Números 10:32 - Bible in Tzotzil de Chamula

³² Mi ta xachi'inuncutic batele, ja' co'ol cu'untic scotol ti c'usi lec ta xloc' ta yo'nton ti Dios ta xiyac'buncutique.

Bible in Tzotzil de Chenalhó with Deuterocanon

³² Me chbat achi'inuncutique, chacac'botcutic scotol li c'usitic lec chijyac'butic Muc'ul Diose —xut.

Números 10:32 Iomraidhean Croise

Levítico 19:34

Biso ta junuc achi'ilic. Oyuc syail xc'uxul avo'nton ta stojol, yu'un co'ol oy ach'ulelic. Ma'uc no'ox taje, yu'un jyanlum la'ech'ic ta Egipto. Yu'un vu'un ti Ajvalil Diosun avu'unique.

Deuteronomio 10:18

Yu'un ti Dios taj une, ta stic' sba ta spojel ta scoltael ti buch'u ch'abal c'usi x'ayan yu'une, xchi'uc ti me'unal antse. Yu'un ta xc'uxubin, ta xac'be sve'el, ta xac'be sc'u' ti jyanlum ti nacalic ta atojolique.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

Jueces 1:16

Snitilultac Hobab ti quenita vinique, smuni' xtoc ti Moisese, jmoj loq'uic batel xchi'uc snitilultac ti Judá ta jteclum yu'un ti xantique. Batic ta sbajtical banomil yu'un Judá ti oy ta stuq'uil yolon ti yac'ol xocon sloq'ueb c'ac'al yu'un ti Arade, ti bu jmoj comic ta naclej xchi'uc ti yajval lume.

Jueces 4:11

Nopol ta Cedes, ti nopol xil sbaic xchi'uc ti tulan ti oy ta Zaanaime, lamalic ta naclej ti Heber ti ja' quenita vinique, ja' ti jvoc' ti laj xch'ac sbaic xchi'uc ti yan quenitaetique. Ti quenitaetique, ja' snitilultac ti Hobabe, smuni' ti Moisese.

1 Samuel 14:6

Ti Jonatane xi laj yalbe ti yajcoltaobbae: —Sujo aba, jelavcutic ech'el ta jot uc'um c'alal to bu vololic ti xnich'nab pucuje. Stac' nan oy c'usi lec ta spas ti Dios ta jtojoltique. Ti stuque mu ta vocoluc ta spas ta xijc'ot ta jtsalvanej yu'un mi ta yepal, mi ta jutuc no'ox ti jvinictique.