Números 13:16 - Bible in Tzotzil de Chamula

¹⁶ Ja' jech sbiic ti viniquetic ti tacatic batel yu'un ti Moisés ta smucul xchajel ta q'uelel ti jteclume. Ti Oseas xnich'on ti Nune laj yich' jelbel sbi, Josué laj yac'be sbiin.

Bible in Tzotzil de Chenalhó with Deuterocanon

¹⁶ Scotol le'e ja' itacatic batel yu'un Moisés yu'un bat sq'uelic c'u x'elan li banamile. Li Oseas, xnich'on Nune, la sjel li sbie, ja' xa Josué ic'ot sbi.

Números 13:16 Iomraidhean Croise

Éxodo 17:9

Va'i un, ti Moisese xi laj yalbe ti Josuee: —T'ujo c'uc yepal viniquetic. Loc'anic batel ta stsaquel ta leto ya'iic ti amalecitaetique. Yu'un sob oc'om, oyun ta jol vits xchi'uc svaxton ti Dios ti oy ta coc ta jc'obe.

Oseas 1:1

Ti li'e, ja' jech s'elan c'oponat talel yu'un Dios ti Osease, xnich'on ti Beerie, c'alal yorail ti tiq'uilic ta ajvalilal ta jteclum Judá ti Uzíase, ti Jotame, ti Acaze, xchi'uc ti Ezequíase. Yan ti Jeroboame, xnich'on ti Joase, ja' o tiq'uil ta ajvalil ta jteclum Israel.

Números 13:15

Ta sventa ti jvoc' snitilul ti Gade, ja' ti Gueuel xnich'on ti Maquie.

Números 13:2

“Taco batel jun chibuc viniquetic ta smucul xchajel ta q'uelel yosilal ti Canaane, ti ta xcac'be yu'ninic ti israeletique. Ti ta jujuvoc' nitilulile, taco batel jujunuc vinic yu'unic ti yich'oj yabtelique.”

Números 13:8

Ta sventa ti jvoc' snitilul ti Efraine, ja' ti Oseas xnich'on ti Nune.

Números 14:30

Mi junuc ta xa'ochic batel ta banomil ti laj calboxuc ta jamal ti ta xacac'beique. Ja' no'ox ta x'ochic batel ti Calebe xchi'uc ti Josuee.

Números 14:6

Jech xtoc ti Josuee, ti Calebe, ti ja'ic ti buch'utic ay smucul xchajic ta q'uelel ti jteclume, laj xch'i'ic ta jatel ti sc'u'ique, svinajeb ti c'ux ta xa'i ti svocolique.

Números 27:18

Ti Diose xi laj stac'be ti Moisese: —Ti Josuee, xnich'on ti Nune, ja' jun vinic ti oy sbijile. Ic'o talel, cajano ac'ob ta sjol.

Hechos 7:45

C'alal oy ta sc'obic ti jmolmuc'totic une, xcholet tun talel yu'unic xchi'uc ti buch'u laj xchi'inic talel ti Josuee. Laj yich'ic talel ti ch'ulna ti meltsanbil ta nucul c'alal laj stsalic ti jyanlumetic li' to ox oyic ta jlumaltic ti laj yilic ta sba ta satic ti jipatic loq'uel yu'un ti Diose, yo' ta x'och nacliicuc ti stuquique. Ja' jech s'elan xcholet laj sventainic talel ti jmolmuc'totique, ja' to c'alal sta yorail och ta ajvalil ti Davide.

Romanos 9:25

jech c'u cha'al ti xi ta xal ti ts'ibabil ta jpoc vun yu'un ti Osease: “Ti buch'u ma'uc to ox jteclumale, laj jbis ta jteclumal. Ti buch'u mu'yuc to ox staojic ti c'uxubinele, laj staic c'uxubinel.”

Deuteronomio 32:44

Va'i un, ti Moisese xchi'uc ti Josué xnich'on ti Nunee, lic sva'an sba ta yalel scotol ti c'usitic ts'ibabil ta sventa q'uejimol ta sba ta sat scotol ti lume.

Hebreos 4:8

Ti yu'unuc ta sventa Josué ti laj xcux yo'nton ti israeletique, mi ja'uc laj yal ti Dios ti oy to yan c'ac'ale.