Números 10:9 - Bible in Tzotzil de Chamula

⁹ “C'alal ta xtal stsacoxuc ta c'op ti avajcontraic ta alumal atuquique, ti jech sc'an ta xapoj abaique, oq'uisanic ti oq'uesetique, ti tsots xa'avanique. Jech ti vu'une, ti ja' Ajvalil Dios avu'unique, ta jvulesoxuc ta co'nton. Ta jpojoxuc yu'un ti avajcontraique.

Bible in Tzotzil de Chenalhó with Deuterocanon

⁹ “C'alal me chtal stsacoxuc ta pleito te ta avosilalic li avajcontraique, tsots chajupanic li oq'uesetique; bat tsaquic ta pleito acotolic. Jech chat'abic ta co'nton vu'un li Muc'ul Diosun avu'unique; jech chajcoltaoxuc loq'uel ta sc'ob li avajcontraique.

Números 10:9 Iomraidhean Croise

Génesis 8:1

Va'i un, ti Diose laj svules ta yo'nton ti c'usi yaloj ta stojol ti Noee, xchi'uc ta stojol scotol ti chon bolometic ti jmoj ochemic ta barcoe. Jech xtoc un, laj yac' taluc jumetel ic' ta banomil. Jech ti vo'e naca sta lic uluc yalel.

2 Crónicas 13:12

Mu xch'ay xava'i ti vo'oxuque, jba'be ech'el cu'uncutic ti Diose xchi'uc ti yajpaletaque, ti chapalic xa ta yoq'uisanel ti oq'uese, svinajeb ti licuc ti letovajel ta atojolique. Le' une, israeletic, mu stsal avu'unic ta scontrainel ti Ajvalil Dios yu'unic ti amolmuc'totic ta vo'nee. Laj to sc'oplal ma' ti xu' xatsalvanic une.”

2 Crónicas 13:14

C'alal laj sq'uel batel spatic ti Judae, laj yilic ti xc'anobaj no'ox talel ti leto ta yeloval ti bu oyique, xchi'uc ta spatic un. Va'i un, lic sc'anbeic vocol ti Diose. Laj yoq'uisanic oq'ues ti paleetique.

Salmos 106:4

Vulesun ta avo'nton un, Cajval, c'alal oy c'usi lec ta xapasbe ti ateclumale; oyucun ta aventa ec un c'alal ta xtal acoltae,

Salmos 106:42

Net'bil c'otic yu'un ti scontraique, c'otic ta j'ac'-lo'il-maxil ti tec'bil c'otic yu'un ti scontraique.

Salmos 136:23

Colaval, utic ti Buch'u ta xisvulesotic ta yo'nton c'alal mu xa xnel x'ech' ca'itic ti vocole, yu'un sbatel osil oy syail xc'uxul yo'nton.

Isaías 18:3

Acotolic jnaclejetic ta banomil, ta xavilic ta vitstic ti senyail ta xich' toyele, ta ya'yiel ti ta xich' oq'uisanel ti oq'uese.

Isaías 58:1

Ti Diose xi laj yalbune: “Tsots xa'avan, mu xaxi', co'oluc s'elan yech'omal snuc' oq'ues ti yech'omal avee. Vulo ya'i ti jteclumal ta scoj ti stoyobbailique. Vulo ya'i slumal ti Jacob ta scoj ti smulique.

Jeremías 4:19

Xibalet no'ox yu'un ti xc'uxul ta xca'ie. Xpujpun xa co'nton yu'un ti mu albajuc ti vocole. Mu xits'iji ta j'ech'el, xtal xbat xa ti co'nton yu'une. Laj ca'i yech'omal ti oq'uese, ti naca sliquesel leto x'avlajetic ta yalele.

Jeremías 4:21

¿C'u to ono'ox sjalil sc'an ta xquil ti ta xc'ot ta pasel ti utsuc xa yich' toyel ti c'obale, ti ta xca'i ti ta xich' oq'uisanel ti oq'uese?

Jeremías 4:5

Ti ta jteclum Jerusalene, xchi'uc ta Judae, oq'uisanic oq'ues ta sjunul ti muc' ta lume. Xi xavaq'uic ta na'el ti tsots ta xa'avanique: ‘La'ic un, batic ta nac'obbail jteclumetic, ba jtsob jbatic.’

Jeremías 49:2

Lec un cha'e, ti vu'un Diosune xi ta jva'an jba ta yalele: Ta xc'ot yorail ti ta jpas ta stojol ti jteclum yu'un amonitaetic ti oy ta Rabae, ti naca xa sc'oplal leto x'avet xa ta xich' alele. Stuc xa slilijemal busul ta xcom cac'tic un. Natic no'ox sleb ta xtil ti bic'tal lumetic yu'une. Va'i un, ti Israele ta xlic xcha'u'ninic ti jteclumetic yu'unique. Ti vu'un Diosune, mu lo'iluc no'ox ta xcal.

Jeremías 6:1

Jnaclejetic ta yosilal Benjamín, sa'ic ti bu xu' ta xanac' abaique. Jatavanic loq'uel ti ta jteclum Jerusalene. Oq'uisanic ti oq'ues ta jteclum Tecoae. Va'anic senyail ta Bet-haquereme, yu'un ta yolon to ti yolon xocon sloq'ueb c'ac'ale, ta xlic talel ti cuxul j'ilbajinvanej ti mu albajuc ta xac' ti vocole.

Jeremías 6:17

Ti Diose laj sva'anan jchabiej-q'uel-osiletic ti xi laj yalbe ti jteclume: “Ts'et-chiquintaic ti mu xa slequiluc mi oy c'usi ta xbac' talele.” Ti jteclum une xi laj staq'uique: “Quere, laj to c'op ma' ti ta jts'etan jchiquincutic yu'une.”

