ti israeletic ti c'alal oyoxuc ta Meriba-cades ta sts'el vo' ti oy ta sbajtical banomil yu'un ti Zine. Yu'un mi ja'uc laj anijan achiman abaic ta yich'elun ta muc' ta sba ta sat ti stuquique.

Josué 13:5

Sc'an to xtoc yosilalic ti giblitaetique, xchi'uc scotol ti Líbanoe ti oy ta yeloval sloq'ueb c'ac'ale, ti ta xlic ech'el ta Baal-gade, ti oy ta yoc vits Hermone, c'alal to ochebal yu'un ti jteclum Hamate.

Josué 15:1

Ti bu c'ot yorail yu'unic ti laj yich'ic yosilic ti jvoc' ta jujuchop snitilultac ti Judae, c'ot c'alal to sts'aquil yosil Edom. Ta stuq'uil yolon ti yac'ol xocon smaleb c'ac'ale, c'ot c'alal to sbajtical banomil yu'un Zin.

Jueces 18:28

Ti jech nom xil sbaic xchi'uc Sidon ti jteclum taje, ti slecoj svoc'oj sbaique, mu'yuc buch'u tal stic' sba ta spojelic. Yu'un oyic ta stenlej yu'un ti Bet-rehobe. Ts'acal to un, ti danitaetique lic xcha'meltsanic ti jteclume, lic naquiicuc.