Números 11:12 - Bible in Tzotzil de Chamula

¹² ¿Mi yu'un stoticun, mi sme'icun yo' jech ta xavac'bun jpet batel jech c'u cha'al jchu'nel olol c'alal to ta banomil ti avalojbe ya'i ti smolmuc'totic ta xavac'bee?

Bible in Tzotzil de Chenalhó with Deuterocanon

¹² ¿Me yu'un vu'un stot sme'icun ti vu'un chac'an ta jpetic batel jech chac c'u cha'al jun olol ti ta to xchu'unique, yu'un chbat caq'uic te ta banamil ti bu avalojbe ono'ox jmoltotcutic ta vo'one ti chavac'beique?

Números 11:12 Iomraidhean Croise

Génesis 13:15

Le'e, vu'un ta xcac'bot scotol ti banomil ti ta xaq'uel batele. Ja' avu'unic o ta xcom xchi'uc scotol ti anitilultaque.

Génesis 24:7

Ti Ajvalil Dios yu'un ti vinajele, laj sloq'uesun talel ta sna ti jtote, ta yosilal ti cuts' calale. Laj yac' ye sti' ta xiyac'bun jventain xchi'uc jnitilultac ti banomil li'e. Ja' jech xtoc ta stacbot talel yaj'ánjel yo' xu' avu'un ta yiq'uel talel jun tseb ta sventa yajnil ti jnich'one.

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

2 Reyes 10:1

Ti Acabe, oy lajuneb xchanvinic (70) ta vo' xnich'nab ta jteclum Samariae. Jech o xal ti Jehue laj sts'iba batel vun ta stojol ti j'abteletique, ta stojol ti moletique, xchi'uc ta stojol ti buch'utic sbisoj sbaic ta totil yu'un xnich'nab ti Acab ta jteclume, ti xi laj yal ti vune:

2 Reyes 10:5

Va'i un, ti buch'u ich'bil ye sti' ti bu chotol ta spas mantal ti ajvalile, ti ajvalil yu'un ti jteclume, ti moletique, xchi'uc ti buch'utic c'otem ta xq'uexol totil sbisoj sbaique, xi laj yalic ti laj stac'beic batel mantal ti Jehue: “Mu stac' ma' ti toyol cajal xa ti quecutic ta atojol une. Chapaluncutic ta spasel ti c'usi ta xac'ane. Ja'uc le' une, mu'yuc buch'u junuc ta jva'ancutic ta ajvalil. Paso ti c'usi lec ta xava'i ta xac' ti ajol ta spasele.”

Éxodo 13:11

“C'alal mi laj xa stic'oxuc ochel ti Dios ta slumalic ti cananeoetique, mi laj xa yac'boxuc ta avoc ta ac'obic xcaltique, jech c'u cha'al albiloxuc ono'ox xchi'uc ti amolmuc'totic ti ta xa'ac'batique,

Éxodo 13:5

Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Éxodo 33:1

Ti Diose xi laj yalbe ti Moisese: —Tamo batel abe. Loc'an batel xchi'uc ti israeletic ti laj aloq'ues talel ta Egiptoe. Batanic ta banomil ti bu calojbe ya'iic ti Abrahame, ti Isaaque, ti Jacobe, ti caloj ti ta xcac'be ti snitilulique.

Éxodo 6:8

Ta xaquic'oxuc batel ta banomil ti calojbe ono'ox ti ta xcac'be ti Abrahame, ti Isaaque, ti Jacobe. Vu'un ti Ajvalilune ta xcac'boxuc abanomilinic.

Isaías 40:11

Yu'un co'ol s'elan jech c'u cha'al junuc jq'uel-chij ta xvul ta loq'uel ta xchabiel ti xchije. Ta spet ech'el ti mimi'etique, ta snaban ech'el ta sti' yo'nton. Ta stuc'ulan lec ti me' chijetic ti naca to no'ox voc' yolique.

Isaías 49:15

Ja'uc le' une, ¿mi oy la xana' ti me'ile ti ta sten ta xch'ay ta yo'nton ti yole? Ac'o mi jech laj xtuch' ta yo'nton un, ja'uc ti vu'une mu xajtuch' ta co'nton.

Isaías 49:23

Ti ajvaliletique ta xc'otic ta jts'itesvanej totil. Ti tojol tsebetic ti oy sc'oplal ta xc'ot ta me' ajvalile, ta xc'ot ta avajch'ipomtac. Snupilan xa banomil ta snijan sbaic ta atojol, ti slec' xa ti spucuquil avacane. Ja' jech ta xlic ana' ti vu'un ti Diosune. Ti buch'utic spatoj yo'ntonic ta jtojole, mu xlajic ta lo'lael.”

Ezequiel 34:23

Ta jbain ti cha'vuluc ta loq'uel ti cajtunel Davide. Stuc no'ox ta xc'ot ta jq'uel-chij ti vu'un ta jva'ane, ta stuc'ulan ta sq'uelel un. Ta xc'ot ta jq'uel-chij yu'unic.

San Juan 10:11

“Vu'unun ma' ti lequil j'il-chije. Ti lequil j'ilchije ta xac' sba ta milel ta sventa ti xchijtaque.

1 Corintios 4:15

Ta sventa ti jech jch'unolajeloxuque, manchuc mi oy ta atojolic lajunmil (10,000) jchanubtasvanejetic ta xalboxuc sc'oplal ti Cristoe, ti totil avu'unique, mu epuc. Ta sventa ti laj calboxuc ava'iic ti lequil ach' c'ope, lic'ot jech c'u cha'al totil avu'unic ti jech c'ot ta avo'ntonic ta xch'unel ti Jcoltavanej Jesuse.

Gálatas 4:19

Jnich'nabtac, ta xquich' jvocol avu'unic xtoc, co'ol s'elan jech c'u cha'al ants ti liquem xc'uxul xch'ut yu'un ti yol ta svoq'uese. Jech o jvocol ta xquich', ja' to ti c'uxi x'ayan xcuxlej Cristo ta atojolique.

Deuteronomio 1:31

Ma'uc no'ox un, ja' jech ta spas xtoc ti c'u s'elan laj spas avilic ta sbajtical banomile. Yu'un ti c'u sjalil laxanavic talele, ja' to ti c'uxi lavulic yu'un li'e, ti Ajvalil Dios avu'unique snitojoxuc talel ta sc'ob, co'ol s'elan jech c'u cha'al junuc totil ti ta snitbe sc'ob ti xnich'nabe.

1 Tesalonicenses 2:7

Yu'un ja' no'ox laj jc'uxubinoxuc jech c'u cha'al ti me'il ta sts'itesel ta xc'uxubinel ti yalabe.