Ezequiel 7:14

Xtutet xa ta x'ic'van ti oq'ues ta sventa ti letoe. Ta xlic xchapan sba scotolic un. Mi junuc ta stsinbe yipal ti tsacvanej ta letoe. Ta sc'ac'al co'nton ta jtsits ya'iic yu'un stoyobbailic ti israeletique.

Oseas 5:8

Ti ta jteclum Guibeae, oq'uisanic ti cachu ti ta xac' ta na'el ti ac'-letoe. Tutetuc ti oq'ues ta jteclum Ramae. Pucbeic batel sc'oplal c'alal to Bet-aven. Ac'beic ya'i xi'el ti Benjamine.

Levítico 23:24

“Xi xcholet xavalbe ya'i ti israeletic jech c'u cha'al li'e: Ti sba c'ac'al yu'un ti yucubal ue, ta xapasic jun q'uin sventa cuxob o'ntonal, xchi'uc ch'ul tsoblej sventa svulesel ta o'ntonal ti c'alal xtutet no'ox ta xich' oq'uisanel ti oq'uese.

Amós 3:6

Mi xtutet xa liquel ti oq'ues ta jun jteclume, mu xa stac' a'yeluc ta xa'i c'usi xu' ta spas ti jteclume. Mi oy c'usi chopol c'ot ta pasel ta jun jteclume, yu'un jech c'ot ta nopel yu'un ti Diose.

Sofonías 1:16

Ti jech c'ac'al taje, ja' o xa sc'ac'alil ta xich' oq'uisanel ti oq'uese, ti x'avlajet no'ox ta xich' contrainel ti jteclumetic ti oy yu'unic ti pojobbailetique, xchi'uc ti oy yu'unic ti natiquil luchlebale.

Números 31:6

Tacatic batel ta ac'-leto yu'un ti Moisese, ti chi'inbilic batel yu'un ti Fineese, xnich'on ti pale Eleazare. Yich'oj batel xtoc ti c'usitic ac'bil xa jelavel ta ventainele, xchi'uc ti oq'ues yac'obil ta na'el ti ac'-letoe.

1 Corintios 14:8

Jech xtoc yoq'ues ti soldadoetique, mi mu'yuc smelol ta xich' oq'uisanel ti oq'uese, mu sna'ic c'u s'elan ta xchapan sbaic ta ac'-leto.

Deuteronomio 20:1

“C'alal ta xaloq'uic batel ta stsaquel ta c'op ti avajcontraique, ti ta xavilic ti mu albajuc yepal svinictac ti cajalic ta ca'e, xchi'uc ti ep scarretaic sventa ac'ob-letoe, ti yepal to x'ech' ti soldadoetic yu'unique, ti ja' mu sta ti vo'oxuque, mu xaxi'ic yu'un. Ja'uc ti vo'oxuque, oy ta atojolic ti Ajvalil Dios avu'unic ti laj sloq'uesoxuc talel ta Egiptoe.

Josué 6:5

C'alal ta xava'iic ti ta sjel snuc' ti c'u s'elan ta xich' oq'uisanel ti xulub chije, ja' o lic avananic ti bu c'alal xu' avu'unique. Ja' o ta xlic jinuc smocal ti jteclume. Ti jujunoxuque tuc' xa'ochic batel ta anil ta jteclum.”

Jueces 10:12

ti sidonioetique, ti amalecitaetique, xchi'uc ti madianitaetique. Ja'uc ti c'alal xa'oc' xa'avanic xa ta jtojole, laj jtic' jba ta apojelic.

Jueces 10:8

Va'i un, scotol ti israeletic ti nacalic ta Galaade, ti oyic ta jot uc'um Jordán ti ja' yosilal ti amorreoetique, vaxaclajuneb (18) jabil sjalil lic yich'ic ilbajinel yu'un ti filisteoetique, xchi'uc ti amonitaetique.

Jueces 2:18

Ti ta jujun velta ti ta stac talel jtsobvanej ti Diose, ta xcoltaatic yu'un. Ti c'u sjalil ta xcuxi ti jtsobvaneje, ta stic' sba ta spojel ti israeletic yu'un ti yajcontraic ti jelavem xu' yu'unique, yu'un ta xc'uxubaj yo'nton. Ta xa'i ti x'ajlajetic yu'un yipal ti svocolique.

Jueces 3:27

C'alal c'ot ta yosilal ti israeletique, lic yoq'uisan xulub chij ta vits yu'un ti Efraine yo' jech ta stsob talel ti israeletique. Scotolic yalic talel ti ta vitse, ti ja' jba'be batel yu'unic ti Aode.

Jueces 6:34

Ja'uc ti Gedeone lic ventainatuc yu'un xcuxlejal ti Diose. Lic yoq'uisan xulub chij yo' ta stsob sbaic talel yu'un snitilultac ti Abiezere.

Jueces 6:9

Ma'uc no'ox ti laj jpojoxuc laj jcoltaoxuc loq'uel ta yoc ta sc'ob ti egipcioetique, yu'un laj jpojoxuc jcoltaoxuc ta yoc ta sc'ob ti buch'u ta xayilbajinoxuque. Ti ta aba ta asatic laj jten loq'uel ti stuquique. Laj cac'boxuc avu'ninic ti sbanomilique.

1 Samuel 10:18

Ti bu taje, xi laj yalbee: —Ti Ajvalile, Dios yu'un ti Israele, xi ta xale: ‘Ti israeloxuque, laj jloq'uesoxuc talel ta Egipto. Laj jtic' jba ta acoltaelic ta apojelic ti c'alal oyoxuc ta vocol yu'un ti egipcioetique, xchi'uc ta stojol scotol ti ajvaliletic ti ta xilbajinoxuque.’