Números 13:17 - Bible in Tzotzil de Chamula

¹⁷ Ti Moisese xi laj yalbe ti viniquetic ti c'alal laj stac ech'el ta smucul xchajel ta q'uelel yosilal ti Canaáne: —Ta Néguev xatamic ochel, muyanic batel ta toyol vitstic.

Bible in Tzotzil de Chenalhó with Deuterocanon

¹⁷ Li Moisese, la stac batel ta sq'uelel li Canaán banamile. Jech laj yalbe batel: —Batanic te ta Néguev, te xamuyic batel ta vitsetic.

Números 13:17 Iomraidhean Croise

Génesis 12:9

Ts'acal to un, laj stam batel sbe ta c'un-c'un ta yosilal Néguev.

Génesis 13:1

C'alal loc' batel ta Egipto ti Abram xchi'uc ti yajnile, xchi'uc scotol ti c'usi x'ayan yu'une, sutic batel ta yosilal Néguev.

Génesis 13:17

Soban, xanio ava'i c'u snatil, c'u sjamlej ti banomil ti vu'un ta xcac'bote.”

Génesis 13:3

C'un-c'un loq'uic batel ta Néguev banomil, ja' to c'uxi c'otic ta jteclum Betele. Ti teye, bat bu to ox naqui ta ba'yel ti oy ta o'lol yu'unic ti Betel xchi'uc ti Haie.

Génesis 14:10

Ti ta scotol ti stenlejal Sidime, oy ep sjoc'al bats'i asfalto. Jech o xal un, c'alal ta ox xjatavic batel ti ajvaliletic yu'un jteclum Sodoma xchi'uc ti Gomorrae, oy jlom laj bajicuc yalel ta joq'uetic c'alal xyaquet ti letoe. Ti jlom ajvaliletique jatavic batel ta vitstic.

Números 13:18

Q'uelic lec c'u s'elan ti jteclume, mi tsatsaquil viniquetic ti jnaclejetic yu'une, mi ma'uc, mi epic, mi mo'oj.

Números 13:29

Ti ta yosilal Négueve, nacalic xtoc ti amalecitaetique. Ti ta stuq'uil vitstique, nacalic xtoc ti hititaetique, ti jebuseoetique, xchi'uc ti amorreoetique. Ja' jech xtoc ti ta ti' nabe, xchi'uc ti ta sti'il uc'um Jordane, nacalic ti cananeoetique.

Números 14:40

Ta yoc'omal un, sob xa liquic. Laj stam muyel sbeic ta toyol vitstic ti xi laj yalique: —¡Li' xa oyotique! Ba ochcutic xch'a ti bu loq'uem ta ye ti Dios ta xijyac'botique. Melel oy ti jmultique.

Deuteronomio 1:44

Va'i un, ti amorreoetic ti nacalic ta vitstic taj une, loq'uic talel, tal snupoxuc ta be ti co'ol to s'elan xchanul acov snutsojoxuc batele, ti tsalbil lac'otic yu'un ta Seire, c'alal to ta Horma.

Josué 10:40

Ti Josué une laj yu'ninan scotol lumetique. Laj tsal ti ajvaliletic ti nacalic ta vitstic ta Négueve, ta stenlejaltic, ta q'uixin osil. Scotol laj stubbe sts'unubal. Laj smil scotol. Mi juteb c'usi x'ayan com. Mi junuc oy buch'u cuxul com jech c'u cha'al laj yal mantal ti Ajvalil Dios yu'un ti israeletique.

Josué 15:3

Ts'acal to un, joybij ech'el ta yolon ti yac'ol xocon sloq'ueb c'ac'ale. Ech' batel ta stselej Acrabim. Ech' batel xtoc ta sbajtical banomil yu'un Zin, ti ech' ta yolon ti yac'ol xocon sloq'ueb c'ac'al yu'un ti Cades-barneae. Ts'acal to un, laj stam ech'el ta Hezrón. Tey ech' muyel ta Adar, ti joybij ech'el c'alal to stuq'uil Carcae.

Josué 2:1

Ta Sitim to, ti Josuee ta mucul laj stac batel cha'vo' jpa'ivanej jq'uel-osil viniquetic ti xi laj yalbe batele: “Batanic ta xchajel ta q'uelel yosilal ti jteclum Jericoe.” Ti stuquique batic, c'otic ta sna jun ants ti sna' sbolomalin sba ti Rahab sbi ti nacal ta Jericoe. Laj xch'amunbeic sna yo' ta x'ech' yu'unic ti ac'ubale.

Jueces 1:15

—C'uxubajuc to avo'nton cu'un —xi laj stac' ti tsebe—. Ti laj xa avac'bun ti banomil ta Négueve, ac'bun to xtoc ti yosilal sat vo'etique. Ti Calebe laj yac'be stseb ti sat vo'etic ti oy ta ac'ole, xchi'uc ti oy ta olone.

Jueces 1:19

Ti snitilultac ti Judae, ac'o mi sva'anoj sba ti Dios ta stojolic une, ti cuch yu'unic ta yu'ninel ti muc'tiquil vitstique, ja' xa mu'yuc xu' yu'unic ta stenel loq'uel ti buch'utic nacalic ta stenleje, yu'un naca taq'uin meltsanbil ti scarretaique.

Jueces 1:9

Bat no'ox stsaquic ta leto xtoc ti cananeoetic ti nacalic ta vitstic ti oy ta yosilal Négueve xchi'uc ti oy ta stenlejale.