Números 11:21 - Bible in Tzotzil de Chamula

²¹ Ti Moisese xi laj staq'ue: —Ti jteclum ti xchi'inojun talele, ja' vaquib ciento ta mil (600,000) viniquetic ti ta xanavic talel ta yoquique. ¿Mi ta to xaval ti ta xavac' jti'cutic beq'uet ti jun u sjalile?

Bible in Tzotzil de Chenalhó with Deuterocanon

²¹ Li Moisese jech la stac'be li Muc'ul Diose: —Li jchi'iltac li' quic'oj tale, ja' vaquib ciento (600,000) ta mil ta scotol li viniquetique, pero puru xanubal tspas scotolic. Chaval ti chavac'be ti'bol sti'ic sjunul ue.

Números 11:21 Iomraidhean Croise

Génesis 12:2

Yu'un ta sventa ti anitilultaque, ta xlic c'oticuc cu'un ta jun muc' ta lum. Ta jts'uiltasot yo' jech ich'bilot ta muc' ta xac'ot, ja' sliqueb c'uxubinel ta xac'ot yu'unic ta sventa ti yane.

Éxodo 12:37

Jech ti israeletique iloq'uic batel ta Ramsés. C'otic ta Sucot. Oy nan vaquibuc ciento ta mil (600,000) ti lec to no'ox jva'lej viniquetic ti ja' to sjabilal ta x'ochic ta soldadoil ti ta xanavic batele. Ja' mu'yuc tsacbil ta atel ti antsetique xchi'uc ti ololetique.

Éxodo 38:26

Scotolic ti tsacbat sbiic ti yich'ojic x'ech' ta jtob jabile, c'ot c'alal to vaquib ciento ta mil, xchi'uc o'lol xchan milal, xchi'uc to lajuneb yoxvinic (603,550) ta vo'. Ti jujunic taje laj yaq'uic vo'ob gramo plata xchi'uc o'lol, ja' ti c'u s'elan liquem sbisel yu'un ti ch'ulnae.

Números 1:46

ja' loc' ta chapel ti ta scotolique, ja' oxib yucubal ciento ta mil xchi'uc o'lol svaquibal ciento (603,550) ta vo'.

Números 11:13

¿Bu ta jta talel beq'uet yo' ta xcac'be sti' scotol ti jnaclejetic li'e? Yu'un x'oc'oletic xa ti xi ta xtal yalbeicune: ‘Tsaco talel beq'uet jti'cutic.’

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 11:22

¿Bu to ta tael ti epal chije, ti vacaxe, ti xu' ta xich' milele yo' jech ta staic scotolic? Mi ja'uc ono'ox xloc' o ti ta xcac'betic scotol ti choy ti oy ta nabe.

Números 2:32

Ti tsacob-biil ti ech' ta stojol ti yalab xnich'nabic ti israeletique, ti ja' sc'oplal ti epal jnaclejetique, loc' ta chapel ta scotol oxib yucubal ciento ta mil xchi'uc o'lol svaquibal ciento (603,550) ta vo' viniquetic.

Números 26:51

Ti loc' ta chapel ti c'u yepal ti israeletique, ja' jun yucubal ciento ta mil xchi'uc lajuneb xchanvinic sc'an ta vaxaquib ciento (601,730) ta vo' ti ta scotol ti viniquetique.