Números 12:6 - Bible in Tzotzil de Chamula

⁶ xi albatic yu'un ti Diose: “A'yio ava'iic ti xi ta xcalboxuque: C'alal oy jun j'alc'op ti vu'un ta jva'an ta atojolique, jchop o ti c'u s'elan ta xcac' jba iluc ta stojole, xchi'uc ta jc'opon ta xvaich.

Bible in Tzotzil de Chenalhó with Deuterocanon

⁶ li Muc'ul Diose jech laj yalbe: “A'yo ava'yic c'usi ta xcal: C'alal oy jt'ujoj jun caj'alc'op ta atojolique, vu'un ta jc'opan ta xch'ulel, o ta xvayechic, yu'un ta xcalbeic li c'usi oy ta co'ntone.

Números 12:6 Iomraidhean Croise

Génesis 15:1

C'alal laj ti va'i s'elan taj une, ti Abrame ta jech to yepal jam sba sat, ja' o xi albat yu'un ti Diose: —Mu xaxi', Abram, yu'un vu'un avajpojobbailun. Yu'un ti matanal ti oy sc'oplal ta xc'ot ta atojole, mu xa ono'ox albajuc yepal ta xbat.

Génesis 20:7

Ja'uc avi tana le' une, ac'bo sutel yajnil ti vinique, yu'un ja' jun j'alc'op ti stuque. Ta xc'opoj xti'in ta sc'anel vocol ta jtojol yo' jech ta to xach'i xac'opoj. Yan mi mu xavac'be sutel ti yajnile, ti vo'ote xchi'uc ti c'u yepal achi'uc ta nacleje, j'ech'el ta xachamic.”

Génesis 28:12

Ti bu taje, lic vaichinajuc. Laj yil jun tec'obal ti quiquil ta banomil ti c'otem to c'alal vinajele, ti xyal xmuy yaj'ánjeltac ti Dios laj yile.

Génesis 28:16

C'alal vul xch'ulel Jacob ti jech vayeme, xi lic snope: “Ta melel ti bu oyune, li' oy ti Diose. Mi ja'uc laj jna'.”

Génesis 37:5

Oy bu vaichinaj ti Josee. Ja' yu'un un, laj yalbe ya'i ti sbanquiltaque. Ja' no'ox un, ti stuquique cap sjolic, lic scontrainic ta j'ech'el.

Génesis 37:9

Laj taj une, laj to yil yan xvaich ta ts'acal ti Josee. Ja' yu'un un, xi laj yalbe ya'i ti sbanquiltaque: —¿Mi xana'ic, livaichinaj no'ox xtoc? Laj quil ta jvaich ti c'ac'ale, ti ue, xchi'uc buluchbej c'anal ti laj snijan sbaic ta yich'elun ta muq'ue.

Génesis 46:2

Ja' o ta yac'ubalil, ti Israele jam sba sat laj yil c'oponat talel yu'un Dios ti biiltasat ta sbi Jacobe. Jech ti stuque xi laj staq'ue: —¿C'usi ta xaval?

2 Samuel 7:4

Ta yac'ubalil no'ox un, ti Diose bat ta stojol Natán ti xi laj yalbe ya'ie:

1 Reyes 3:15

C'alal julave, ti Salomone laj sna' ti ja' jun vaichile. C'alal c'ot ta Jerusalene, bat ti bu oy xcaxail strate ti Diose. Lic yac' chic'bil matanaletic, xchi'uc milbil matanaletic ta sventa ti lajesobil o'ntonale. Ts'acal to un, lic yac' ve'lil ta stojol ti yaj'opisialtaque.

1 Reyes 3:5

Ti ta Gabaone, oy jun ac'ubal ti laj yac' sba iluc ti Dios ta xvaich ti Salomone, ti xi albate: “Ti C'usiuc no'ox yatel avo'ntone, c'anbun, ta xcac'bot.”

Job 33:15

Oy bu ta xc'ot ta pasel yu'un ta ac'ubaltic, ta vaichil, mi ta sjamel ba satil ta yilel ti oy c'usi ta xac' iluque, mi c'alal ta xlic vayicuc ti viniquetique, mi c'alal batem xch'ulelic ta vayele.

Job 4:13

Ta ac'ubaltic, c'alal lamal ta vayel ti viniquetique, toj xi'bal sba ti laj quil ta jvaiche.

Salmos 105:15

“Mu xayales avoc ac'obic ta stojol ti buch'u t'ujbilic cu'une, mi ja'uc xavilbajinic ti caj'alc'optac une.”

Salmos 89:19

Le' talel ta vo'nee, xi s'elan laj avac'be yilic ti laj ac'oponan ti avajtuneltac ti buch'u oy slequil ti sjol yo'ntone: “Laj xa jt'uj jun vinic ta stojol ti jlumale, mu sna' xi', tsots yo'nton; laj xa cac'be ta toyol ti sc'oplale, xchi'uc laj xa jcolta.

