Números 1:3 - Bible in Tzotzil de Chamula

³ ja'ic ti buch'utic yich'ojic jtob jabile, xchi'uc ti x'ech' xa ta jtob jabil yich'ojique, ti baxbolic lec ta ac'-letoe. Bejanic lec ta vun sbiic ja' ti c'u s'elan sc'oplal ta sventa ti soldadoile. Ta xchi'inot ta scoltaelot ti Aarone.

Bible in Tzotzil de Chenalhó with Deuterocanon

³ ti yich'ojic xa jtob (20) jabil, c'alal to ta molique ti xu' xa yu'unic lec pleitoe. Tsacbeic ta vun sbiic sventa soldado. Ja' chascoltaot li Aarone

Números 1:3 Iomraidhean Croise

2 Samuel 24:9

Ti Joabe laj yac'be jelavel ajvalil ti c'u yepal laj sta ta tsacbel sbi ti jnaclejetic ti oyic ta jteclume, ti loc' ta chapel vaxaquib ciento ta mil (800,000) viniquetic ti chapalic ta ac'-leto ta Israele, xchi'uc vo'ob ciento ta mil (500,000) ta Judae.

1 Crónicas 5:18

Snitilultac ti Rubene, snitilultac ti Gade, xchi'uc ti o'lol jvoc' snitilultac ti Manasese, banquilal soldadoetic ta j'ech'el ti mu sna' xi'ique, ti chapalic lec xchi'uc ti smacobbailique, ti yespadaique, xchi'uc ti syolobique, ti lec chanubtasbilic ta tsalvaneje. Oy chanib yoxvinic ta mil xchi'uc cha'vinic sc'an xc'ot ta xvaxaquibal ciento mil (44,760) ta vo' viniquetic ti xtojobic lec ta ac'-letoe.

2 Crónicas 25:5

Ti Amasiase laj stsob scotol ti jnaclejetic yu'un Judae, ti jnaclejetic yu'un Benjamine. Va'i laj yal mantal ta snabanel ta jpas-mantaletic yu'un ta jujuvoc'. Ta jech yepal un, lic stsacbe sbi scotolic ti buch'utic yich'ojic jtob (20) jabile, xchi'uc ti x'ech' xa batele. Loc' ta t'ujel vo'lajunvinic mil (300,000) ta vo' viniquetic ti chapalic ta ac'-letoe, ti xtojobic ta spiquel ti lanza xchi'uc ti macobbaile.

Éxodo 12:17

Sq'uinal ti pan ti mu'yuc yich'oj ti spajubtasobile, ja' jun c'ac'al ti tsots sc'oplal ta xapasic ti q'uine. Yu'un jech yorail laj jloq'uesoxuc talel ta Egipto, ti ta xc'ot ta jbel c'usi albil ti tsots sc'oplal bejtsanbil ta xcom ta ajolique, ta stojol ti totil me'ile xchi'uc ti alab nich'nabiletique.

Éxodo 30:14

Scotol ti buch'u x'ech'ic xa ta jtob jabile xchi'uc ti buch'u yich'ojic jtob jabil ti bejel ta vun ti sbiique, ta xaq'uic ti xq'uexolic ta stojol ti Diose.

Éxodo 38:26

Scotolic ti tsacbat sbiic ti yich'ojic x'ech' ta jtob jabile, c'ot c'alal to vaquib ciento ta mil, xchi'uc o'lol xchan milal, xchi'uc to lajuneb yoxvinic (603,550) ta vo'. Ti jujunic taje laj yaq'uic vo'ob gramo plata xchi'uc o'lol, ja' ti c'u s'elan liquem sbisel yu'un ti ch'ulnae.

Números 14:29

Scotol ti buch'u chopol c'opojic ta jtojol ti x'ech' ta jtob (20) jabil ti laj yich' tsacbel ti sbiique, ta xchamic. Busul ta xcom yu'unic ti lum ach'el li' ta sbajtical banomile.

Números 26:2

“Liquesic ta stsaquel jun tsacob-biil ta jujuchop scotol ti israeletique, ti buch'utic yich'ojic jtob (20) jabile, xchi'uc ti x'ech' ta jtob (20) jabile, ti lec xa'iic ti ac'-letoe.”

Números 3:15

“Paso junuc tsacob-biil yu'unic ti jvoc' ta jujuchop ti nitiluletic yu'un ti levitaetique. Tsacbo lec ta bejtsanbel sbiic scotol ti queremetic ti jun u yich'ojique xchi'uc ti x'ech' xa ta jun u yich'ojique.”

Números 32:11

“Yu'un scotol ti querem viniquetic ti yich'ojic jtob jabile xchi'uc ti x'ech' xa ti c'alal loq'uic talel ta Egiptoe, mu x'ochic batel ta banomil ti caloj ta xcac'beic ti Abrahame, ti Isaaque, ti Jacobe, ta scoj ti yan ti sjol yo'ntonic ta jtojole.”

Números 33:1

Ti li'e, ja' ti bu ech'ic ti israeletic ti c'alal loq'uic talel ta Egiptoe, ti xvoletic talel ti co'ol s'elan jvoc' soldadoetic ti stamoj batel ti sbeique, ti ja' ic'bilic batel yu'un ti Moisese xchi'uc ti Aarone.

Números 4:3

Tsacbo ta vun sbiic ti buch'utic yich'ojic xa lajuneb xcha'vinic (30) jabile, ti xc'ot c'alal to ta lajuneb yoxvinic (50) jabile, ti baxbolic ta sventainel ti Axibalna ti bu nupel ta bee.

Deuteronomio 24:5

“Mi oy jun vinic ti ach' to no'ox laj yic' ti yajnile, mu xu' ta xich' taquel ta ac'-leto jun jabil, mi ja'uc c'usi ta x'ac'bat sbain jtosuc ti abtele. Ti va'i s'elan taje, colem ta sq'uelel ti c'usi sc'an pasel ta snae yo' jech ta snopes ti yajnile.

Deuteronomio 3:18

“Ti jech yorail ta vo'ne taje, xichi xcholet laj calboxuc ava'iic ti mantale: ‘Ti Ajvalil ti ja' Dios avu'unique ta xac' ta arextoic ti muc' ta lum li'e. Yu'un scotol ti buch'u xu' yu'unic letovajele, ac'o xchapan sbaic xchi'uc ti yabtejebique, ti voleticuc ech'el ta jba'be yu'un ti xchi'iltac ta Israele.