Números 11:1 - Bible in Tzotzil de Chamula

¹ Oy jun c'ac'al, lic coscoj c'opojicuc ti israeletic ta stojol ti Dios ta scoj ti vocol ta x'ech' yu'unique. C'alal jech laj ya'i ti Diose, ep soc sjol. Tey laj stacbe talel c'oc' ta stojolic ti laj xchic' ta joyob ti bu lamalic ta nacleje.

Bible in Tzotzil de Chenalhó with Deuterocanon

¹ Li israeletique oy jun c'ac'al iliquic ta bic'talvulajetel ta stojol Muc'ul Dios ta sventa ti oy svocolique. C'alal laj ya'ay li Muc'ul Diose, tsots i'ilin ta stojolic, jech la stac tal c'oc'; ic'ac' sjoylijil sti'ti' ti bu spasoj scarpanaique.

Números 11:1 Iomraidhean Croise

Génesis 38:10

Jech ti Diose mu lecuc laj yil ti jech ta spas ti Onane. Jech o xal un, laj xtuch'be xcuxlej ec.

2 Samuel 11:27

C'alal ech' xa yorail ti me'inale, ti Davide laj yal mantal ti ac'o yiq'uic talele, ti smalaoj xa ta snae. C'ot ta yajnil, ti ilbat sat jun squerem yu'une. Ja'uc ti Dios une, mu lecuc laj yil ti c'usi laj spas ti Davide.

2 Reyes 1:12

Ti Eliase xi laj staq'ue: —Jech, j'alc'opun, yaluc talel c'oc' ta vinajel. Xchic'ot ava'i xchi'uc ti lajuneb yoxvinic (50) ta vo' avajsoldadotaque. Ta jech no'ox yepal, yal talel c'oc' ta vinajel. Va'i un, chamic scotolic.

Job 1:16

Mu to ta stsuts lec slo'il ya'yej ti vinic taje, c'alal c'ot yan vinic ti xi laj yale: —Xc'avluj no'ox vulel ánjel ti toj lajel c'ot yu'un ti jq'uel-chijetique, xchi'uc ti chijetique. Jtuc xa no'ox cuch cu'un jatobal yo' tal calbot ava'ie.

Salmos 106:18

Lic tiluc c'oc' ta stojol scotolic. Chiq'ueic ta leb c'oc' ti buch'u mu'yuc xch'ulel xa'i sbaique.

Salmos 78:21

C'alal laj ya'i Dios ti va'i s'elan taje, lic capuc; co'ol s'elan junuc c'oc' lic tiluc ti scapemale, cap ta scontrainel ti Jacobe.

Salmos 78:63

Chic'bil chamic ta c'oc' ti jva'lej queremetique; mu'yuc xa xil ta sba ta satic un ti q'uejimoletic ta sventa slequel ti tojol tsebetique.

Éxodo 16:7

Yu'un ti sob oc'ome, ta xavilic slequilal yutsilal ti Diose. Yu'un laj xa ya'i ti xabic'tal c'opojic ta scontrainele. Mu smeloluc, ¿buch'u laj sva'anuncutic un cha'e ti xabic'tal c'opojic xa ta jtojolcutique?

Éxodo 16:9

Laj taj une, ti Moisese xi laj yalbe ya'i ti Aarone: —Albo ya'i scotol ti israeletique ti ac'o nopajicuc talel ta stojol ti Diose. Yu'un laj xa ya'i ti xbic'tal c'opojic xa ta stojole.

Isaías 10:17

Ti ch'ul Diose, ti c'otem ta saquil osil yu'un ti Israele, ta sjoybin sba ta leb c'oc'. Ta jun no'ox c'ac'al, ta xchic' ta slilin scotol ti ch'ixtique, ti jobeltic ti oy ta lume.

Isaías 30:33

Le' xa talel ta vo'ne, xchapanoj sba ta sventa ti lum Asiriae, xchi'uc ti ajvalil yu'une. Mu no'ox albajuc yepal, Mu no'ox bisbiluc ta j'ech'el ti svocol ta sta yu'une. Busanbil no'ox ta j'ech'el ti si' ti yacal ta xtil ta c'oq'ue. Ti Diose ta xvuch'ta ta stilesel ti co'ol to s'elan junuc malemal azufre ti xloclij liquel yu'une.

Isaías 33:14

Ti ta Sione, ta sniquesatic yu'un xi'el ti jsa'muliletique. Ti buch'utic sa'sunic no'ox ta spasel ti chopole, ta xbat xch'ulelic ta xi'el, ti xi ta xalique: “¿Buch'u xa ono'ox la junucal ta xijcuxiotic ti xijbalet yu'un ti c'oc' ti j'ech'el ta stsutsesvane, ti mu no'ox albajuc ti sleb sbatel osile?”

Lamentaciones 3:39

Ti stalel ono'ox jsa'mulil ti vinique, ¿c'u cha'al xvulvun xa xchi'uc svocol ti li' cuxul ta banomile?

Ezequiel 20:36

jech c'u cha'al laj jpasbeic ti atot ame'ic ti oyic ta sbajtical banomil yu'un ti Egiptoe. Mu lo'iluc no'ox ta xcal ti vu'un Diosune.

Levítico 10:2

Va'i un, lic tiluc talel c'oc' ta stojol ti Diose, c'aq'uesatic ta j'ech'el. Jech tey cham lajic ta stojol ti Diose.