Éxodo 7:1

Va'i un, ti Diose xi laj yalbe ti Moisese: —A'yio ava'i, ta xcac' que jti' ta jva'anot ta jq'uexol ti oy c'usi ta xapasbun ta stojol ti faraone. Jech ti achi'il ta voq'uel Aarone, ja' ta xc'opoj ta aventa.

Jeremías 23:25

“Ca'binoj c'u s'elan ta sjutic c'op ta xc'opojic ta sventa yalojic ti j'alc'opetic taje, ti ta xalic ti laj jc'oponic ta xvaichique.

Jeremías 23:28

Mi oy c'usi laj yil ta xvaich ti j'alc'ope, ac'o yal. Mi ta xch'amunbat ye ta yalel ti jc'ope, ta slequiluc yutsiluc yo'nton, ac'o yal. Yu'un ti jc'ope, mu stac' co'oltasel jech c'u cha'al junuc jol trigo xchi'uc ti yacane.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Daniel 10:8

Yu'un jch'ulel-tuc xa licom ti c'u s'elan mu no'ox albajuc c'usi laj quil ti c'alal jam ti jba jsate. Sac pac'an xa licom yu'un ta j'ech'el. Jutuc xa ma' ti mu lilom ta lum yu'un laj ca'ie.

Daniel 2:19

Ti jech ac'ubal taje, ti Daniele jam ti sba sate. Ac'bat yil ti c'usi mucul ti mu xvinaje. C'alal jech ac'bat yile, laj slequil-c'opta ti Dios ti oy ta vinajele.

Daniel 7:1

Oy jun ac'ubal, ti c'alal ja' to ox sliqueb jabil yochel ta ajvalil ta Babilonia ti Belsasare, jech ti Daniele vaichinaj ti oy c'usi ac'bat yil ti c'alal jam ti sba sate. C'alal julave, lic sbejan ta vun ti jaytos tsotsic sc'oplal ti c'usi laj svaichintae. Ti c'usi laj sbejan ta vune, jech c'u cha'al li'e:

Daniel 8:2

Ti c'usi laj quil ti c'alal jam ti jba jsate, co'ol s'elan tey oyun ta jteclum Susa yilel ti oy ta yosilal ti Elame, ta sti'il uc'um ti Ulai sbie.

Oseas 12:11

Ti ta jteclum Galaade, oy epal diosetic liquem yu'unic. C'u stu un, naca jeche' va'anbil diosetic. Ti ta Gilgale, ta xaq'uic ta matanal ti milbil tot vacaxe, co'ol s'elan epal lats tonetic ti altaretic yu'unique, ti cholol no'ox yu'unic ti ta osiltique.”

Joel 3:1

Xi ta xal ti Diose: “C'alal ta xc'ot yorail ti va'i s'elan taje, ta xc'ot ta pasel cu'un ti ta jelbe ta stojolic ti chopol yorail yu'unic ti Judae xchi'uc ti jteclum Jerusalene.

Zacarías 1:8

Oy jun ac'ubal ti xi s'elan li'ac'bat quil ti jam ti jba jsat ta yilele: Laj quil ti oy buch'u cajal ta jcot tsajal ca' ti cotol ta jun stenlejaltic ti sucul ta yut te'tic ti sbiinoj arrayanetique. Ti xjelav ech'el ta spat xtoque, oy jtsop ca'etic ti ja' tsojique, ti ja' ic' pojan sba stsajale, ti saquic ta q'uelele.

Números 24:4

C'alal ta xbat ti xch'ulele, x'ech' to xvinaj ti c'usi ta sta ta q'uelel talele, ep ti c'usi ta x'ac'bat sna'e, oy c'usi jchop o ta x'ac'bat yil ta sventa ti Dios ti scotol xu' yu'une.

San Mateo 1:20

C'alal jech ta snope, tal jun yaj'ánjel Dios ti xi tal albatuc laj yil ta svaiche: —José, snitilul ajvalil David, mu xlo'ilaj avo'nton yu'un ti Mariae, ic'o. Ti yol xchi'uque, ja' ta sventa smuc'ul stsatsal ti Ch'ul Espiritue.

San Mateo 2:19

C'alal chamem xa ox ti Herodese, tal jun yaj'ánjel ti Diose, ti xi laj yalbe ta xvaich ti José ta Egiptoe:

San Mateo 23:31

Ti jech ta xavalique, laj avinajes abaic ti ja' snitiluloxuc ti buch'utic laj smilic ti j'alc'opetique.

San Mateo 23:34

Ta jtac talel ta atojolic un ti j'alc'opetique, ti jchanubtasvanejetique, ti bijil viniquetique. Ti vo'oxuc une ta xamilic, ta xajipanic ta curus jlomuc. Ti jlome, ta xamajic ta jujun ch'ul na avu'unic, nutsbil avu'unic ta jujun jteclum.

