Números 10:34 - Bible in Tzotzil de Chamula

³⁴ Ta yorail no'ox ta sliquebal ti c'alal chapalic xa ta stam batel ti sbeique, xvolet talel ta stojolic ti toc yu'un ti Diose.

Bible in Tzotzil de Chenalhó with Deuterocanon

³⁴ Ta jujun c'ac'al c'alal ja' to no'ox ta stotsic batele, li toc yu'un Muc'ul Diose, te chbat ta sba yac'olic.

Números 10:34 Iomraidhean Croise

Nehemías 9:12

Ta jech yepal un, ta c'ac'altique, ta jun bal-bal voletel toc laj atojobtas ech'el. Ta jun bal-bal voletel leb c'oc' laj atojobtas ech'el ta ac'ubaltic yo' jech sac jaman ta stam ech'el ti sbeique.

Nehemías 9:19

Ta sventa ti mu albajuc ti syail xc'uxul avo'ntone, mu'yuc xaten comel c'alal oyic ta sbajtical banomile. Mi ja'uc laj xch'ac sba ta stojolic ti bal-bal voletel toc ta c'ac'altic yo' jech ta xtojobtasatic batel ta be, mi ja'uc ti bal-bal voletel leb c'oc' ta ac'ubaltique, yo' ta xil batel sbeic ti bu ta stamic batele.

Salmos 105:39

Laj yac' taluc voletel toc ti Diose yo' ta xqueovtaatic batel, xchi'uc voletel leb c'oc' yo' sac jaman ta xilic batel ta ac'ubaltique.

Éxodo 40:38

Yu'un ti c'u sjalil snatil xanavic ti israeletique, yilojic ta sba ta sat scotolic xtoc ti toc yu'un ti Diose. Yu'un ti ta c'ac'altique, tey ono'ox oy ta sba ti Axibalnae. Yan ti ta ac'ubaltique, xtililet ono'ox ti c'oc' ta sbae.

Números 10:35

C'alal ta xlic ta xanobal yu'unic ti caxae, xi ta xlic yal ti Moisese: “Va'lan, tec'lan jelavel, Ch'ul Dios, tan puquicuc batuc avu'un ti avajcontrae. C'alal ta xilot ti buch'u xti'et sjol ta atojole, ac'o stambeic jatobal avu'un.”