Números 11:16 - Bible in Tzotzil de Chamula

¹⁶ Va'i un, xi tac'bat yu'un ti Diose: —Tsobo talel ti lajuneb xchanvinic (70) ta vo' moletic yu'unic ti israeletique, ti buch'utic xana' ti yich'oj tsots yabtelic ta stojol ti jteclume. Ic'o batel ta Axibalna ti bu nupel ta bee. Xamalavanic xchi'uc.

Bible in Tzotzil de Chenalhó with Deuterocanon

¹⁶ Li Muc'ul Diose jech laj yal: —Tsobo lajunebuc xchanvinic (70) moletic ti ja' israel viniquetique, ti ana'oj ti oy yabtelic ta stojol achi'iltac ta israelale. Ic'o tal te ta ch'ulna pasbil ta nucul; te xamalaicun.

Números 11:16 Iomraidhean Croise

Génesis 46:27

Xnich'nab ti Josee, ja' no'ox chib ti voq'uic ta Egiptoe. Ja' yu'un un, c'alal laj stsob sbaic ta Egiptoe, c'otic ta lajuneb xchanvinic (70) ta vo' snitilultac ti Jacobe.

Éxodo 18:25

Va'i un, lic st'uj viniquetic ti oy sbijilic ta sbainel ti Israele. Laj yac'anbe yich' yabtelic yo' ta sbainic jvoc'uc ta jmil (1,000) ta vo', jvoc'uc ta vo'vinic (100) ta vo', jvoc'uc ta lajuneb yo'vinic (50) ta vo', jvoc'uc ta lajunvo' (10).

Éxodo 24:1

Ti Diose xi laj yalbe ti Moisese: —Ti bu oyune, muyan talel xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele, ti nom nom xavac' abaic xtoque. Ti bu taje, tey xaquejan abaic.

Éxodo 24:9

Va'i un, ti Moisese muy batel ta vits xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele.

Éxodo 4:29

Ts'acal to un, ti xchibalique bat stsobic ti banquilal moletic yu'un ti Israele.

Jeremías 19:1

Ti Diose xi laj yalbune: “Ba mano talel jbejuc q'uib. Ic'o talel jun chibuc ti banquilaletic yu'un ti jteclume, xchi'uc jun chibuc paleetic ti vulemic xa xch'ulelique.

Ezequiel 8:11

Tey oyic laj quil xtoc lajuneb xchanvinic (70) ta vo' ti moletic yu'unic ti israeletique. Ti c'u yepalic taje, tey capal ec ti Jaazanías ti ja' xnich'on ti Safane, ti ta snijan xchiman sbaic ta yich'el ta muc' ti loc'obbailetic taje. Scotolic taje stsacojanic jujun yav yac'alic ti co'ol s'elan lumal toc ti xtomet no'ox ta xmuy ti xch'ailal ti pome.

Números 11:24

Ti Moisese loc' batel, bat yalbe ya'i ti jteclum ti c'u s'elan albat yu'un ti Diose. Laj stsob talel ti lajuneb xchanvinic ta vo' moletic yu'unic ti israeletique. Laj xchol ta va'lej ta joyob ti ta Axibalnae.

Números 16:25

Va'i un, ti Moisese va'i batel, ti tijlibil batel ti moletic yu'un ti israeletique. Batic ti bu oy ti Datane xchi'uc ti Abirame.

San Lucas 10:1

Laj taj une, ti Jesuse laj st'uj yan lajcheb xchanvinic (72) ta vo' j'abteletic. Laj stacan jelavel ta cha'cha'vo' yo' ta xbatic ta jujun jteclum ti bu ta x'ech' ono'ox ti stuque.

San Lucas 10:17

Xmuyubajic xa sutic talel ti lajuneb xchanvinic (70) ta vo'e, ti xi laj yalique: —Cajval, c'alal ta pucujetic laj xch'un cu'uncutic ta staquel loq'uel ta aventa.

Deuteronomio 1:15

“Va'i un, laj quic'an talel ti viniquetic ta jujuvoc' anitilulique, ti jamal sba satique, ti lec sna'ic snopel razone. Laj cac'be yich' yabtelic ta sbaineloxuc. Yu'un oy jlom laj cac'be sbain jmil (1,000) ta vo' viniquetic. Yu'un oy jlom laj cac'be sbain vo'vinic (100) ta vo' viniquetic. Yu'un oy jlom laj cac'be sbain lajuneb yoxvinic (50) ta vo' viniquetic. Yu'un oy jlom laj cac'be sbain lajunvo' (10) viniquetic. Yu'un oy jlom laj jva'an ta ajvaliletic yo' ta sventainic ti jujuvoc' nitiluletique.

Deuteronomio 16:18

“Va'anic jchapanvanejetic xchi'uc j'opisialetic ta sventa scotol ti lumetic ti bu ta xa'ac'batic yu'un ti Ajvalil Dios avu'unic ta jujuvoq'ue, yo' jech oy tuq'uil chapanel yu'un ti jteclume.

Deuteronomio 31:28

Iq'uic talel scotol ti moletic avu'unique, ti banquilaletic yu'un ti jujuvoc' nitiluletique, yu'un ta jc'oponic ya'iic ta yalbel ti c'usi ta xc'ot ta pasele. Ta jva'an ta rextico ti vinajele, ti banomile, ti ta xlic yich'ic contrainele.