San Mateo 23:37

“Jerusalén, Jerusalén, ta xamilic ti j'alc'opetique, ta xalombeic ton ti buch'utic tacbilic tal yu'un ti Diose. Ep ta velta ti co'ntonuc ca'i jtsoboxuc jech chac c'u cha'al ti me' alac' ta stsob ti yalab ta yolon xiq'ue. Mu jset'uc xac'anic.

San Mateo 27:19

C'alal chotol ti ajvalil ti bu ta xchapanvane, laj stac talel mantal ti yajnil ti xi laj yale: “Mu xatic' aba ta smilel ti jun lequil vinic le'e. Ech'em chopol livaichinaj ta ac'ubaltic ta sventa ti vinique.”

San Lucas 1:11

Ti Zacariase ja' o laj yil va'al jun yaj'ánjel Dios ta xocon altar ta xchic'obil pom ti oy ta stuq'uil bats'i c'obe.

San Lucas 1:22

Ta sjalil un, loc' talel, mu xa stac' xc'opoj ta stojolic. Va'i un, laj sna'ic ti oy c'usi laj sta ta ilel ta yut ch'ulnae. Ja' no'ox ta spasolan senyail ta sc'ob yu'un pasem xa ta uma' loc' talel.

San Lucas 20:6

Mi ta xcaltic ti ja' tacbil talel yu'un ti viniquetique, xu' ta xismilotic ta ton scotol ti jnaclejetique, yu'un sna'ojic lec ti c'opoj ta sventa Dios ti Juane.”

Hechos 10:11

Laj yil ti jam ti vinajele. Jun to muc' ta manta s'elan xlich'et yalel talel ta banomil, ti chucajtic xchanjotal ti sba sni'taque.

Hechos 10:17

C'alal ch'ayal yo'nton ti Pedro ta snopilanel c'usi xal o ti c'usi laj yile, ja' o c'otic ta ti'na svinictac ti Cornelioe, ti laj sjac'olanic talel sna ti Simone.

Efesios 4:11

Jel tos laj yac'anbe sbijil ta jujun tal. Yu'un oy jlom laj yac'be sbijil yo' jech ta x'och ta jcholc'op. Oy jlom laj yac'be sbijil ta yalel ti c'usi ta x'ac'bat sna'ic yu'un ti Diose. Oy jlom laj yac'be sbijil ta yalel ti lequil ach' c'ope. Oy jlom laj yac'be sbijil yo' ta x'och ta sbainel jch'unolajeletic xchi'uc jchanubtasvanejetic.

Deuteronomio 18:15

“Ti Ajvalil Dios avu'unique, ta xc'ot ta pasel yu'un ti ta xvul ta loq'uel jun j'alc'op ta atojolic jech c'u cha'al ti vu'une, ti tsots sc'oplal ich'bil ta muc' ta xc'ot avu'unique.

Deuteronomio 18:18

jech ta xc'ot ta pasel cu'un ti ta xvul ta loq'uel jun j'alc'op ta stojolic jech c'u cha'al ti vo'ote, ti ja' junuc svinquilel sbaique, yo' jech ta x'albat ya'iic ti c'usi ta xcale.

Hebreos 1:1

Ti ta vo'nee, ep ta velta, ep ta tos, ti c'u s'elan c'opoj ti Dios ta stojol ti jmolmuc'totic ta sventa ti j'alc'opetique.

Apocalipsis 11:10

Ti jech cham lajique, xlaet to ta xa'i ma' ti jnaclejetic ta banomile. Mu'yuc xa c'usi x'ech' o ta xa'i ti muyubajele, ti xac'anbe xa sbaic matanal ta jujun ta scoj ti mu x'ech' xjelav svocolic laj ya'iic yu'un ti cha'vo' j'alc'opetique.

Apocalipsis 11:3

Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”

1 Samuel 28:6

Va'i un, lic sjac'be Dios ti c'usi xu' ta spase. C'u stu un, mu'yuc c'usi xtac'bat yu'un ti Diose, mi ja'uc ta vaichil, mi ja'uc ta sventa ti Urime, mi ja'uc ta sventa ti j'alc'opetique.

1 Samuel 3:15

Laj taj une, jech ti Samuele bat vayuc, ja' to ti c'uxi sacub ta yoc'omale, lic sjam sti'tac xch'ulna ti Diose. Ti c'usi laj yil ti jambat sba sat ti Samuele, ta xi' ta yalbel ti Elie.

1 Samuel 3:21

Ja'uc ti Diose lic xcha'ac' sba iluc ta Siloe, yu'un ja' to tey ta svinajes ti sc'op ta stojol ti Samuel ti bu taje.