Números 1:50 - Bible in Tzotzil de Chamula

⁵⁰ Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae.

Bible in Tzotzil de Chenalhó with Deuterocanon

⁵⁰ Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 1:50 Iomraidhean Croise

2 Crónicas 24:6

Va'i ti ajvalil une xi laj yalbe c'alal laj sta ta iq'uel ti pale Joiadae: —¿C'u cha'al ti mu'yuc laj atijbe yo'nton ta yac'bel yipal ti levitaetic ta stsobbel talel staq'uinic ti Judae, ti Jerusalene, yu'un ti laj yal mantal Moisés ti yajtunel Diose, ti scotol israeletic ta stsobbeic ta sventa ti Axibalna yu'un ti tratee?

Nehemías 12:22

C'alal cuxul to ox ti Eliasibe, ti Joiadae, ti Johanane, xchi'uc ti Jadúae, ti levitaetique, ti banquilaletic yu'un ti jujuchope, xchi'uc ti paleetique, bejel lec ta vun sbiic ti c'alal och ta ajvalilal ti Darío ti persia vinique.

Nehemías 12:47

C'alal yorail cuxul to ox ti Zorobabele, xchi'uc ti Nehemiase, scotol ti Israele jujun c'ac'al ta xaq'uic c'usitic ta xtun yu'unic ti jq'uejimole, ti jchabiej ti'nae. Ta xac'beic xtoc c'u yepal ta xich'ic ti levitaetique. Jech ta spasic xtoc ta stojol snitilultac ti Aarone.

Nehemías 12:8

Xi s'elan sbiic ti levitaetique: ti Josuee, ti Binuye, ti Cadmiele, ti Serebiase, ti Judae, ti Mataniase. Taje, xchi'uc ti xchi'ilic ta abtele, sbainojic ta sq'uejintael ti q'uejimol ti jun yutsile.

Nehemías 13:22

Ts'acal to une, laj calbeic ya'iic ti levitaetique, ti spocuc stusuc sbaique, ti baticuc ta chabiel ti ti'naetique yo' jech mu soquesbeic sc'oplal ti cuxob o'ntonale. ¡Xichie: Ch'ul Dios, mu xatic' ta avo'nton ti jech laj spas li'e! ¡C'uxubinun jech c'u cha'al oy sts'iquemal xcuchemal avu'une!

Nehemías 13:5

laj yac'be xch'amun jc'ol muc' ta yut na ti bu ta xich' q'uejel ti matanaletique, ti pome, ti c'usitic jtuneletic meltsanbile, xchi'uc ti jch'ac ta jujun lajlajuneb ti trigoe, ti vinoe, xchi'uc ti aceitee, ti oy sc'oplal ta xich'ic ti levitaetique, ti jq'uejimoletique, ti jchabiej ti'naetique, xchi'uc ti patanetic ta sventa ti paleetique.

Salmos 122:4

Ti jujuvoc' snitilul yu'untac ti Diose, ta xtal stsob sbaic ta slequil-c'optael ti bu taje, jech c'u cha'al albilic ti Israele.

Éxodo 31:18

C'alal laj yo'nton ti Dios ta sc'oponel ti Moisés ta vits Sinaie, laj yac'be talel ti pech-pech tonetic ti bu ts'ibabil talel ti oy c'usi tsots albil sc'oplale, ti ts'ibabil ta sc'ob stuc ti Diose.

Éxodo 38:21

Ta sventa smantal ti Moisese, ja' c'ot ta jtojobtasvanej ti Itamar ti ja' xnich'on ti pale Aarone. Jech o xal ti levitaetique ta sva'an sbaic ta xchapanel ti taq'uinetic ti ta xtun ta sva'anel ti Axibalna yu'un ti tratee.

Números 1:53

Ja'uc ti levitaetique ta sjoy sbaic ta naclej ta spat Axibalna yu'un ti tratee, xchi'uc ta xchabiic yo' jech mu x'ilin ti Dios ta stojol ti israeletique.”

