Números 1:51 - Bible in Tzotzil de Chamula

⁵¹ Va'i un, c'alal mi ta sc'an cuchel batele, ja' ta slilinic, ja' ta sva'anic ta ach' xtoc ti bu ta xc'ot alaman abaic ta nacleje. Scotol ti buch'uuc no'ox ta xnopaj batel ta sts'el ti Axibalna ti ma'uc sventainojique, mil xi ya'i yajval.

Bible in Tzotzil de Chenalhó with Deuterocanon

⁵¹ C'alal me yorail xa chaloq'uic batele, ja' oy ta sventaic chich'ic batel. Ja' tsmeltsanic lec scotol li c'usitic tsc'an ich'el batele, xchi'uc ja' chc'ot xcha'va'anic noxtoc ti bu chlic naclanique. Scotol li boch'otic chnopajic batel ta sts'el ch'ulna ti mu ja'uc oy ta sventaic sq'uelele, ac'o yich' milel.

Números 1:51 Iomraidhean Croise

2 Samuel 6:7

Toj ilinel c'ot ti Dios ti jech laj stic' sba ti Uzae. Ta jech to yepal tubbat sc'oplal ti toj chamel c'ot yal ta lum ta sts'el xcaxa ti Diose.

Números 10:11

Ti ta stobal (20) xa c'ac'al yu'un ti xchibal (2) u ti ta xchibal (2) xa jabile, laj stots sba muyel ti toc ti ta sba ti Axibalna yu'un ti tratee.

Números 16:40

Ti va'i s'elan taje, ja' c'ot ta scaj-sbijubtaselic ti israeletic ti mu'yuc buch'u junucal xu' ta xnopajic ta yaq'uel pom ta altar ta stojol ti Dios ti mi ma'uc snitilultac ti Aarone. Yan mi mo'oje, jech ta xc'ot ta stojolic jech c'u cha'al ti Coree xchi'uc ti xchi'iltaque. Scotol jech c'ot ta pasel jech c'u cha'al albat mantal ti Eleazar yu'un ti Dios ta sventa ti Moisese.

Números 17:13

Yu'un scotolic ti buch'u ta xnopajic ech'el ta xch'ulna ti Diose, ta xchamic. ¿Mi yu'un ta xc'ot ta pasel ti ta xijchamotic jcotoltique?”

Números 17:5

Yu'un ta xc'ot ta pasel cu'un ti ta xcac' q'uelomajuc snamte' ti buch'u t'ujbil cu'une. Ja' to jech ta xicta sbaic ta chopol c'opojel ta atojol ti israeletique.”

Números 18:22

Ja'uc ti yan israeletique mu stac' xnopajic ech'el ti ta Axibalnae. Yu'un xu' sta smulic ti ta xchamic o xchi'uquique.

Números 18:3

Yu'un ti stuquique ta xc'otic ta avajtuneltac, ti ta xtunic ta Axibalnae. Ja' no'ox un, mu me xnopajic ech'el ta sts'el ti c'usitic oy ta Axibalnae, ti ta stojol ti altare. Yu'un mi mu jechuque, xu' ta xchamic xchi'uc ta xachamic ec.

Números 18:4

Xu' xaschi'inot ti c'usitic tsots sc'oplal sc'an spasel ta Axibalna ti bu nupel ta bee, xchi'uc scotol ti c'usi jujutos sc'an pasele. Ja' no'ox un, mu me xu' xaschi'inoxuc yan ti mi mu'yuc yich'oj yabtelique.

Números 18:7

Ja'uc ti c'usi sc'an pasel ta stojol ti altare, xchi'uc ti c'usi sc'an ta spat ti bu lich'il ti muc' ta poc' ta sventa ti paleale, ja' me avabtelic ta xapasic xchi'uc ti anich'nabe. Taje, ja' avabtelic ta sbainel. Yu'un c'ot ta nopel cu'un ti ta xa'abtejic ta paleale. Mi oy buch'u ta x'abtej ta paleal s'elan ti c'alal ma'uc yabtele, chapal sc'oplal ta xich' milel.”

Números 3:10

Va'i un, ac'bo comel ta yoc ta sc'ob yabtel ta paleal ti Aarone xchi'uc ti xnich'nabe. Mi oy buch'u ta stic' sba ta abtel ta paleal ti c'alal ma'uque, chapal sc'oplal ta xich' milel.”

Números 3:38

Ti ta yeloval sloq'ueb c'ac'al yu'un ti Axibalnae, ti ja' ta stuq'uil ti Axibalna ti bu nupel ta bee, ja' svol sbaic ta naclej ti Aarone, ti Moisese, xchi'uc xnich'nabtac ti Aarone, ti ja'ic sbainojic ta sq'uelel ti Bats'i Cuxul Ch'ul Cuarto ta sventa ti lum Israele. Mi oy buch'u ta x'abtej ta paleal ti c'alal ma'uc ac'bil yabtele, chapal sc'oplal ta xich' milel.

1 Samuel 6:19

Ja'uc ti jnaclejetic ta Bet-semese, ti buch'utic xvechetic ta sq'uelel ti c'usitic tiq'uil ta yut caxae, oy jlom tubbat sc'oplalic yu'un ti Diose. Yu'un chamic lajuneb xchanvinic (70) ta vo' viniquetic. Lic oq'uicuc ti jteclum ta scoj ti c'ot ta stojolic yu'un Dios ti ep cham ti xchi'ilique.