Números 11:13 - Bible in Tzotzil de Chamula

¹³ ¿Bu ta jta talel beq'uet yo' ta xcac'be sti' scotol ti jnaclejetic li'e? Yu'un x'oc'oletic xa ti xi ta xtal yalbeicune: ‘Tsaco talel beq'uet jti'cutic.’

Bible in Tzotzil de Chenalhó with Deuterocanon

¹³ ¿Bu chbat jsa' tal ti'bol sventa chcac'be sti'ic scotol li jchi'iltac li'i? Yu'un vu'un x'oc'oletic tal ta jtojol jech chtal yalbicun: ‘Ac'bun ti'bol jti'cutic’, xiyuticun.

Números 11:13 Iomraidhean Croise

2 Reyes 4:43

Ja'uc ti mosovil une xi laj staq'ue: —¿C'u ono'ox la xachi xana' ta xcac'be pan ti vo'vinic (100) ta vo' ti li' oyique? Ti Eliseo xi laj staq'ue: —Ac'bo ti c'u yepal li' oyique yo' jech ta sve'ic. Ti Diose laj xa yalbun ca'i ti ta to xcom scomelal ti c'u yepal ta sve'ique.

2 Reyes 7:2

Ti yajcoltaobba stuc ti ajvalile xi laj stac'be ti j'alc'ope: —Ac'o mi ta sjam talel sti' vinajel ti Diose, mi ja'uc ta xc'ot ta pasel ti va'i s'elan ta xavale. Ja'uc ti Eliseoe xi laj staq'ue: —Ma' taje, ta xavil ta aba ta asat, ti mu ja'uc xa ta xatun ta xalajes une.

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 11:21

Ti Moisese xi laj staq'ue: —Ti jteclum ti xchi'inojun talele, ja' vaquib ciento ta mil (600,000) viniquetic ti ta xanavic talel ta yoquique. ¿Mi ta to xaval ti ta xavac' jti'cutic beq'uet ti jun u sjalile?

Números 11:22

¿Bu to ta tael ti epal chije, ti vacaxe, ti xu' ta xich' milele yo' jech ta staic scotolic? Mi ja'uc ono'ox xloc' o ti ta xcac'betic scotol ti choy ti oy ta nabe.

San Mateo 15:33

Xi tac'bat yu'un ti yajchanc'optaque: —¿C'usi ta xcutcutic ta jtabecutic sve'el ti c'u yepal volol tsobolic ti c'alal mu jchopuc jnaclejetic li'e?

Marcos 8:4

Xi tac'bat yu'un ti yajchanc'optaque: —¿Mi oy la c'usi ta utel ta xcac'betic sve'el c'alal mi junuc oy buch'u nopol nacal li'e?

Marcos 9:23

Ti Jesuse xi laj yale: —¿C'u ono'ox la xachi ‘mi oy c'usi xcut’? Ti buch'u ta xc'ot lec ta yo'ntone, ta xc'ot ta pasel.