Números 10:21

Va'i un, vol xiic batel ta nablej ec snitilultac ti Coate, ti ja' sbainojic ta xcuchel batel ti c'usitic ac'bil xa jelavel ta ventainele. Ti c'alal ta xc'otic ti yane, va'al xa ox ta staic ti Axibalnae.

Números 17:7

Jech ti Moisese laj yac' ti namte'iletic ta stojol ti Dios ta Axibalna yu'un ti tratee.

Números 18:5

Yu'un vo'oxuc abainojic ta spasel ti abtel ti c'usi sc'an pasel ta ch'ul cuartoe xchi'uc ti ta altare. Ti mi jech taj une, mu xa soc jol xchi'uc ti israeletic yan veltae.

Números 2:17

“Ja'uc ti levitaetic une volibilic ech'el ta xanobal ta chanvoc' ti xcuchojic batel ti Axibalna ti bu nupel ta bee. Jech ti chanvoq'uique, lec svoc'ol voc'ol ta xanavic batel ta be jech c'u cha'al svoc'ol voc'ol ti lamalic ta naclej ti bu pajal ti sbanderaique.

Números 20:11

C'alal jech laj yal ti Moisés ti va'i s'elan taje, laj stoy ti sc'obe. Chib velta laj smaj ti ton xchi'uc ti svaxtone. Ta jech to yepal, toj ech'em no'ox xchipluj vulel ta t'omel talel ti vo'e. Jech ti jteclume xchi'uc ti chon bolometique yochelic ta yuch'el ta j'ech'el.

Números 4:15

C'alal mi laj xa svolic lec ta pixel ti Aarón xchi'uc ti xnich'nabe scotol ti trasteetic ti ac'bil xa ta ventainele, ti chapalic xa ta stam batel ti sbeique, xu' ta xtalic snitilultac ti Coate yo' jech ta xchechic batel scotol ti c'usitic taje. Ja' no'ox un, ti c'usitic ac'bil xa ta ventainele, mi ja'uc xu' ta spiquic yo' jech mu xchamic. Yu'un scotol ti c'usitic oy ta Axibalna ti bu nupel ta bee, ja' sbainojic ta xchechel batel snitilultac ti Coate.

Números 4:3

Tsacbo ta vun sbiic ti buch'utic yich'ojic xa lajuneb xcha'vinic (30) jabile, ti xc'ot c'alal to ta lajuneb yoxvinic (50) jabile, ti baxbolic ta sventainel ti Axibalna ti bu nupel ta bee.

Números 8:19

Vu'un laj jt'uj loq'uel ti levitaetic ta stojol ti israeletique. Laj cac'be sbain ti Aarón xchi'uc ti xnich'nabe yo' jech ta xc'ot ta q'uexolil yu'unic ti israeletic ti ta xac' sbaic ta tunel ta Axibalna ti bu nupel ta bee, ti ta stabeic talel ti ch'aybil ta xc'ot smulic ti israeletic ta stojol ti Diose. Ti va'i s'elan taj une, yo' jech mu xnopajic batel ti israeletic ta stojol ti ch'ul cuartoe, yo' jech mu'yuc c'usi chopol ta xc'ot ta stojolic.”

Números 8:20

Jech ti Moisese, ti Aarone, xchi'uc scotol ti israeletique, laj xch'unic ta spasel jech c'u cha'al ti Dios laj yalbe mantal ti Moisés ta sventa sc'oplal ti levitaetique.

Números 8:22

Laj scotol taj une, jech ti levitaetique bat yabtelanic ti c'usi sc'an pasel ta Axibalna ti bu nupel ta bee, ti ja' q'uelbilic yu'un ti Aarón xchi'uc ti xnich'nabe. Jech c'u cha'al albat ti Moisés yu'un ti Diose, ja' jech laj spasic ta stojol ti levitaetique.

Apocalipsis 15:5

Laj ti va'i s'elan taje, laj jtoy jsat, laj quil jam ti ch'ulna ti oy ta vinajele, sc'oplal ti axibalna bu q'uejbil ti pech pech ton sventa ti tratee.