Números 11:25 - Bible in Tzotzil de Chamula

²⁵ Va'i un, ti Diose yal talel ti oy ta toque. Lic c'opoj ta stojol ti Moisese. Laj stam loq'uel juteb sbijil ti Moisese. Laj yac'be jelavel ta stojolic ti lajuneb xchanvinic ta vo' moletique. Ti c'alal laj yich' ti sbijilique, co'ol s'elan j'alc'opetic lic c'opojicuc. Ja' no'ox ti mu teyuc no'ox xlic xcaj liquele.

Bible in Tzotzil de Chenalhó with Deuterocanon

²⁵ Jech li Muc'ul Diose iyal tal ta toc, tal sc'opan li Moisese. Xchi'uc laj yich'be jutuc li stsatsal yac'ojbee, ja' laj yac'be li lajuneb xchanvinic (70) banquilaletique. C'alal laj yich'ic li stsatsalique, lic c'opojicuc jech chac c'u cha'al j'alc'opetic. Pero li c'usi laj yalique, muc xa xcha'alic yan velta.

Números 11:25 Iomraidhean Croise

2 Reyes 2:15

Ti yan j'alc'opetic ti liquelic talel ta Jericó ti nopol va'alique, xi laj yalique: “¡Ti c'usi xu' yu'un ti Elías to oxe, ja' xa yich'oj ti Eliseo tana li'e!” Va'i un, bat snupic ta be. Laj squejan sbaic ta stojol,

Nehemías 9:20

Ma'uc no'ox taje, laj avac'be ti alequil bijil yo' jech ta xtojobtasatic, ti mi ja'uc mu x'och ta ye ta sti'ic ti maná ti laj atac talele. Laj avac'be yuch' ti vo'e yo' jech ta x'ech' yu'unic ti taqui ti'il yu'unique.

Salmos 99:7

Ta voletel toc to c'oponatic talel yu'un ti Diose; ti stuquic une, c'ot ta pasel yu'unic ti smantaltaque, ti oy c'usi jbel tsots albilique.

Éxodo 32:32

Avocoluc, ch'aybo ti smul scolo'ique. Yan ti mi mu xach'aybee, tubo ti jbi ti laj ats'iba ta jpoc vune.

Éxodo 34:5

Va'i un, ti Diose vul ta toc ti c'alal yal talele. Laj snup sbaic ta be xchi'uc ti Moisese. Laj svinajes ta jamal sbi ti stuc ta stojole.

Éxodo 40:38

Yu'un ti c'u sjalil snatil xanavic ti israeletique, yilojic ta sba ta sat scotolic xtoc ti toc yu'un ti Diose. Yu'un ti ta c'ac'altique, tey ono'ox oy ta sba ti Axibalnae. Yan ti ta ac'ubaltique, xtililet ono'ox ti c'oc' ta sbae.

Isaías 63:11

Lic svules ta sjolic c'u s'elan laj c'otuc ta pasel ta vo'ne, sc'oplal ti Moisés ti laj spoj ti steclumale, ti xi ta sjac'olanbe sbaique: “¿Bu oy ti Dios ti pojvan ta uc'um Niloe, ti laj spoj ti Moisés ti jq'uel-chij yu'une? ¿Bu oy ti Buch'u laj sjelubtas ech'el ti xch'ul bijil ta stojol ti Moisese?

Ezequiel 8:11

Tey oyic laj quil xtoc lajuneb xchanvinic (70) ta vo' ti moletic yu'unic ti israeletique. Ti c'u yepalic taje, tey capal ec ti Jaazanías ti ja' xnich'on ti Safane, ti ta snijan xchiman sbaic ta yich'el ta muc' ti loc'obbailetic taje. Scotolic taje stsacojanic jujun yav yac'alic ti co'ol s'elan lumal toc ti xtomet no'ox ta xmuy ti xch'ailal ti pome.

Números 11:17

Ta xiyal talel. Tey ta xa jc'oponot. Ta xquet'esbe jelavel ta stojolic j'o'loluc ti abijil ti avich'oje yo' jech ta xa scoltaot ta yiq'uel batel ti jteclum le'e. Va'i unbi, mu xa atucuc.

Números 12:5

Ja' yu'un un, yal talel ta jun pimil toc ti Diose. C'ot ta ochebal sti' ti Axibalnae. Ts'acal un, ic'atic batel ti Aarone, ti Mariae. Ti c'alal c'ot sva'an sbaique,

Números 16:25

Va'i un, ti Moisese va'i batel, ti tijlibil batel ti moletic yu'un ti israeletique. Batic ti bu oy ti Datane xchi'uc ti Abirame.

Números 24:2

Ti c'alal laj yil ti Balaam ti lamalic ta jujuvoc' ti Israele, tal uninatuc yu'un xcuxlejal ti Diose.

Números 27:18

Ti Diose xi laj stac'be ti Moisese: —Ti Josuee, xnich'on ti Nune, ja' jun vinic ti oy sbijile. Ic'o talel, cajano ac'ob ta sjol.

Hechos 11:28

Oy jun yu'unic ta scotolic ti sbiinoj Agaboe, ta sventa ti ventainbil yo'nton yu'un ti Ch'ul Espiritue, lic sva'an sba ta yalel ta stojol ti jch'unolajeletique, ti ta xtal muc' ta vi'nal ta sjunul ti banomile. Jech ono'ox c'ot ta pasel c'alal tiq'uil ta ajvalil ti Claudioe.

1 Corintios 14:32

Jech ti buch'u oy c'usi ta x'ac'bat sna' yu'un ti Diose, ac'o mi yo'ntonuc xa ya'i c'opojuc, ac'o smala ora.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.

2 Pedro 1:21

Yu'un ti j'alc'opetic ta vo'nee, ma'uc laj snop stuquic ti c'usi laj yalique, yu'un naca viniquetic t'ujbilic yu'un Dios ti coltabilic yu'un ti Ch'ul Espíritue. Jech o xal un, laj yalic ti c'op liquem talel ta stojol ti Diose.

Jueces 3:10

Ti Otoniele, vul ta stojol xcuxlejal ti Diose. Laj xchapan sbaic lec yu'un ti israeletique. Loc' batel ta ac'-leto ti tsalbil c'ot ta sventa Dios ti Cusan-risataim yu'une.

1 Samuel 10:10

Ts'acal to un, c'alal c'ot ti Saúl xchi'uc ti smosov ta Gabaae, nupatic ta be yu'un ti j'alc'opetic ti ch'ayem xch'ulelique. Va'i un, ti Saule, u'ninat yu'un xcuxlejal ti Diose. Lic ch'ayuc xch'ulel ta yalilanel c'op ec jech c'u cha'al ti j'alc'opetique.