Números 10:2 - Bible in Tzotzil de Chamula

² “Meltsano chibuc plata taq'uin oq'ues ti anbil ta yanobile, ti ja' ta xtun avu'un ta sventa stsobel talel ti jnaclejetique, ti ta xac' ta na'el ti ta stam batel ti sbeique.

Bible in Tzotzil de Chenalhó with Deuterocanon

² “Paso chibuc oq'ues ta saquil taq'uin. Teno lec ta martillo yu'un ja' chtun avu'un sventa chatsob li achi'iltaque, xchi'uc chtun ta sventa senyail ti c'alal chatotsic batele.

Números 10:2 Iomraidhean Croise

2 Reyes 12:13

Ja'uc ti taq'uin ti ta xich' ich'el batel ta xch'ulna ti Diose, ma'uc ta sventa ti ta xich' meltsanel ti plata bise, ti xulobiltac sc'aq'uemal ti mechaetique, ti lech-lech taq'uinetique, ti oq'uesetique, xchi'uc ti c'usitic ta xtun ta yan ti meltsanbil ta oroe, ti ta platae.

2 Crónicas 5:12

Scotol ti jq'uejimol levitaetique, ti Asafe, ti Hemane, xchi'uc ti Jedutune, jmoj xchi'uc ti xnich'nabique, xchi'uc ti jlom yuts' yalalique, va'alic ta yeloval sloq'ueb c'ac'al yu'un ti altar ti naca sac ti sc'u' slapojique. Oy ta sc'obic ti set-set taq'uinetique, ti jtos o ta vobetique, xchi'uc ti arpaetique. Chapalic vacvinic (120) ta vo' paleetic ta yoq'uisanel ti oq'uesetique.

Salmos 81:3

Oq'uisanic oq'ues ta yorail ti ach' ue, ta syijil ti ue, jech yorail ta x'ech' ti muc' ta q'uin cu'untique.

Salmos 89:15

Ch'ul Dios, mu'yuc c'usi sna' ti jteclum ti xmuyubajic no'ox ti sna' slequil-c'optaote, ti ta xanavic ta squeoval axojobale.

Éxodo 25:18

Loc'tao chibuc sloc'obbail ti c'usi oy xic'tac ti ja' oroe, ti ja' anbil lec ta yanobile. Va'ano ta jujujot xocon sba smac ti caxae.

Éxodo 25:31

“Ta xameltsan xtoc jun pajleb cantilaetic ti ja' bats'i oro ti anbil ta yanobile. Ac'bo xchotleb, yacan, bisetic ti set-set stseque, ti oy xnichimal ti jun no'ox nitile.

Isaías 1:13

Mu xa xavich'beicun talel matanaletic ti mu'yuc xa sc'oplal cu'une. Mu xa ts'icbaj ta xca'i ti xch'ailale. Ti vo'oxuque ta xatsobic talel ta svolel ti jteclum ta spasbel sq'uinal ti ach' ue, xchi'uc sc'ac'alil ti cuxob o'ntonale, ja'uc le' une, mu ts'icbaj ta xca'i sq'uinic ta spasic ti jchopol jnaclejetic ti mu xicta sba ta spasel ti c'usi chopole.

Jeremías 4:5

Ti ta jteclum Jerusalene, xchi'uc ta Judae, oq'uisanic oq'ues ta sjunul ti muc' ta lume. Xi xavaq'uic ta na'el ti tsots ta xa'avanique: ‘La'ic un, batic ta nac'obbail jteclumetic, ba jtsob jbatic.’

Oseas 8:1

Xi ta xal xtoc ti Diose: “Oq'uisanic ti oq'ues jech c'u cha'al junuc jchabivanej jq'uel-osil ti sbainoj ta sq'uelel steclumal ti Diose. Yu'un mu'yuc xc'ot ta pasel yu'unic ti jtratee. C'ajomal no'ox laj stoy sbaic ta stojol ti c'u s'elan laj jchanubtase.

Joel 1:14

Tsobo ti jteclume, albeic ya'iic ti oy ictaej vaje. Ac'o stsob sbaic talel ti moletique xchi'uc scotol ti jteclum ta xch'ulna ti Ajvalil ti ja' Dios yu'unique. Ac'o c'opojicuc ti'inicuc ta stojol ti Diose.

Joel 2:1

Oq'uisanic ti oq'ues ta vits Sione. Oq'uisanic yo' ta xac' ta na'el svinajeb ta ch'ul vits yu'un ti Diose. Nicnunicuc no'ox liquel ti buch'utic nacalic ta jteclum Judae, yu'un jutuc xa sc'an ta xvul ta loq'uel ti xi s'elan ta xc'ot ta pasel ti sc'ac'alil yorail ti Diose:

Números 10:1

Ti Diose xi laj yalbe ti Moisés ti c'alal laj sc'opon talele:

Números 10:7

Ti mi ja' no'ox stuc oq'ues laj yich' oq'uisanele, ja' ta xac' ta na'el ti ac'o stsob sbaic ti jnaclejetique.

Efesios 4:5

Mu'yuc xa yan, jun no'ox ti Cajvaltique, jun no'ox ti Buch'u c'otem ta avo'ntonic ta xch'unele, jun no'ox ti ich'ob vo'e.