Números 10:1 - Bible in Tzotzil de Chamula

¹ Ti Diose xi laj yalbe ti Moisés ti c'alal laj sc'opon talele:

Bible in Tzotzil de Chenalhó with Deuterocanon

¹ Li Muc'ul Diose la sc'opan li Moisese. Jech laj yalbe:

Números 10:1 Iomraidhean Croise

Génesis 42:13

Ti stuquique xi laj staq'uique: —Ti vu'uncutic avajtuneluncutique, lajcha'vo'uncutic ta voq'uel. Jun ti jtotcutique, nacal ta Canaán. Ti slajeb jc'ox its'incutique xchi'inoj comel ti jtotcutique. Oy jun ti mu'yuc xa jchi'uccutique.

Génesis 46:15

Taje, ja' xnich'nab laj yilic xchi'uc ti Leae, xchi'uc xtoc laj yilic jun tseb ti Dina sbie. Ja' xnich'nab laj yilic c'alal teyic to ox ta Padán-arame. Ta scotol ti snitilultaque, oy oxlajuneb xcha'vinic (33) ta vo', scotol xchi'uc ti antsetique.

2 Samuel 6:15

Ti jech yich'ojic batel ti xcaxa Diose, jech ti stuque xchi'uc scotol ti israeletique, xmuyubajic no'ox ta avanel xchi'uc ta yoq'uisanel ti oq'uesetique.

2 Reyes 11:14

Ti bu taje, laj yil ti va'al ti ajvalil ta yoc muc' ta oy jech c'u cha'al liquem ono'ox yu'unic ta spasele. Ti ta jujujot xocone, va'ajtic ti banquilaletic yu'un ti jujuvoc' soldadoetique, xchi'uc ti epal jtij-vobetique, ti xmuyubajic no'ox ta xoq'uisanic oq'ues ti jteclume. Va'i un, ti Ataliae xi laj yal ti laj xch'i' ta jatel ti sc'u'e: —¡J'ac'vanej ta vocol! ¡J'ac'vanej xa ta vocol!

2 Crónicas 23:13

Laj yil ti va'al xa ti ajvalil ta sts'el oy ta ochebale. Vololic ta xocon ti banquilaletique, ti ep ta tos músicaetique, xchi'uc ti xmuyubajic no'ox scotol ti jnaclejetic ti xvochet no'ox yu'unic ta yoq'uisanel ti oq'uesetique. Ti jq'uejimoletique chapalic lec xchi'uc smusicaic ta xnitvanic ta sq'uejintael ti lequil q'uejimole. Va'i un, ti Ataliae lic xch'i' ta jatel ti sc'u'e, ti xi lic avanuque: —¡J'ac'vanej ta milel! ¡J'ac'vanej xa ta milel!

2 Crónicas 5:12

Scotol ti jq'uejimol levitaetique, ti Asafe, ti Hemane, xchi'uc ti Jedutune, jmoj xchi'uc ti xnich'nabique, xchi'uc ti jlom yuts' yalalique, va'alic ta yeloval sloq'ueb c'ac'al yu'un ti altar ti naca sac ti sc'u' slapojique. Oy ta sc'obic ti set-set taq'uinetique, ti jtos o ta vobetique, xchi'uc ti arpaetique. Chapalic vacvinic (120) ta vo' paleetic ta yoq'uisanel ti oq'uesetique.

2 Crónicas 7:6

Ti paleetique j'ech'el tey va'alic o ti bu staoj ti yavilique. Jech ti levitaetic eque chapalic xchi'uc ti ep ta tos xch'ul vobic ti laj sliques comel ti ajvalil David jun q'uejimol ti xi ta xale: “Sbatel osil oy ma' ti syail xc'uxul yo'ntone.” Xnic no'ox yu'unic oq'uesetic ti paleetic c'alal va'alic scotol ti israeletique.

Esdras 3:10

C'alal lic sliquesic talel ta lum xch'ulna Dios ti j'abteletique, ti jech c'ac'al taje, naca jtunel c'u'il slapoj ti paleetic va'ajtic xchi'uc yoq'uesic. Ti levitaetic snitilultac ti Asafe oy ta sc'obic set-set taq'uinetic yo' ta smuyubtaic Dios jech c'u cha'al albil yu'un ti David ajvalil ech' ta Israele.

Salmos 47:5

X'avlajetic no'ox ta muyubajel, xtutet no'ox ti oq'uesetique c'alal muy batel ta spasob mantal ti Ajvalil Diose.

Salmos 81:3

Oq'uisanic oq'ues ta yorail ti ach' ue, ta syijil ti ue, jech yorail ta x'ech' ti muc' ta q'uin cu'untique.

Salmos 98:6

Muyubajanic ta sq'uejintael ti Ajvalil Diose, ti xnupij xchi'uc ti c'usitic jupanbil ta xich' oq'uisanele.

Números 1:52

Ti yan israeletique jech ta slaman sbaic ta naclej jech c'u cha'al ta spasic ti soldadoetique, yu'un slecoj-lecoj ti jujuvoq'ue, ti ta svol sbaic ti bu ta spajan ti sbanderaique.

Números 10:2

“Meltsano chibuc plata taq'uin oq'ues ti anbil ta yanobile, ti ja' ta xtun avu'un ta sventa stsobel talel ti jnaclejetique, ti ta xac' ta na'el ti ta stam batel ti sbeique.

Números 29:1

“Ti sba c'ac'al yu'un ti yucubal ue, oy ch'ul tsoblej avu'unic. Ti jech c'ac'al taje, mi jtosuc abtel ta xavabtelanic. Yu'un ja' o sc'ac'alil ta xavinajesic ta yoq'uisanel ti oq'uese.

Números 7:2

Va'i un, ti banquilaletic yu'un ti jujuvoc' ta jujuchope, ti buch'utic coltavanic ta stsaquel ti biile, batic,

Números 9:23

Ta jbel no'ox smantal ti Diose, ta svol sbaic ta naclej. Mi mo'oje, ta jbel no'ox smantal ti Diose, ta stam batel sbeic. Ac'o mi jech un, ta ono'ox stunesatic yu'un ti Diose jech c'u cha'al yaloj ono'ox mantal ta sventa ti Moisese.

San Mateo 24:31

Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.

Josué 6:4

Vucub paleetic jelavemic ta jba'be ta xbatic yu'un xcaxail ti tratee, ti jujunic yich'oj jujun xulub xchijic ta yoq'uisanele. Ja'uc ti ta yucubal c'ac'al une, vucub xa velta ta sjoyibtaic ti jteclume, c'alal yacal ta xoq'uisanic ech'el xulub chij ti paleetique.

Apocalipsis 8:2

Laj taj une, laj quil ac'bat jujun yoq'uesic ti vucub anjeletic ti va'ajtic ta sts'el ti Diose.

Jueces 7:20

Ta yorail no'ox, jmoj laj yoq'uisanic xulub chij ti yoxchopalique, ti laj st'usic ta voq'uel ti q'uibetique. Ta sts'et c'obic sjapojic ech'el ti stojique. Yu'un ja' ta sbats'i c'ob stsacojic ti xulub chije, ti x'avanic no'ox ti xi ta xalique: “¡Letovajel! ¡Ta sventa ti Diose, ta sventa ti Gedeone!”