Números 13:2 - Bible in Tzotzil de Chamula

² “Taco batel jun chibuc viniquetic ta smucul xchajel ta q'uelel yosilal ti Canaane, ti ta xcac'be yu'ninic ti israeletique. Ti ta jujuvoc' nitilulile, taco batel jujunuc vinic yu'unic ti yich'oj yabtelique.”

Bible in Tzotzil de Chenalhó with Deuterocanon

² “Taco batel jayibuc viniquetic yu'un ac'o bat sq'uelic tal c'u x'elan li osil te ta Canaán ti chcac'be yich'ic li achi'iltac ta israelale. Taco batel jujun vinic ta jujuchop achi'iltac, ja' xatac batel li boch'otic oy yabtelic ta stojol achi'iltaquique”, xi.

Números 13:2 Iomraidhean Croise

Éxodo 18:25

Va'i un, lic st'uj viniquetic ti oy sbijilic ta sbainel ti Israele. Laj yac'anbe yich' yabtelic yo' ta sbainic jvoc'uc ta jmil (1,000) ta vo', jvoc'uc ta vo'vinic (100) ta vo', jvoc'uc ta lajuneb yo'vinic (50) ta vo', jvoc'uc ta lajunvo' (10).

Números 1:4

Va'ano jujun jtsobvanej yu'unic ti jujuvoc' ti totil me'iletique.

Números 11:16

Va'i un, xi tac'bat yu'un ti Diose: —Tsobo talel ti lajuneb xchanvinic (70) ta vo' moletic yu'unic ti israeletique, ti buch'utic xana' ti yich'oj tsots yabtelic ta stojol ti jteclume. Ic'o batel ta Axibalna ti bu nupel ta bee. Xamalavanic xchi'uc.

Números 13:16

Ja' jech sbiic ti viniquetic ti tacatic batel yu'un ti Moisés ta smucul xchajel ta q'uelel ti jteclume. Ti Oseas xnich'on ti Nune laj yich' jelbel sbi, Josué laj yac'be sbiin.

Números 13:3

Va'i un, ti Moisés, ta sbajtical to banomil yu'un Parán, laj stac batel viniquetic jech c'u cha'al albat yu'un ti Diose. Scotolic ja' viniquetic ti yich'oj yabtelic ta stojol ti israeletique.

Números 32:8

Ti va'i s'elan ta xapasique, ja' ono'ox jech laj spasic ti atotic ame'ic ti c'alal laj jtac jelavel ta smucul xchajel ta sq'uelel ti banomil ti c'alal oyic to ox ta Cades-barneae.

Números 34:18

Ja' jech xtoc ta xava'anic jujunuc banquilaletic yu'un ti jujuvoc' nitiluletique yo' jech ta xich' xch'aquel ti banomile.

Deuteronomio 1:15

“Va'i un, laj quic'an talel ti viniquetic ta jujuvoc' anitilulique, ti jamal sba satique, ti lec sna'ic snopel razone. Laj cac'be yich' yabtelic ta sbaineloxuc. Yu'un oy jlom laj cac'be sbain jmil (1,000) ta vo' viniquetic. Yu'un oy jlom laj cac'be sbain vo'vinic (100) ta vo' viniquetic. Yu'un oy jlom laj cac'be sbain lajuneb yoxvinic (50) ta vo' viniquetic. Yu'un oy jlom laj cac'be sbain lajunvo' (10) viniquetic. Yu'un oy jlom laj jva'an ta ajvaliletic yo' ta sventainic ti jujuvoc' nitiluletique.

Deuteronomio 9:23

C'alal laj yalboxuc mantal ti Dios ta Cades-barneae, ti loc'anic ech'el ta yu'ninel ti lum ti bu yaloj ta xayac'boxuque, laj ono'ox abajbeic ti smantale. Mi ja'uc laj apat avo'ntonic ta stojol. Mi ja'uc laj ach'unic.

Josué 3:12

Jech o xal tana un, t'ujic lajcha'vo' (12) viniquetic ti jujun ta xloq'uic talel ta xlajcha'voc'al snitilultac ti Israele.