Nahúm 1:5

Xnicnun liquel ti muc'tiquil vitsetic yu'une; ta x'unij yalel yu'un ti toyol ch'en vitsetique. Xnicnun liquel sbejel ti banomil ti c'alal ta xilique; ta xnic scotol ti c'usitic cuxul ta sbejel ti banomile.

Habacuc 3:5

Ta xti'van ta j'ech'el ti bu ta slaman vulel ti vocole. Mi laj une, nabal xa talel un ti lum ach'el xal oe.

Números 10:33

Ja' yu'un un, loq'uic batel ta vits yu'un ti Diose, oxib c'ac'al laj stam batel ti sbeique. Ja' jba'be batel yu'unic ti xcaxail trate yu'un ti Diose, ta sa'ilanic batel bu xu' ta xcux ti yo'ntonique.

Números 11:18

Ja' yu'un un, albo mantal ti jteclume ti ac'o stus smes sbaique. Yu'un ti oc'ome, ta sti'ic ti beq'uete. Yu'un laj xa ca'i ti xi x'oc'lajet ta xalique: ‘¡Toj lec ti oyuc ti beq'uet jti'tique! ¡Ja' to ox toj lec oyotic ti c'alal oyotic ta Egiptoe!’ Lec oy, ta xcac'be ti beq'uete yo' ta sti'ic.

Números 12:2

Ma'uc no'ox taje, yu'un xi laj yalique: “Yu'un ti Diose ma'uc no'ox ta sc'opon ti Moisese, yu'un ta xisc'oponotic ec” Ti va'i s'elan taje, laj ya'i ti Diose.

Números 14:2

Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Números 14:22

ti buch'utic laj yilic ti jlequil cutsilale, xchi'uc ti jchop o ti laj yilic ti c'u s'elan laj jpas ta Egiptoe xchi'uc ti ta sbajtical banomile, ti ja' no'ox oy ta yo'ntonic ti jayib velta ta sq'uelic ya'iic ti co'nton ta sbajtical banomil ti mu sc'an xch'unic ti jmantale, ti buch'utic jech taje,

Números 14:27

—¿C'u to sjalil ta jts'ic ti xvulajetic ti jsoquesvanej israeletic li'e? Ca'binoj xa ti ta xischopol-c'optaique.

Números 14:28

Va'i un, xi jch'amuntic ave ati' xavalbe ya'iic ta jventae: “Ti vu'un Diosune ta jbain jtuc ta spasel ta stojolic ti joybijuc ta sba stuquic jech c'u cha'al yeinojic ta yalel ta xca'ie.

Números 16:11

¿Buch'u la avalojic ta melel ti chopol ta xac'opojic ta stojol ti Aarone? Yu'un ti vo'ote xchi'uc ti achi'iltaque ta xatoy abaic ta stojol ti Diose.

Números 16:35

Ma'uc no'ox taje, yu'un ti Diose tal yu'un c'oc' ti laj smil ta j'ech'el ti lajuneb yoxlajunvinic (250) ta vo' viniquetic ti laj yaq'uic ti pome.

Números 17:5

Yu'un ta xc'ot ta pasel cu'un ti ta xcac' q'uelomajuc snamte' ti buch'u t'ujbil cu'une. Ja' to jech ta xicta sbaic ta chopol c'opojel ta atojol ti israeletique.”

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!

1 Corintios 10:10

Mi ja'uc xabic'tal c'opojic ta scontrainel Dios jech c'u cha'al bic'tal c'opojic ti jlom ta vo'nee, ti lajic ta milel yu'un ti jmilvanej ánjele.

Deuteronomio 25:18

Na'ic me ti mu ja'uc juteb laj xi'taic Dios ti c'alal laj stsacanan ta milel ti buch'utic comemic ta patil avu'unique. Lec laj ya'i ti laj stsacoxuc ta leto ti c'alal lubemoxuc xae, ti aluneboxuc xa yu'un ti lubele.

Deuteronomio 32:22

Yu'un co'ol xa s'elan junuc tilemal c'oc' ti sc'ac'al co'ntone, ta xtil ta j'ech'el ti bu xa c'alal slajebal snatil ti banomile, ta xcules ta chiq'uel ta j'ech'el ti banomile xchi'uc ti c'usi x'ayan yu'une, ta sjumbe sc'ac'al yoctac ti vitstique.

Deuteronomio 9:22

“Ja' jech xtoc laj ono'ox aliquesbeic sc'ac'al yo'nton ti Dios ta Taberae, ti ta Masae, xchi'uc ti ta Kibrot-hataavae.

Hebreos 12:29

Yu'un ti Dios cu'untique, ja' c'oc' ti xu' ta slilin scotole.

Santiago 5:4

Ti j'abteletic ti buch'utic mu'yuc laj avac'beic stojol c'alal laj stsobic ti ats'unubalique, ta sc'anic parte. Ja' yu'un un, ti Dios ti scotol xu' yu'une, laj xa yil ti x'oc'lajetic ti j'abteletique.

Judas 1:16

Ti viniquetic taje, xcapet xti'et no'ox sjolic, xbic'tal c'opojic no'ox, mu'yuc c'usi lec ta staic. C'ajomal yacalic ta sa'el ti c'usi lec ta xa'iique. Stoy sbaic xchi'uc ti sc'opique. Jun xa yutsil ye sti'ic yilel ta stojol ti jnaclejetique.