Números 11:23 - Bible in Tzotzil de Chamula

²³ Va'i un, xi tac'bat yu'un ti Diose: —¿Mi ta xanop ti juteb no'ox ti jmuc'ul jtsatsale? Ti jech laj cal taje, ta xavil mi ta xc'ot ta pasel cu'un, mi mo'oj.

Bible in Tzotzil de Chenalhó with Deuterocanon

²³ Pero li Muc'ul Diose jech laj yal: —¿Me yu'un chanop ti jutuc no'ox jvu'ele? Tana tsc'an chaq'uel me chc'ot ta pasel li c'usi laj cale, o me mo'oj —xi li Muc'ul Diose.

Números 11:23 Iomraidhean Croise

Génesis 18:14

¿Mi yu'un la oy c'usi tsots ta xa'i ti mu xc'ot ta pasel yu'un ti Diose? Ta x'ech' jvu'lanot li' ta yan jabile. Va'i un, ti Sarae ta sta jun squerem ol.

2 Reyes 4:43

Ja'uc ti mosovil une xi laj staq'ue: —¿C'u ono'ox la xachi xana' ta xcac'be pan ti vo'vinic (100) ta vo' ti li' oyique? Ti Eliseo xi laj staq'ue: —Ac'bo ti c'u yepal li' oyique yo' jech ta sve'ic. Ti Diose laj xa yalbun ca'i ti ta to xcom scomelal ti c'u yepal ta sve'ique.

2 Reyes 7:2

Ti yajcoltaobba stuc ti ajvalile xi laj stac'be ti j'alc'ope: —Ac'o mi ta sjam talel sti' vinajel ti Diose, mi ja'uc ta xc'ot ta pasel ti va'i s'elan ta xavale. Ja'uc ti Eliseoe xi laj staq'ue: —Ma' taje, ta xavil ta aba ta asat, ti mu ja'uc xa ta xatun ta xalajes une.

Salmos 78:41

Lic no'ox slajeltsaic; laj yaq'uic ta at-o'nton ti Ch'ul Dios yu'un ti Israele.

Éxodo 6:1

Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Isaías 50:2

¿C'u cha'al ya'yel un ti c'alal livule, mu'yuc buch'u junuc laj jta? ¿C'u cha'al ya'yel un ti c'alal li'avtavane, mu'yuc buch'u laj stac'? ¿Mi tac'al c'ot avu'unic ti mu xu' cu'un spojele? ¿Mi tac'al c'ot avu'unic ti mu xa xc'ot ta pojel colel cu'une? Ta jbel no'ox jc'op, ta xc'ot ta taquijel cu'un ti muc' ta nabe, ti sts'ijlajan liquel ti banomil bu ta xanav ti uc'umetique, yo' jech ta xchamic ta taqui ti'il ti choyetique. Ta xlic c'a'icuc ti c'alal ch'abal ti vo'e.

Isaías 59:1

Ti smuc'ul stsatsal Diose, mu'yuc ch'ayem ti jelavem xu' yu'une. Ma'uc ta xcaltic ti mu xa xu' yu'un ta pojvaneje. Mu yu'unuc pas xa ta cocorix. Ma'uc ma' ti xcaltic mu xa yu'un xa'i ti c'usi ta xich' alele.

Jeremías 14:9

¿C'u cha'al co'ol ta xapas aba jech c'u cha'al jun vinic ti mu xa stac' a'yeluc c'usi xu' ta spase, ti co'ol s'elan jun j'ac'-leto mu stic' sba ta jpojvaneje? Le' une, Dios, li' oyot ta o'lol cu'uncutique. Sna'ic lec scotolic un ti vu'uncutic alumaluncutique, mu xatenuncutic comel.

Jeremías 32:17

‘Cajval, ti ta sjunul amuc'ul atsatsal laj ameltsan ti vinajele ti banomile. Ma'uc ma' ti mu'yuc c'usi ta xc'ot ta pasel avu'une.

Jeremías 32:27

“Vu'un Ajvalilun, Diosun yu'un scotol ti c'usi cuxulique. Mu'yuc ma' ti c'usi mu xc'ot ta pasel cu'une.

Ezequiel 12:25

Yu'un ti vu'un Diosune ta xic'opoj ta stojolic. Yu'un ti c'usi ta xich' alele, ta xc'ot ono'ox ta pasel, mu xjalij. Yu'un ta xavil ta aba ta asat, toyobba jteclumetic. Yu'un mi lic'opoj xa ono'oxe, ta xc'ot ta pasel cu'un ti c'usi ta xich' alele. Jbel xic'opoj ti c'usi ta xloc' ta que ti vu'un Ajvalilune.”

Ezequiel 24:14

Laj xa cal ti vu'un Diosune. Jech ono'ox ta xc'ot ta pasel. Ta jbain ta spasel. Mu stselbuj ma' ti sc'oplal une. Mu jcha'na'. Laj ma' ti xc'uxul co'ntone. Ta jtsitsot ava'i yu'un ti c'u s'elan ti snopbenal avu'une, ti c'u s'elan laj xa apase. Ti vu'un Ajvalilune, mu lo'iluc no'ox ta xcal.’ ”

Daniel 6:20

Jech ti ajvalile xme'inaj xa ye ti xi c'ot sbiiltas ti Daniel ti c'alal tey xa nopol va'ale: “Daniel, yajtunelot ti cuxul Diose, ti j'ech'el avich'oj ta muq'ue, ¿mi cuch yu'un ti mu'yuc xayac' ta ti'el yu'un ti leonetique?”

Miqueas 2:7

¿Mi yu'un ca ti Dios ta sbis ta cotol chaval steclumaltac ti Jacobe? ¿Mi yu'un xa ca ch'abal sts'iquemal xcuchemal yu'un? ¿Mi yu'un ca jech ta spas? ¿Mi yu'un ca mu lecuc ti sc'op ta xc'ot ta stojol ti buch'u ta stuc'ulan sbae?

Números 11:22

¿Bu to ta tael ti epal chije, ti vacaxe, ti xu' ta xich' milele yo' jech ta staic scotolic? Mi ja'uc ono'ox xloc' o ti ta xcac'betic scotol ti choy ti oy ta nabe.

Números 23:19

Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

San Mateo 19:26

Ti Jesuse laj sq'uel ti yajchanc'optaque, xi laj yalbee: —Ta xcalboxuc ava'iic ta melel, mu'yuc ono'ox buch'u xu' yu'unic, ja'uc ti Diose xu' ta spas scotol.

San Mateo 24:35

Ti vinajele, ti banomile ta xlaj ta x'ech' sc'oplal, ja'uc ti jc'ope, jbel sc'oplal xc'ot ta pasel ti c'usi ta xale.

San Lucas 1:37

Yu'un ta sventa ti Diose, mu'yuc ma' ti oy c'usi mu xu' yu'une.