Números 12:13 - Bible in Tzotzil de Chamula

¹³ Va'i un, ti Moisese xi xvocolet laj yalbe ti Diose: “Avocoluc, Ch'ul Dios, ta jc'anbot ti abolajan ta xpoxtaele.”

Bible in Tzotzil de Chenalhó with Deuterocanon

¹³ Ja' yu'un li Moisese lic sc'anbe vocol li Diose, jech laj yalbe: “Dios cu'un, avocoluc coltao ta sventa li xchamele”, xi.

Números 12:13 Iomraidhean Croise

Génesis 20:17

Jech ti Abrahame lic sta ta c'oponel ti Diose. Jech ti Dios xtoque laj scoles ti Abimeleque xchi'uc ti yajnile. Ja' jech xtoc laj scolesbe ti sme' mosovtaque yo' jech xu' ta xlic alajicuc.

1 Reyes 13:6

Va'i un, ti ajvalile xi laj yal ti nopaj ech'el ta stojol ti j'alc'ope: —Avocoluc, c'opono ta jventa ti Ajvalil Dios avu'une yo' jech ta xpoxtaj ti jc'obe. Ti j'alc'ope laj sc'anbe vocol ti Diose. Sc'ob ti ajvalile poxtaj. Laj sta yav jech c'u cha'al ta ba'yele.

Salmos 30:2

Cajval Dios, laj jc'anbot ti coltael une, c'ot ta pasel ti licol avu'une.

Salmos 41:4

Xichi laj cal une: “C'uxubajuc avo'nton ta jtojol un, Dios, colesun, manchuc mi jun spimil ti jmul jtaoj ta atojol une.”

Éxodo 15:26

Xi albatique: “Mi ta xats'etan lec achiquinic ta ya'yiel ti c'usi ta xcal ti vu'un Ajvalil Diosun avu'unique, mi ja' ta xapasic ti c'usi lec ta xquile, mi ta xc'ot ta ch'unel avu'unic ti jmantaltaque, mi ta xc'ot ta pasel avu'unic ti oy c'usi tsots sc'oplal albil cu'une, mu'yuc ta jtac talel jtosuc ta atojolic ti c'usi chopol jech c'u cha'al laj jpas ta stojol ti egipcioetique. Yu'un vu'un jpoxtavanejun, jcoltavanejun, ti Ajvalil Diosun avu'unique.”

Éxodo 4:7

Laj taj une, xi albat yu'un ti Diose: —Tic'o ochel yan velta ac'ob ta yut ac'u'. Jech laj spas ti Moisese. C'alal laj sloq'ues ti sc'ob yan veltae, lec xa oy. Ch'abal xa xchamel jech c'u cha'al ti sjunul sbec'tale.

Isaías 30:26

Ti Dios une ta xpoxtabe ta xpixbe syayijemalic ti steclumale. Va'i un, ta xc'ot ta pasel ti xchijlajan no'ox xojobal ti u jech c'u cha'al xojobal ti c'ac'ale. Vucub to velta ta xjelav yip xojobal ti c'ac'ale, ti co'ol to s'elan oy vucbej c'ac'al ti jmoj svoloj sbaique.

Jeremías 17:14

Colesun, Cajval, yo' ta xpoxtaj ti jvocole. Tic'o aba ta jpojel yo' jech ta xicol. Atuc xa no'ox ta jlequil-c'optaot unbi.

Números 11:2

Ti jteclume x'avlajetic xa laj sc'anic coltael yu'un ti Moisese. Jech ti Moisese laj sc'anbe vocol ti Dios ta sventaique. Jech ti c'oq'ue tub.

Números 12:12

Mu xavac' ave ti jech ta xcom jech c'u cha'al junuc olol ti chamem xa ti c'alal mu to xvoc' talele, ti xlo'et xa snuculil ta xvul ta banomile.”

Números 14:2

Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Números 16:41

Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!

San Lucas 23:34

Xi laj yal ti Jesús ti c'alal jipil ta curus yu'unique: —Tot, ch'aybo smul scolo', yu'un mu sna'ic ti c'usi ta spasique. Ti soldadoetique lic sq'uelic yorail yu'unic yo' ta xvinaj buch'u junucal ta xich'beic sc'u' ti Jesuse.

San Lucas 6:28

C'anbeic slequil Dios ta stojol ti buch'u ta xasbisic ta cotol chavale. C'oponbeic Dios ta stojol ti buch'u ta xayilbajinoxuque.

Hechos 7:60

Laj taj une, laj squejan sba, tsots lic avanuc ti xi laj yale: —Cajval, mu xavac' ta venta ti mulil li'e. C'alal jech laj yale, cham.

Romanos 12:21

Mu xavac' abaic ta tsalel yu'un ti c'usi chopole. Ja' lec tsalic ti c'usi chopol ta sventa ti c'usi lec ta xapasique.

Santiago 5:15

Mi c'otem ta avo'ntonic ta sva'an sba ti Cajvaltic c'alal ta xac'opoj xati'inique, ta xcol ti jchamele, ta xtoye liquel yu'un ti Cajvaltique. Mi oy bu staoj smule, ta xch'aybat.

1 Samuel 12:23

Dios ac'o sva'an sba ta jtojol yo' jech mu xc'ot ta pasel ta jta jmul ta stojol ti ta xquicta jba ta sc'anbel vocol ta atojolique. Ja' lec ti c'otuc ta pasel ti ta jchanubtasoxuc ti c'usi stac' chiquintaele, ti lec ta pasele.

1 Samuel 15:11

—Ta jcha'na' ti laj jva'an ta ajvalilal ti Saule. Mu'yuc ta xc'ot ta pasel yu'un ti c'usi calojbee. Laj xch'ac sba ta jtojol. Mu xa x'ech' ta xa'i ti Samuele, ti sjunul ac'ubal xvocolet ta stojol ti Diose.