Números 1:20 - Bible in Tzotzil de Chamula

^20-21 C'alal laj xa yich' tsaquel sbiic ti jujuvoc' ti totil me'il yu'unique, jech c'u cha'al tsacbil sbiic ta jujun ti jtob jabil yich'oje, xchi'uc ti x'ech' ta jtob jabil yich'oje, ti jujun ta scotolic ti chapal sc'oplal ti xu' ta xloq'uic ta ac'-letoe, ja' loc' ta chapel jech c'u cha'al li'e: Ta sventa xnich'nab ti Rubén ti ja' sbanquilal nich'on ti Israele, ti jech ayanem snitilultac ta jvoc' ti totil me'il yu'unique, ja' loc' ta chapel vaquib yoxvinic ta mil xchi'uc vo'ob ciento (46,500) ti viniquetic ti baxbolic ta ac'letoe.

Bible in Tzotzil de Chenalhó with Deuterocanon

^20-21 Jech la stsacbeic sbi scotol ta jujuchop sbiic, xchi'uc ta jujubej snaique, xquechet la stsacbeic sbi ta jujun li viniquetic ti xlic ta jtob (20) jabil sjabilalique, ja' jech yepal iloc' chac li'i: Li jchop liquem ta Rubene, ja' li banquilal xnich'on Israele, ja' o'lol svucubal yoxvinic ta mil (46,500) iloc' ta scotol li viniquetic ti xu' xa yu'unic paspleitoe.

Números 1:20 Iomraidhean Croise

Génesis 29:32

Ja'uc ti Leae lic xchi'in yol. Ayan jun squerem, Rubén laj yac'be sbi, yu'un xi laj yale: “Ti Diose laj yil ti oyun ta vul-o'ntone. Jech o xal avi tana li' une, yal to jc'uxubinel yu'un ti jmalale.”

Génesis 35:23

Ti laj yil xchi'uc ti Leae, ja'ic ti Rubén ti sbanquilal nich'one, ti Simeone, ti Levie, ti Isacare, ti Judae, ti Zabulone.

Génesis 46:9

Ti Rubene, xi sbitac ti xnich'nabe: ti Hanoque, ti Falue, ti Hezrone, xchi'uc ti Carmie.

1 Crónicas 5:1

Sbanquilal nich'on ti Israele, ja' ti Rubén sbie. Banquilal nich'onil un, chapal sc'oplal oy c'usi ta xich' ti jech banquilal nich'onile. Ta scoj ti laj soques sba xchi'uc sts'acal ajnil ti stote, ch'ay sc'oplal. Mu'yuc xa ich'bil ta muc' c'ot ti banquilal nich'onile, ja' laj yich' xnich'nab ti José xnich'on ti Israele.