Números 12:10 - Bible in Tzotzil de Chamula

¹⁰ C'alal tots batel ti toc ta Axibalnae, ti Mariae bolol liquel ta c'a'emal chamel ti sac lo'an xa liquel ti snuculil ta sjunule. C'alal joybij ti Aaróne, toj c'otel ta sat ti bolol xa ta c'a'emal chamel ti Mariae.

Bible in Tzotzil de Chenalhó with Deuterocanon

¹⁰ C'alal inamaj xa'ox batel li toc te ta ti'na pasbil ta nucule, li Mariae tsacbil xa ta c'a'el chamel icom, jeche' saclo'an ibat li snuculile. C'alal ijoyij li Aarone, ja' to laj yil ti tsacbil xa ta c'a'el chamel li Mariae.

Números 12:10 Iomraidhean Croise

2 Reyes 15:5

Tsots ac'bat svocol ta c'a'emal chamel yu'un Dios ti ajvalile, ja' to ti c'uxi chame. Ti ajvalile mu'yuc xa bu xnaqui ta sna ti bu ti chapanobbaile. Laj yich' ich'bel ta yan ti yabtele, ja' laj yich' ti Jotam ti ja' xnich'one, ti lic sventain ti jteclume.

2 Reyes 5:27

Ja'uc le' une, sc'a'emal chamel ti Naamane, sbatel osil nabal ta xc'ot ta atojol xchi'uc ti anitilultaque. C'alal laj xch'ac sba batel ti Giezi ta stojol ti Eliseoe, co'ol xa s'elan bot sac lo'an ta q'uelel ti sbec'tale. Tsacbil xa ta c'a'emal ta j'ech'el.

2 Reyes 7:3

C'alal jech syaquil taje, oy chanib jc'a'emal chameletic ti oyic ta ochebal sti'il jteclum ti xi lic yalbe sbaique: —¿C'usi ta jpastic ti li' no'ox chotolotic ca'binoj jbatic ta xijchamotique?

Éxodo 4:6

Avie, tic'o ochel ac'ob ta yut ac'u' ta sti' avo'nton. Ti Moisese laj stic' ochel sc'ob ta yut sc'u'. C'alal laj sloq'ues talele, laj yil sac lo'an xa jech c'u cha'al junuc bot, yu'un tsacbil xa ta c'a'emal chamel.

Oseas 9:12

Ac'o mi oy to bu ta xch'i yu'unic jujunticuc ti yalab xnich'nabique, ta jpojbeic, ti mu junuc ta xquictabeic comele. Mu xa ono'ox cha'bel un, c'alal mi laj jch'ac jba ta stojol ti jnaclejetique.”

Números 5:2

“Albo ya'i mantal ti israeletique ti ac'o sjipic loq'uel c'alal to sti'il jteclum scotol ti buch'utic ti c'usiuc no'ox chamelal ti ch'iem ta snuculilique, mi ja' ti buch'u oy c'usi xmalmun yu'unique, mi ja' ti buch'u laj soques sba xchi'uc ta scoj ti laj spic ti c'usi chamemique.

San Mateo 25:41

“Ti vu'un Ajvalilune xi ta jtac'beic ti buch'u oyic ta jts'et c'obe: ‘Ch'aco abaic loq'uel ta jtojol ti bisbiloxuc ta cotol chaval yu'un ti Diose. Sbatel osil, batanic ta c'oc' ti bu chapanbil ta sventa ti pucuje xchi'uc ti yaj'ánjeltaque.

Deuteronomio 24:9

Mu me xch'ay xava'iic ti c'usi laj spas ti Ajvalil Dios avu'unic ta stojol ti María ti c'alal laloq'uic talel ta Egiptoe.