Números 11:2 - Bible in Tzotzil de Chamula

² Ti jteclume x'avlajetic xa laj sc'anic coltael yu'un ti Moisese. Jech ti Moisese laj sc'anbe vocol ti Dios ta sventaique. Jech ti c'oq'ue tub.

Bible in Tzotzil de Chenalhó with Deuterocanon

² Li israeletique lic avanicuc; la sc'anbeic vocol Moisés ti ac'o coltaaticuque. Ja' yu'un li Moisese lic sc'anbe vocol Muc'ul Dios ta sventaic. Jech lic tubuc li c'oq'ue.

Números 11:2 Iomraidhean Croise

Salmos 106:23

Laj yal ti Diose ti j'ech'el ta stsutsesbe ti sc'oplale. Ti Moisés ti t'ujbil yu'une, laj to spac sutel ti c'ope, lamaj sc'ac'al yo'nton ti Diose, laj spajes sba, mu'yuc stsutses.

Éxodo 10:18

C'alal loc' batel ti Moisés ta stojol ti faraone, laj sta ta c'oponel ti Diose.

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Isaías 37:4

Oc la ta alel ti c'otemuc lec ta sni' ta xchiquin ti Ajvalil Dios avu'un ti va'i s'elan c'opoj ti banquilal jpas-mantal soldado ti tacbil talel yu'un ti yajvale, ajvalil yu'un ti Asiria ti laj sbis ta cotol chaval ti cuxul Diose. Oc la ta alel ti c'otuc laj xch'a ta stojol ti tsitsatuc yu'un Dios ti va'i s'elan ta spase, ti Dios avu'une ya'ioj lec. C'opojan ti'inan xch'a ta sventaic ti c'u to yepal xquiclajan ta xcome.”

Jeremías 15:1

Ti Diose xi laj yalbune: “Manchuc mi ta xtal sva'an sbaic ta jtojol ti Moisese, ti Samuele, mi ja'uc ta xc'uxubaj co'nton yu'un ti jteclum li'e. Albo ya'i, loq'uicuc batel ta jtojol, baticuc.

Jeremías 37:3

Ti ajvalil Sedequiase laj stac batel ti Jucal xnich'on ti Selemiase, xchi'uc ti pale Sofonías xnich'on ti Maaseías ta sq'uelel ti j'alc'op Jeremiase, ti xi bat yalbeique: “C'oponbuncutic ti Cajvaltique, ti Dios cu'untique.”

Jeremías 42:2

ti xi laj yalbeic ti j'alc'op Jeremiase: “Mu yauc c'uxuc xava'i ti xi s'elan ta jc'an ta xa'abolaj cu'uncutique: Vocoletan cu'uncutic ta stojol ti Ajvalil Dios avu'un ti c'u xa yepal licomcutique. Yu'un tanae, laj avil xa lec ti jun chib xa licomcutic ti c'alal mu albajuc to ox ti quepalcutique.

Números 12:11

Xi laj yalbe ti Moisese: “Avocoluc, jch'ul ajval, mu xatsitsuncutic yu'un ti jmulcutic ti ta jbolilcutic no'ox laj jsa'cutique.

Números 12:13

Va'i un, ti Moisese xi xvocolet laj yalbe ti Diose: “Avocoluc, Ch'ul Dios, ta jc'anbot ti abolajan ta xpoxtaele.”

Números 21:7

Va'i un, batic ti bu oy ti Moisese ti xi laj yalbeique: —¡Laj xa jta jmulcutic ti chopol lic'opojcutic ta stojol ti Diose, xchi'uc ti chopol lic'opojcutic ta atojole! ¡C'anbo ti Diose ti ac'o sloq'ues ech'el ti jti'oval chon ta jtojolcutique! Ti Moisese laj sc'anbe ti Diose ti ac'o xch'aybe smul scolo'ic ti israeletique.

Hechos 8:24

Xi laj stac' ti Simone: —Vocoletanic ta sc'anbel vocol ti Dios ta jtojol un chae yo' mu xc'ot ta pasel ti va'i s'elan laj avalbeicune.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.

Santiago 5:16

Jech o xal un, jamal albo abaic ti amulic ta jujun tale. C'oponbo abaic Dios ta jujun tal yo' jech ta xacolic. Sc'opojel sti'inel ti lequil tuq'uil vinique, oy yip stsatsal ti sc'opojele.

1 Juan 5:16

Mi oy buch'u ta xil ti oy jun xchi'il ti yacal ta sa' smul ti ma'uc sventa ch'ayele, c'oponbeic Dios ta stojol yo' jech ta x'ac'bat xcuxlejal yu'un ti Dios ti buch'ue, ti mi ma'uc jun mulil sventa ch'ayele. Oy mulil ti ta x'ac'van ta ch'ayele. Ma'uc ta xcal ti ta xac'oponbeic Dios ta stojole.