Números 11:22 - Bible in Tzotzil de Chamula

²² ¿Bu to ta tael ti epal chije, ti vacaxe, ti xu' ta xich' milele yo' jech ta staic scotolic? Mi ja'uc ono'ox xloc' o ti ta xcac'betic scotol ti choy ti oy ta nabe.

Bible in Tzotzil de Chenalhó with Deuterocanon

²² ¿Bu chata epal chijetic, epal vacaxetic xu' tsmil sti'ic yo' xu' chloq'uic o scotolique? Ac'o me chcac'betic sti'ic scotol li choyetic ta nabe, pero mu ono'ox xloq'uic o —xi.

Números 11:22 Iomraidhean Croise

2 Reyes 7:2

Ti yajcoltaobba stuc ti ajvalile xi laj stac'be ti j'alc'ope: —Ac'o mi ta sjam talel sti' vinajel ti Diose, mi ja'uc ta xc'ot ta pasel ti va'i s'elan ta xavale. Ja'uc ti Eliseoe xi laj staq'ue: —Ma' taje, ta xavil ta aba ta asat, ti mu ja'uc xa ta xatun ta xalajes une.

Números 11:13

¿Bu ta jta talel beq'uet yo' ta xcac'be sti' scotol ti jnaclejetic li'e? Yu'un x'oc'oletic xa ti xi ta xtal yalbeicune: ‘Tsaco talel beq'uet jti'cutic.’

Números 11:21

Ti Moisese xi laj staq'ue: —Ti jteclum ti xchi'inojun talele, ja' vaquib ciento ta mil (600,000) viniquetic ti ta xanavic talel ta yoquique. ¿Mi ta to xaval ti ta xavac' jti'cutic beq'uet ti jun u sjalile?

Números 11:23

Va'i un, xi tac'bat yu'un ti Diose: —¿Mi ta xanop ti juteb no'ox ti jmuc'ul jtsatsale? Ti jech laj cal taje, ta xavil mi ta xc'ot ta pasel cu'un, mi mo'oj.

San Mateo 15:33

Xi tac'bat yu'un ti yajchanc'optaque: —¿C'usi ta xcutcutic ta jtabecutic sve'el ti c'u yepal volol tsobolic ti c'alal mu jchopuc jnaclejetic li'e?

Marcos 6:37

Xi laj stac' ti Jesuse: —Ac'beic sve'elic ti vo'oxuque. Xi laj stac'beique: —¿Bu ta jtacutic lajunvinic ta sep (200) denario taq'uin yo' ta jmanbecutic sve'elic?

Marcos 8:4

Xi tac'bat yu'un ti yajchanc'optaque: —¿Mi oy la c'usi ta utel ta xcac'betic sve'el c'alal mi junuc oy buch'u nopol nacal li'e?

San Lucas 1:18

Ti Zacariase xi laj sjac'be ti anjele: —¿C'usi xcut ta jna' mi melel jech ta xc'ot ta jtojol ti va'i s'elan taje? Yu'un molun xa. Ja' jech ec ti cajnile, me'el xa.

San Lucas 1:34

Ti Mariae xi laj sjac'be ti anjele: —¿C'uxi ono'ox la ta xc'ot ta pasel c'alal mu'yuc to jchi'uc vinique?

San Juan 6:9

—Oy li' jun querem yich'oj talel vo'bej pan ti pasbil ta jchop o ta trigoe, xchi'uc cha'cot choy. ¿Mi yu'un ta xloc' o ti yepal no'ox ti jnaclejetique?