Números 10:30 - Bible in Tzotzil de Chamula

³⁰ C'u stu un, ti Hobabe xi laj staq'ue: —Mu jc'an, ja' lec ta xca'i ti ta xisut batel ta jteclumal ti bu comemic ti cuts' calaltaque.

Bible in Tzotzil de Chenalhó with Deuterocanon

³⁰ Itac'ov li Hobabe: —Mo'oj, ja' ta jc'an chisut batel ta cosilal yo' bu oyic li cuts' calaltaque —xi.

Números 10:30 Iomraidhean Croise

Génesis 12:1

Oy jun c'ac'al, xi albat yu'un Dios ti Abrame: “Ictao comel ti avosil abanomile, ti avuts' avalaltaque, xchi'uc sna ti atote yo' jech ta xabat ta banomil ti bu ta xcac'bot avile.

Génesis 31:30

Yu'un ti jech juteb ta avo'nton ta xasut ava'i ta yosil ti atote, jech o xal labat ono'ox ava'uc un. Ja' no'ox un, ¿c'u cha'al laj avelc'an talel ti jdiostaque?

Salmos 45:10

Ts'etano achiquin ta ya'yiel, tuc'ulano ava'i lec ti xi s'elan ta xcalbot ava'ie, jtseb: tuch'o ta avo'nton ti atot ame'e, xchi'uc ti ateclumale.

Éxodo 18:27

Ts'acal to un, ti Moisese laj xch'ac sbaic xchi'uc ti smuni'e. Jech ti smuni'e sut batel ta slumal.

San Mateo 21:28

Ti Jesuse xi laj sjaq'ue: —¿C'usi ta xanopic yu'un ti oy jech sc'oplal li'e? Oy jun vinic oy cha'vo' xnich'on. Xi laj yalbe ti june: ‘Nich'on, tana li'e, batan ta abtel ta jts'unubal uva.’

San Mateo 21:29

Xi tac'av ti nich'onile: ‘Mu jc'an xibat.’ Ja'uc le' une, ta ts'acal to lic snop ti ta xbat ta abtele.

San Lucas 14:26

—Mi oy buch'u sc'an ta xistsacliun ya'i, mi mu xtuch' comel ta yo'nton ti stote, ti sme'e, ti yajnile, ti xnich'nabtaque, ti xchi'iltac ta voq'uele, ti yixleltaque, xchi'uc ti xcuxlejal stuque, mu xu' ta x'och ta cajchanc'op.

2 Corintios 5:16

Jech o xal un, ti vu'uncutique mu'yuc xa buch'u ta jnopilancutic sc'oplal junuc ti c'u s'elan yabtel ta spasique, ti c'usi sna'ic ti jnaclejetic li' ta banomile. Ti ta vo'nee, ac'o mi jech laj jnopcutic ta stojol ti Cristoe, ti ta stalel no'ox stuc ti c'u s'elan ta spasolane. Avi tana une, mu xa jechuc ta jnopilancutic ta stojol.

Hebreos 11:13

Scotolic taje, cham ilajic, mu'yuc yich'ojic ti c'usi albilic yu'un Dios ti ta x'ac'batique. Ta sventa ti c'otem ta yo'ntonic ta xch'unele, ta nom laj yilic batel ti xmuyubajic xa yu'une, xchi'uc laj ya'i sbaic ti naca j'ech'el-beetic ech'ic li' ta banomile.

Hebreos 11:8

Ti jech c'otem ta yo'nton ta xch'unel ti Abrahame, ti c'alal tae ta iq'uel yu'un ti Diose, laj xch'un, loc' batel yo' ta xbat ta banomil ti bu ta x'ac'bat ti xrexto yu'un ti Diose. Laj yicta comel ti yosil sbanomile c'alal mi ja'uc sna' ti bu ta xbate.

Jueces 1:16

Snitilultac Hobab ti quenita vinique, smuni' xtoc ti Moisese, jmoj loq'uic batel xchi'uc snitilultac ti Judá ta jteclum yu'un ti xantique. Batic ta sbajtical banomil yu'un Judá ti oy ta stuq'uil yolon ti yac'ol xocon sloq'ueb c'ac'al yu'un ti Arade, ti bu jmoj comic ta naclej xchi'uc ti yajval lume.